Xuska maalintii Dhagaxtuurka UFFO oo lagu qabtay maanta Magaalada
Hargeysa iyo khudbadihii ay ka jeediyeen madashaasi masuuliyiintii
ka soo qayb galay.

Xuskan oo maanta lagu qabtay Fagaaraha Beerta Xorriyada ee Magaalada
Hargeysa.....
Hargeysa (TNN)-Xuskan oo maanta lagu qabtay Fagaaraha Beerta
Xorriyada ee Magaalada Ha rgeysa ayaa waxa ka soo qayb galay
Masuuliyiin kala duwan oo ay ka mid ahaayeen Wasiirada Madaxtooyada
Xirsi Xaaji Cali, Dhalinyarada iyo Ciyaaraha Cabdi Siciid Faahiye,
Guddoomiyaha Maamul wanaaga iyo la dagaalanka Masuqmaasuqa Axmed
Muxumed Madar, Guddoomiye ku xigeenka Xisbiga UCID Aadan Jaamac
Hurre, Maxamed Cabdi Daa’uud oo ka socday Xisbiga UDUB, Guddoomiyaha
Daladda dhalinyarada Somaliland ee SONYO Axmed Cabdi Wacays,
Dhalinyaro kala duwan iyo Ardey ka kala socotay Dugsiyada kala duwan
ee ku yaala Magaalada Hargeysa.
Munaasibadan lagu xusayey Maalintii dhagaxtuurka ee Dhalinyarada
lagu xidh xidhay wakhtigii Siyaad Barre, taas oo lagu asteeyey in ay
tahay maalinta Dhalinyarada Somaliland ayaa waxa ugu horeyn halkaasi
ka hadlay Guddoomiyaha Dhalinyarada Somaliland ee SONYO Axmed Cabdi
Wacays isaga oo xusay in ay maalintani qiime weyn ugu fadhido
Somaliland, waxaanu dhalinyara da ku dhiirigeliyey inay sidii
Dhalinyaradii wakhtigaasi u sameeyeen waxtar taariikhda galay ay u
sameeyeen, waxaana Guddoomiyaha Hadaladiisii ka mid ahaa “Maanta
waxa aynu xusaynaa maalintii Dhalinyarada UFFO ay sameeyeen
dhagaxtuurkii, waxaanay inoo tahay farxad weyn in aynu maanta xusno
maalintaasi qiimaha lahayd,waxaanan halkan tacsi uga dirayaa
Marxuumkii maalintaasi ku geeriyooday aniga oo ILAAHEY uga baryaya
in u Naxariistii Jano ka waraabiyo Marxuumka halkaasi ku geeriyooday
kuna shihiiday.
Marwadii Madaxweynihii Somaliland Maxamed X. Ibraahim Cigaal Marwo
Kaltuun Xaaji Daahir oo iyana halkaasi ka hadashay, kana mid ahayd
Dhalinyaradii wakhtigaasi ku jirtay dhagax tuurka ayaa waxa ay ka
warantay qiimaha ay leedahay maalintani, iyada oo sidoo kalena ugu
baaqday dadka ku dhaqan Gobolada Bariga Somaliland ay qaataan Nabada
iyo horumarka Dalka, waxaana hadaladeedii ka mid ahaa “Maalintan
aynu xusayno oo ah maalin xusuus mudan,waxaanan aad ugu faraxsanahay
xuska maalintan, dadkeena ku dhaqan Bariga ee shaqaaqada wadana
waxaan ugu baaqayaa in ay nabada qaataan si aynu horumar u gaadhno,
waxaanan leeyahay Abtiyaash ay aniga Abtibay ii yihiin waxa ka soo
jeeda kuwii ay Hooyaday Ilmaadeerka ahaayeen, waxaan an leeyahay
abtiyaal aynu nabada qaadano”.
Guddoomiye ku xigeenka UCID Aadan Jaamac Hurre oo isna halkaasi ka
hadlay ayaa ka sheekeey ey muhiimada ay Qaranka u leedahay
Maalintani.
Maxamed Cabdi Daa’uud oo isna halkaasi ka hadlay ayaa ka waramay
maalintani qiimaha ay leed ahay waxaanu sidoo kale ka waramay
maalintani sida uu u xusuusto, waxaana hadaladiisii ka mid ahaa
“Maalintani waxa ay ahayd maalin xusuus badan, waxaanan xusuustaa
maalintaasi oo aan ahayd mid xusuus mudan”.
Wasiirka Dhalinyarada iyo Ciyaaraha Cabdi Siciid Faahiye oo isna
halkaasi ka hadlay ayaa ka wara may maalintan iyo qiimaha ay
Dhalinyarada Somaliland u leedahay..
Wasiirka Madaxtooyada Xirsi X. Cali oo isna halkaasi ka hadlay ayaa
waxa hadaladisii ka mid ahaa “Maalintan aynu joogno oo ah maalin
xusuus badan oo Qaranka Somaliland aad ugu xusuus bada n, xuska
maalintan in aanu u aqoonsano maalinta Dhalinyarada Somaliland waanu
wadnaa qorsha heedii oo waxaanu ku han weynahanay in Goleyaasha
Sharci dejint u gudbino wakhtiyada soo socda”.
20 – Febraayo oo maalin ku xusan bilawga kacdoonkii lagaga soo
horjeeday Hogaankii macangaga ahaa ee Siyaad Barre, ka dib markii ay
Dhalinyaradii UFFO bilaabeen Kacdoon dhagax tuur ah oo lagaga soo
horjeeday xukunkii kalidii taliska ahaa ee Siyaad Barre.
Sacad M. Cabdi
Timacade News Desk
Hargeysa, Somaliland
|