Somaliland iyo sanadka 2008
( Sanadkanina ma
aqoonsi la,aan ayuu igu dhaafay,ALLAHAYOOW
laba talaba tii roon.Somaliland waxay
dhadhamisay QARAXYADII AL_QAACIDA )
Haddaba haddii aan u soo noqono sanadkan sii dhamaanaya ee 2008 iyo
waxyaabihii ka dhacay Somaliland.Runtii waxaa la odhan karaa 2008
wuxuu ahaa sanadkii ugu dhibta badnaa marka loo eego sanadihii ka
horeeyey,waxaana markhaati cad u noqonaya qodobadan aan hoos ku soo
koobay:-
Siyaasada Gudaha
• 2008 Somaliland waxay ka mid noqotay wadamada ay AL-Qaacida ka
geysatay qaraxyada axmaqnimada leh ,Hargeysa-na waxay gashay liiska
caasimadaha Dunida ee ay AL-Qaacida duqaynta baladhaan u gaysatay.
Dhinaca kalena Somaliland waxay dhadhamisay Qaraxyada AL-QAACIDA 29
Oct,qaraxyadaas oo ku nafwaayeen in ka baan 20 ruun,kuna dhaawacmeen
tiro kale oo badan .
• 2008 wuxuu ahaa sanadkii ugu muranka badnaa dhinaca Siyaasadeed ,murankaas
oo dhex marayey Xisbiyada Siyaasadeed ee Somaliland,waana muran kii
ku beegnaa 15 May 2008.
• 2008 wuxuu ahaa sanadkii uu murankii ugu balaadhnaa ka oloosmay
Guddiga Doorashooyinka Somaliland.Murankaas oo keenay in lagu
heshiin waayo cida noqonaysa Guddigga Doorashooyinka .Waa murankii
keenay in uu dib u dhac uu ku yimaado Doorashooyinka Somaland gaar
ahaan tan Deegaanka iyo tan Madaxweynaha.
• 2008 wuxuu ahaa sanadkii ay ugu kulanka iyo wadahadlka badnaa ee
Mucaaridka iyo Muxaafidka.
• 2008 wuxuu ahaa sanadkii uu dalka Somaliland nonday 13 Gobol ,halkii
uu ka ahaan jiray 6-da Gobol.
• 2008 wuxuu ahaa sanad ay jireen MUDAHARAADO badan ,Mudaharaadadaas
oo kala ujeedooyin ahaan, balse dhimasho iyo dhaawacnba gaystay.
• 2008 wuxuu ahaa sanadkii ugu muranka badnaa Ganacsatada iyo
Xukuumada Somaliland,gaar ahaan kii ku saabsanaa “Dhoofka Xoolaha”
• 2008 wuxuu ahaa sanadkii ay is Diiwan geliyaan Shacabka reer
Somaliland ,dhinaca kalena wuxuu noqon doonaa sanad lagu xasuusan
doono Diwaan gelinta.
• 2008 wuxuu ahaa sanadkii ay ugu waxqabad yaraayeen labada Gole ee
Somaliland (Golaha Guurtida iyo Golaha Baarlamaanku), haba yaraatee
ma jiraan wax la taaban karo oo ay qabteen labad Gole,waxay qabtaan
iska daa ee xataa waxaa yaraa in aad maqasho magaca Golayaasha.
• 2008 wuxuu ahaa sanadkii ay ugu liiteen Hayadaha amaanka
Somaliland,sababtoo ah waxay ogaan kari waayeen Qaraxyo xoogan oo la
doonayey in lagu minjo xaabiyo gabi ahaanba Somaliland.
• 2008 wuxuu ahaa sanadkii ay ugu qaalisaneyd maceeshada DARUURIGA
ah,waxaana la odhan karaa wuxuu ahaa sanad ku adag shicibka
Somaliland.
Siyaasada Dibada:-
2008 waxaa wax iska bedeleen xidhiidhka ka dhexeeya Somaliland iyo
Jabuuti ,waxaa booqday Madaxweynaha Somaliland iyo wafti uu
hogaaminayo,waxaa inoo yimid wafti reer Jabuuti ah, sidoo kale waxay
ka qayb qaateen daaweynta dhaawacyadii Qaraxyadii Hargeysa 29 oct.
2008 Madaxweynaha iyo wufuud uu hogaaminayo ayaa booqaho ku tegay
wadamo dhowr ah oo ay ka mid yihiin Yurub ,gaar ahaan wadamada
Ingiriiska –Faransiiska –Garmalka.
2008 Madaxweynaha Somaliland iyo wafti uu hogaaminayo ayaa gaadhay
wadanka U.S.A gaar ahaan Wasaarada arimaha dibada,sidoo kale waxaa
booqasho ku yimid Somaliland markii ugu horeysay qaar ka mid ah
masuuliyiinta ugu saraysa Wasaarada arimaha dibada ee USA.
2008 Madaxweyne ku Xigeenka somaliland ayaa markii ugu horeysay
sheegay in ay haboon tahay in “GOGOL NABADEED” loo fidiyo kooxaha ku
dagaalamaya Soomaliya.
Saxaafada Somaliland:-
• 2008 wuxuu ahaa sanadkii
saxaafada Somaliland ,waxaa ka soo baxa dalka ilaa 8 Wargeys,waxaa
laga daawadaa ilaa 4 Tv oo qaarkood caalamka oo dhan laga daawado.
Saddexda Xisbi:-
• 2008 waxaa ka dhex saddexda Xisbi dhaqdhaqaayo kala badan oo kala
duwan,waxaana ka mid ahaa Cabdiraxmaan aw-cali oo UCID ku biiray,Dr.
Gaboose oo Kulmiye ku biiray iyo weliba kooxo kale oo ku kala biiray
Xisbiyada kala duwan.
• 2008 Gudoomiyayaasha saddexda Xisbi ee UDUB, Kulmiye iyo UCID ayaa
xaqiiyey mar labaad in yihiin Murashixiinta Madaxweynenimada ee
Xisbiyadooda .
Qurba jooga Somaliland:-
• 2008 wuxuu ahaa sanadkii ay Qurba jooga iyo Jaaliyadaha Somaliland
,ay mucaawimo gaadhsiiyaan shacabkooda ,si gaar ahna waxaa loo
tilmaami karaa ,dadkii dhibaatadu ka soo gaadhay QARAXYADII,
Cisbitaalada Burco iyo hargeysa iyo weliba Qoysas sidooda u
dhibaataysanba.
Hadal iyo dhamaan waxaan hadalka ku soo ooday laba hal ku dheg oo
kala ah:
“Somaliland waxaa soo maray sanado ka adag
kana dhib badnaa 2008”
“Waa inoo
gacan-na Qoriga gacana Card-ka Codbixinta”
ILLAAHOW SANADKA TEGAY HARAATIDIISANA NAGA HAY
SANADKA CUSUBNA HIRDIDIISANA NAGA HAY
mahadsanidin
|