Xaqa suxufigee lumay

Xabaalaha kan lagu guray

Xasuuqaan ladabar jaray

Xabsiyaday ka buuxaan

Xuriyadaan lasiinayn

Xeerkeebay ku taalaa.



Suxufiga in lagu xidho

Xabsiyada dambiilaha

Xabbad lagu dilaacshoo

Xuquuqdood la duud siyo

Xaqdhawr aan la siinayn

Xeerkeebay ku taalaa.



Xaqdardan dilaacdee

Xamastiyo carurah

Lagu xiiray matada

Xawaleey la dabar jaray

Xamar haw darnaatee

Haddii ay xog sheegeen

Maxaa loo xasuuqo

Talow loo xidh xidhaya.



Ninka xadhiga miiqee

Xumaatada ku noolee

Xasilooni diid iyo

Tuugaa wax xadayee

Xabadaha ridaayoow

Xisaabbaa ku daba taal.



Waxaba yanan xiiqinoo

Ku xabeebsan hadalkee

Somalaan xurmayn iyo

Xushamad ruuxna siino

Xabaalaha ku faantoo

Xooggeeda aastoo

Xinjiraa ka dhuratoo

Xuurtaysa geesiga.



Xeerka dunida ku wa qoray

Sida aay xaqiijeen

Saddex baan xumaan geyin.



Suxufigu xor weeyaan

Ma ogola xumatada

Xaqaynoo iftiinshaan

Nabadday xasilyaan

Xaasidkay la diriraan

Markay xaajo dhabqdee

Xarbi laysku qadee

Rasaas xaami dhacayso

Xiinka roob la moodaa

Xag kasatab kayeedhee

Maydku u xad dhaafee

Xisaab beelo dhaawacu

naftu xanf warerte

xusul duubto orodkee

Xamil joogi waydana

suxufigays ku xooroo

Xayn daabka jiidhoo

Warka soo xaqiijoo

Xudud malaha celisoo

Xadku waa u fuyaran yahay

Ma geyaan xumaatada

Oo suxufigu xorweeyan.





Fanaan xiiso badanoo

Xarakeeya luuqdoo

Ku xeel dheer garaacoo

Xilli kasta diyaroo

Xubigi iyo kalgacalkiyo

Xasuustii fogaatiyo

Xoorkii idin shuba

Marka aay xanibantee

Taladu aay xayirantee

Xagal daaca keentana

Fanankaan u xaytoo

Ka dilcasha xuubkoo

Xantoobsada dhibaatda

Oo ma geyaan xumantada.



Xilkas weeye gaaroo

Xigmad eebbe siiyoo

Murti xaakiim barayoo

Iyo xeellad gaaro

Xidid weeye hoosoo

Xanannaaya ciidoo

La xarbiya gumaystaha

Marna xabag barsheediyo

xareed roobku shubayiyo

xayskiyo guggii iyo

Dayrtoo xab bururtoo

Xooluhu dhaleenoo

Xasilooni nabad iyo

Xamidi eebe lagu jiro

Waxa xaraf ku muujee

Taarikh ku xaydee

Xaashida ku reebe

Ku xardhaaya suugaan

Xashaa lilahiye

Xeerbeegti weeyoo

Abwankaan xumaan geyin



wabiaahi tawfiiq

Caashaluul Maxamuud Yuusuf
London UK