Xoghaya Arrimaha Dibedda Udub oo La kulamay laanta Udub Finland

(Helsinki Salaasa11.5.2010) Xoghaya Arimaha dibada ee xisbiga Udub Mohamed Abdilaahi Isse Iyo wafti uu hogaaminayo oo ka mid yahay xidhiidhiyaha xisbiga Udub UK Abdirahmaan Sheekh Xuseen ayaa kulan balaadhan la yeeshay Laanta Udub ee Finland.

Kullankan Waxaa Furay Kuna soo dhaweeyey Weftiga Gudoomiyaha Udub Finland Mudane Siciid Cumar. Gudoomiyuhu waxaa uu warbixin ka siiyey xoghayaha iyo weftigaba guud ahaan laanta xisbiga, waxaana uu is baray xubnaha xisbiga Finland ee kullanka Goob jooga ka ahaa.
warbixinta iyo soo dhawaynta ka dib Gudoomiyuhu waxaa uu ku soo dhaweeyey mikrofoonka
Xogahaya arrimaha dibedda ee xisbiga Mudane Maxamed Cabdillahi Issa.

Xoghayaha oo uu jeediyey hadal dheer oo taabanaya dhinacyo badan,kuwaasoo ay ka mid ahaayeen diyaargarawga iyo tabaalbulshaha doorashooyinka Madaxtooyada ee dalkii ka dhici doonaa dhawaan.Waxaa uu culayska saaray ka qaybgalka xubnaha xisbiga ee laamaha dibeddahu kaga qayb geleyaan iyo doorka muhiimka ay ka geli lahaayeen ololaha iyo doorashadaba.

Waxaa isna hadal ka soo jeediyey Xidhiidhiyaha Udub Uk Mudane Cabdiraxmaan Sheekh Xuseen oo uu kaga waramay guud ahaaanba arrimaha xisbiga gudaha iyo dibedaba, gaar ahaana xaaladda hada ee khusaysa doorashooyinka.Guddomiyaha garabka haweenka ee Finland Marwo Canab Axmed goox ayaa soo jeedisay hadal dhiiri gelin iyo guubaabin siiba sidii loogu diyaargaroobi lahaa doorashatan.Gaar ahaan ay ku socosiisay Garabka haweenka.

Kullanka waxaa iyana ka hadlay : Gudoomiyaha dhallinyara ee Udub Finland- Faysal Cabdi
Xidhiidhiyaha garabka Haweenka Udub Finland- Foosiya Maxamed Xandulle. Afhayeenka garabka Haweenka udub Finland- Shuun Biixi.Kullankan oo Jawifarxeed ku soo gabagaboobay waxaa uu gudoomiyaha udub Finland, mahadnaq u jeedinay xubnihii ka soo qayb galay kullankan.

Siciid Cumar Hurre
Gudoomiyaha Udub Finland