Doorshooyinku dhib iyo dheefba waa u leeyihiin
Shacabka Somaliland
Qaybtii 3aad
Mar kasta waxaad ogaataan in
howlaha Doorashooyinku ay yihiin howlo aad iyo aad u dhib
badan,marka laga hadlayo qarasha ku baxaya iyo howsha la qabanayo
lafteeda,waxaad markasta maskaxda ku haysaa Doorashooyin ka dhacay
wadan yar oo aan la AQOONSAN dhaqaale ahaan iyo siyaasad
ahaanba,kuna yaala qaarada Afrika sida ay ugu dhib badan tahay
howshaasi.
XEERKA DIIWAN –GELINTA COD-BIXINYAASHA.
Waa wax lagu faani karo,in Diiwan
gelintii Somaliland ay ku dhamaantay guul iyo dhibaato aan weyneyn,
marka la ee baaxada howshu lahayd.
Xeerka Diiwan gelintu wuxuu ka mid yahay TIIRARKA ugu waayeyn ee ay
ku taagan yihiin doosharashooyinka soo socda ee Somaliland, waxaana
la filayaa in Diiwan gelintu soo Af jarto murano badan oo ka dhici
jiray Doorashooyinkii hore dalka iyo dadka u soo maray.
Guud ahaan Xeerka Diiwan gelintu waa mid aad iyo aad u fiican marka
laga eego dhinacyo badan,balse waxaa jira dhaliilo aan sidaa u sii
weynayn oo u baahan in dib loo eego ,waxaana ka mid ah qodobadan soo
socda:-
QODDOBKA 9AAD
SHAQAALAHA KA HAWL-GALAYA
SUGITAANKA JINSIYADDA
Shaqaalaha loo qaadanayo Xafiisyada kala duwan ee sugidda
Muwaadinimo waxa lagu xulanaya shuruudahan:-
1. Waa in uu Muwaadin reer Somaliland ah yahay.
2. Waa in aan da’diisu ka yaraan 25 jir.
3. Waa in uu Caafimaad qabaa jidh ahaan & Maskax ahaanba.
4. Waa in aanu xukun maxkammadeed oo kama-dambays ahi ku dhicin.
5. Waa in uu leeyahay aqoon Dugsi Sare, heer-jaamacadeed ama wax-u-dhigma.
6. Waa in uu ku sifoobaa karti, daacadnimo & Aaminaad Bulshada
dhexdeeda ah, sumcadna ku leeyahay.
7. Sifooyin ka kalana waxa uu la wadaagaa, sifaha lagu xullanayo
Shaqaalaha Diiwaan gelinta.
Q9-Far.2aad waa in dadiisu aanay ka yaraan 25 jir ,markaa waxaa ka
maqan in la cadeeyo inta la rabo in aanay dadiisu ka weynaan oo aan
Xeerkan ku cadeyn.
Q.9-Far 3. Wuxuu ka hadlayaa CAAFIMAADKA,kaas oo leh waa in uu
caafimaad qabaa JIDH AHAAN IYO MASKAX AHAANBA. Waxaad moodaa in
qodobkaana ay ka muuqato dhaliil ,taas oo ah ,waxaan cadeyn waxa
looga jeedo “Jidh” ahaan.
Tusaale:- Hadii uu Curyaan yahay,balse uu aqoon fiican u leeyahay
howsha soocota,ma ka shaqeyn karaa ?
QODOBKA 12AAD
DHAQAN-GELINTA DIIWAAN-GELINTA
1. Komishanku waa in uu dhaqan-geliyaa diiwaan-gelinta cod-bixiyeyaasha
ugu yaraan muddo lix bilood ah ka hor maalinta doorashada.
2. Diiwaan-gelintu waxa ay
soconaysaa muddo aan ka yarayn hal bil kana badnayn saddex bilood.
3. Komishanku isagoo adeegsanaya
dhammaan hababka warbaahinta kala duwan ee ka jira dalka, waa in uu
daabaco islamarkaana baahiyo xilliga loo cayimay Diiwaan-gelinta iyo
dhammaan wixii xog ah ee ay muwaaddiniintu u baahan yihiin in ay
ogaadaan.
4. Komishanka waxaa ku waajib ah
in uu baro islamarkaana ku wacyi geliyo muwaaddiniinta muhiimadda ay
Diiwaan-gelintu leedahay.
5. Si arrintaa loo
suurto-geliyana Komishanku waa in uu diyaariyaa barnaamij qayb ka ah
geedi-socodka Diiwaan-gelinta oo loogu talo-galay in lagu baro
laguna wacyi geliyo dadwaynaha in ay isu diyaariyaan doorashada.
6. Madaxweynaha ayaa ku
dhawaaqaya xiliga la bilaabaayo diwaan-gelinta cod-bixiyayaasha,
isaga oo ku soo saaraaya digreeto Madaxweyne ka dib marka uu helo
soo jeedinta komishanka doorashooyinka qaranka muddo shan iyo toban
maalmood gudahood.
Q12-Far.2aad,waxay sheegaysaa in Diiwan gelinta iyo Doorashooyinka
ay u dhaxayso mudo lix(6) bilood ah,taas oo u muuqata mid aanay
suurta gal ahayn,mana garanayo cida ka hadli karta xilligan,inta u
dhaxaynaysa Diiwangelinta iyo Doorashooyinka waxaa kaloo sii
cadaynaya Q.13 ee xeerka Doorashooyinka somaliland.
Akhristoow haddii aan tusaale gaaban kaa siiyo dhibta ay leeyihiin
Doorashooyinka isdaba jooga ah waxaa ka mid ah,“ldhaqaale aad iyo
aad u badan oo ku baxa,kaas oo loo isticmaali lahaa adeega bushada
IWM.
Dhinaca faaiidooyinkana waxaa ka mid ah “waxaynu raacaynaa tubtii
Dimuqraatiyada,oo waxaynu kaga gudbaynaa habka “keli talisnimada iyo
habkii Qabiilkaba,weliba caalamkana waxaynu kaga doonaynaa taageero
buuxda.
Hadal iyo dhamaan ma garanayo,arimahan aan kor ku soo sheegay halka
ay ka dhaafeen saddexda GOLE(Dowlada-G.Wakiilada iyo G.Guurtida) oo
uu soo maray xeerkan Diiwan gelintu,anigoo huba in ay jiraan rag
badan oo aqoon fiican u leh sharciga in ay ku jiraan seddexda Goleba.
……….. la soco qaybaha dambe-----
mahadsanidin
Qalinkii Abdi M.Saleiman(Mingiste)
abdi_saleiman@hotmail.com
|