Xisbiyada mucaaridka ah oo aan doorasho rabin

Maan jeclayn inaan wax ka qoro xaaladan maanta taagan iyo muranka joogt ada ah ee xisbiyada mucaaradka ahi caadada ka dhigteen ee mar walba mijo xaabi ska ku ah somaliland, hasa yeeshay danta umadda iyo masiirkooda ayaa khasab ka dhigaya in qof walba oo lexe jeclo ka hayso somaliland inuu ka hadlo dhibta iyo hagar daamada joogtada ah ee mucaaradku ku hayo dalka iyo dawladda curdinka ah.

Waa run cid kasta oo xil qaadaa inay sax iyo khaladba samaynayso weliba dimuqraadiyad socod barad ihi marna waa la helaysaa marna waa la waayaysaa.

Sida dad badani ka warqabaan mar kasta hore la damco in talaabo loo qaado waxa dibso hoos u leh kuwii ay ahayd inay iyagu horseedka u noqdaan shilinta iyo qodaxdana ka sii guraan.

Waxa hubaal ah xisbiga Kulmiye iyo xubno ka mid ah hoggaankiisa sare ee qurba jooga ahi inay bulshada caalamka ee taageerta somaliland kula dhex wareegaan, inaan somaliland dawladi ka jirin la isku halayn karaa iyo inaan dimuqraadiyadi jirin iyo weliba in xaquuqal insaanka meel lagaga dhaco.
Waxa aan ku darayaa qaab dhismeedka dawladnnimo ee somaliland gacan ku rimis maaha oo shisheeye ma dhisin ee waxa lagu unkay maskaxda shacabka somaliland iyo magaalada Burco, ha ogaadaan cid kasta oo shisheeye u beebaysataa inaan somaliland la mid ahayn kooxaha gacan ku rimiska ah ee muqdisho ee Kooxda shariif ugu danbeeyso.

Waxa la yaab leh xaquuqda shacabka somaliland ee bulshada caalamku go'doomisay 18ka sano in loo doodo ayay ahayd iyada oo gacmaha la is haysto, laakiin siday suura gal u tahay in qaylo dhaan iyo waxba ma jiraan Kulmiye dunida la dhex cararo, Rayaale iyo xakuumaduna goob walba la taagan yihiin aqoonsi raadiska somaliland iyo xaquuqdan shacabka ee la dadafeeyay.
Xisbiga Kulmiye waxa uu mar walba ka hor imanayaa rabitaanka shacabka, iyaga oo huba inaanay doorasho ku guulaysanayn sidaa darteed waxa ay rabaa in xaaladdu murugto oo qaaxoolagygii lagu dhaqmo(ku jiqsii) markaa ka dibna la laabo shruucda iyo distoorka qaranka laguna noqdo qaab beeleedkii ma dhalayska ahaa.

Waxa aan leeyahay shacabkani uma baahna in dib loogu guuro geedigii la soo maray ee sagaashamaadkii, waxa mucaaradka leeyahay wado fura oo kale ma jirto oo aan ahayn in doorasho la galo.

Sida ku cad go'aankii Komishanka Madaxweynuhu digreetada ku soo saaray doorashada dalku waxa ay u astaysan tahay 27/09/09, haddaba haddii mucaaradku doorasho rabo ha ka hawl galo siday ula shaqayn lahaayeen cid kasta oo hawsha doorashada ku shaqo leh, hana hubiyaan siday ula suurta gelin lahaayeen xakuumadda in shaqada serverka la dhameeya ugu danbayn 15/06/09.

Suura gal maaha in Madaxweynaha la yidhaahdo doorasho qabo markasta oo talaabo u qaado siday u dhici lahayd in mucaaradku jid gooyo u galo oo hagar daamo iyo buuq iyo sawaxan abuuro.

Shacabka Somaliland waxa aan leeyahay waxa la soo gaadhay waqtigii aa is barbar taagi lahaydeen sharciga iyo distoorka kana bixi lahaydeen caadifadda iskana ilaalin lahaydeen oohinta yaxaaska ee Kulmiye qubayo, xaqa shacabka ee distooriga ah ee ah inay codkooda dhiibtaan yaanu mucaaridku isku dayin inay waasiiyaan.

Xakuumadda Madaxweyne Rayaalena waxa aan leeyahay Somaliland dal,dad iyo distoorkaba inaad ilaaliso wa masuuliyadaada ALLA HORTIINA adiga ayaa xisaabteeda mudanaya, markaa ka midho dhali oo hirgeli waxaad u dhaaratay.
Runtiina shirkii Jaraaid ee Madaxweye Rayaale ee 09/05/09 waxa uu ahaa mid daboolka ka qaaday hab dhaqanka mucaaridka ee dhabta ah.
Somaliland Ha jirto oo ha Waarto Cadawgeed ha jabo
 

Ibrahim Duale Suleiman
somaliland44@hotmail.com