Siyaasada
Madaxweyne Rayaale iyo Haweenka Somaliland!
Haweenka ayaa kaalin aad
u wayn kaga jira bulshada aduunka, iyaga oo fuliya shaqoo yin
kala duwan oo la’aantooda ay adkaan lahayd inay qabsoomaan
Haweenka Somaliland ayaa ah kuwo Baal-Dahab ah kaga qoran Tariikhda
wadankan
Aan ku Horayne Waqtigii lagu jiray halgankii qadhaadha ee
Jamhuuriyada Somaliland lagu Xoreeyay ayaa Haweenku waxay ahaayeen
laf dhabar aan la hilmaami karin
Waxay Halganka kaga Jireen Gudo iyo Dibadba
Bal aan eegno sida Abwaanku i Sifeeyay
Hablo weerar geli kara
Hablo geela dhicin kara
Hablo geesi dili kara
Gobonimana hanan kara
Hablo talada goyn kara
Garta madal ka niqi kara
Garashana iskaga mida
Quruxdana ka wada gob ah
Geesteenna mooyee
Gayi kale ma joogaan
Abwaan Hadraawi
Waxa Xaqiiq ah in Halganki Hubaysnaa ee lala Galay Kaligi Taliye
Maxamed Siyaad Bare u Khasaare ugu Badani ka soo Gaadhay Haweenka
Waxaad is Waydiisa
-Imisa Dumar ah ayaa ku wayay Ragii ay u dhaxeen oo Halkaa ku qaaday
Asay
-Imisa Dumara ayaa walaalahood ku wayay
-Imisa dumara ayaa Wiilashi ay Dhaleen ku wayay
-Imisa ku wayay Awoow, Abti, Adeer, Inadeer, Inaabti,Habar
wadaag,Seedi
-Imisa ayaa Dahabkoodu iyo Guryahoodu u Xaraashay
Waa wax aan la qiyaasi karin khasaaraha nafeed iyo maal ee Haweenku
u hureen Xoriyada maanta wadankani Hadhsanaayo
Haweenka Jamhuuriyada somaliland halkaa kaga may hadhin halgankii ee
markii wadanka lagu soo noqday waxa ka qayb lixaadle ka qaateen Dib
u Heshisiinti Beelaha Wada Dega Somaliland iyo Dib u dhiskii wadanka
Hadaba Marka laga reebo hawlaha guriga iyo korinta ubadka ayaa
haweenka guud ahaan waxaa culays wayn ku haya dhibaatooyinka
dhaqaale, caafimaad iyo siyaasadeed ee ka jira dalkeena. Arimahan
aan soo sheegay iyo qaarkale oo badan ayaa waxay dumarka ku hayaan
welwel iyo walbahaar kaasoo illaa hada aanay jirin wax qorshe
siyaasadeed iyo mid biniaadaminimo oo dawlada hada jirtaa ugu talo
gashay
Waxa maanta somaliland ku dayacan Hooyooyinkii Dhalay Mujaahidiinta
Wadankan Naftooda U huray
Xukuumada Madaxweyne Rayaale ayaa ah mid si cad u duudsiisay
Xuquuqdi ay ku lahaayeen Haween Weynaha Somaliland
Akhristoow Haweenka Somaliland oo lagu Qiyaaso 63% shacab Weynaha
Jamhuurida Somaliland Waxay Xukuumada Madaxweyne Rayaale ku
leeyihiin 1 wasiir oo qudha
Taasi miyaanay ka turjumayn Quudhsiga cad ee Xukuumada Madaxweyne
Rayaale ay ku hayso haweenka somaliland
Maxa u diiday in haweenka ugu yaraan la siiyo 3/1 Golaha wasiirada
Ee Xukuumada
Hadii lagala Masuugay in loo dhiibo Wasarada wax ku oolka ah sida
-Arimaha Dibada
-Arimaha Gudaha
-Maaliyada
Hadiiba Rayaale is leeyahay Wasaaradahaas waa kuwo aad ku
fadhiisisay Siyaasiyiin kaga Gudban daad waa hore ku qaadi lahaa
Haweenku miyaanay xaq u lahayn hadaa in lo dhiibo wasaarada ku
taxaluqa Kobcinta iyo Horumarinta Dadka iyo Dalka sida
-Dalxiiska
-Waxbarashada
-Caafimaadka
-Beeraha
Sida Cad-ceeda ayay u muuqata in madaxweyne Rayaale hadh cad ka
dhaqaajiyay Haweenka somaliland Xaqii ay ku lahayeen Dastuurka
Dhacdadi ugu dambaysa waxay ahayd markii madaxweyne Rayaale uu kala
masuugay Haween weynaha Somaliland in uu Hambalyeeyo Maalintii
Haweenka Aduunka ee 8dii Bishii March
Waxa is waydiin leh Goorma ayay Coloobeen Madaxweyne Rayaale iyo
Haweenka Somaliland?
Hadaba Waxa Haboon in haweenka somaliland ay codkooda mideeyaan
meela uga soo wada jeestaan cid kasta oo hagardaamo u maleegaysa
Codkoodana ay ku hubsadaan sanduuqa ay is leeyihiin xaqiina idin
duusin maayo oo waad la xisaabtami kartaan
Guul iyo Gobanimo
|