XAFLAD  LAGU  XASUUSANAYAY  HALGAMAYAASHII  IYO HALGAN KII  JABHADII  AFRAAD

Wasiiru Dawlaha Hawlaha Guud Iyo Guriyaynta Mudane Xirsi Aw Cabdi Sheekh iyo Gudoomiyaha Gobolka Gabiley mudane Axmed Maxamed Aw Cabdi (xabiib) ayaa maanta soo agaasimay xaflad lagu xusayay halgamayaashii iyo mujaah idiintii AFRAAD oo lagu qabtay hoolka shirarka dawlada hoose ee magaalada Gabiley.

Xafladaasi oo ay kasoo qaybgaleen wasiirka arimaha gudaha mudane C/laahi Ismaaciil Cali (cirro), wasiiru dawlaha wasaarada hawlaha guud iyo guriiyayn mudane Xirsi Aw Cabdi Sheekh, Gudoomiyaha gobolka Gabiley mudane Axmed Maxamed Aw Cabdi (xabiib), xoghaya xisbiga udub ee UK mudane Maxamed Aw Daahir, Gudoomiyaha Xisbiga UDUB ee gobolka Maroodi Jeex mudane Cismaan Waxar, xildhibaan ibraahin Axmed Haybe iyo mujaahidiin ka tirsan ururka halgamayaasha ee AFRAAD.

Waxaa halkaa ka hadlay wasiir wasaarada arimaha gudaha mudane C/laahi Ismaaciil Cali (cirro) oo ugu horayn ka codsaday ka soo qayb galayaasha inay faataxada loo maro mujaahidiintii ka tirsanayd ururka AFRAAD ee geeriyo oday. Wasiirku arimaha guduhu waxaa kale oo uu mahadnaq usoo jeediyay cidkasta oo ka qaybqaadatay qabashada xafladan. Wasiirku waxaa uu soo jeediyay in la qoro taariikhda mujaahidiintii AFRAAD hadii kale ay lumi doonto. Wasiirku waxaa ku booriyay inaany xafladani maantoo kaliya noqonin ee halgankii ay bilaabeen mujaahidiintii AFRAAD diiwaanka la galiyo oo sanad kasta la xuso, ninkasta oo taariikhda badh ka hayana laga reebo inta ka nool mujaahidiintii AFRAAD. C/laahi Cirro waxaa kale oo dadwaynaha gobolka gabiley u sheegay in hadii hadii maanta la bilaabay ayna maanta oo kaliya ku ekaan ee ujeedadu ay tahay in taariikhdii wadanka oo dhan la iskugu yimaado, hadii gabiley lagu qabanaayo waa xusuus gobolka magac u ah, taariikhna u ah umada ree Somaliland .

Waxaa kale oo isna xafladaasi hadal ka jeediyay wasiiru dawlaha wasaarada hawlaha guud iyo guriyaynnta mudane Xirsi Aw Cabdi Sheekh oo isna xusay in ay maantu noqon doonto maalin aad ugu wayn guud ahaan qaranka Somal iland iyo gaar ahaan gobolka Gabiley. Waxaa kale oo uu wasiiru dawluhu she egay inaynu maanta u bixin doono maalina xusuusta ururkii AFRAAD oo ku beegnaan doonta 19 March. Wasiiruhu dawluhu waxaa uu intaa sii raaciyay in sida aynu wada ognahay aanu qaranku ahayn mid aan ciyaar ku iman, ciya arna lagu baabiin karo ee uu yahay mid ku dhisan sharci oo abtirsiin, taariikh dheer, kala danbayn iyo distoor leh, cidkasta oo qalooc wadaana ayna umada ree Somaliland ka mid ahayn. Ugu danbayn waxaa uu wasiiru dawluhu  shee gay inaanay maantu noqon doonin maalintii ugu danbaysay ee la xuusto taariikhda iyo xusuus qorka halgamayaashii jabhadii AFRAAD.

Gudoomiyaha Gobolka Gabieley mudane Axmed Maxamed Aw Cabdi (xabiib) oo isna xafladaasi hadal kooban kasoo jeediyay ayaa waxaa uu faahfaahin ka bixiyay muhiimada ay maalintani u leedahay guud ahaan shacabka somaliland iyo gaar ahaan gobolka gabiley. Badhasaabka gobolka Gabiley waxaa uu she egay in maanta laga bilaabo si joogto ah loo xusi doono mujaahidiintii ururkii AFRAAD. Badhasaabku waxaa kale oo intaa raaciyay in maanta dan inoo  tah ay inaynu hadhsano calan aynu usoo halganay, aynu usoo dhimanay, aynu usoo dhaawacanay iyo waliba ay ubadkeenii qaar badan u dhinteen.

Mudane Xabiib waxaa kale oo xusay inay ka maamul ahaan la garab taagan yihiin wixii taageero ah ee u baahan tahay qorista iyo ururinta taariikhdii AFRAAD.

Waxaa kale halkaa isna ka hadlay xildhibaan ka mid ah xildhibaanada golaha wakiilada jamhuuriyada Somaliland Ibraahin Axmed Haybe waxaana u salaam usoo jeediayay dhamaan xubnaha kasoo qayb galay xaflada waxaana uu  ush eegay in maanta ayna ahayn maalin siyaasadeed ee ay tahay maalin  taarii khiya oo aynu xusuusanayno halgamayaashii iyo mujaahidiiintii ururkii AFRAAD. Xidhibaanku waxaa kale oo uu sheegay inay AFRAAD ahayd iftiinkii ugu horeeyay ee ka baxa Somaliland , waxayna meelkasta kaga jirtaa baal dahab ah. Waxaa uu xildhibaanku uu carabaabay muranka siyaasadeed ee maanta ka taagan dalka uuna sheegay inuu ku dhamaan doono sifo sharci ah. Gunaanadkii waxaa uu xildhibaanku yidh “hadii aynu nahay ree gabiley inaynu gacmaha is qabsano si aynu dalkeena iyo dadkeena wax ugu qaban lahayn.

Waxaa kale oo iyaguna halkaa ka hadlay xubno ka mid ah mujaahidiintii iyo halgamaayaashii AFRAAD oo ay ka mid ahaayeen mujaahid Maxamed Aadan Cigaal (wadaadyare), Cabdi Cismaan Aadan (cabdisiyaaro) iyo kuwo kale oo dhamaantood ka sheekeeyay taariikhdii Ururkii AFRAAD iyo marxaladihii kala duwanaa ee uu soo martay Jabhadii AFRAAD. Mujaahid Cabdisiyaaro ayaa isaguna Gabay qiiro leh oo ka hadlayay dhibtii Afwayne iyo sidii ay ula tacaaleen ururkii AFRAAD ka tiriyay xafaladan lagu xasuusanay halgamayaashii iyo mujaahidiintii ururkii AFRAAD.

Xafladan oo ahayd tii ugu horaysay ee nooceeda oo kale ah ayaa waxay ku dhamaatay jawi farxad iyo qiiro badan lahaa.

 

GABILEYNEWS