Xaflad balaadhan oo lagu taageerayay Jamhu uri yada Jabuuti iyo Madaxwayne Ismaaciil Cumar Geele ayaa Xalay Lagu qabtay Gabiley:-

Gabiley (Longlivesomaliland) Xaflad balaadhan oo lagu taageerayay Jamhuuriy ada Jabuuti iyo Madaxwayne Ismaaciil Cumar Geele ayaa Xalay Lagu qabtay  Ho tel Askar ee Magaalada Gabiley, Xafladaasi oo si heer Sare ah loo soo  agaasi may ayaa waxaa soo qaban qaabiyay Ganacsade Cali Nuur Cumar iyo Mustafe Nuur.

Xafladaasi oo ay ka soo qayb galeen Wasiirka Hidaha iyo Dhaqanka Jamhuuriyada Somaliland C/risaaq Waabari Rooble, Wasiir ku Xigeenka Warfaafinta Mudane Cali Cilmi Geele, Agaasimaha Baanka Somaliland, Suldaanka Guud ee Gobolka Gabiley, Maamulka Gobolka iyo Golaha Deegaanka Gabiley, Culimaa,udiin, Dhalinyarada, Haweenka iyo Gobolka ayaa Xalay ka soo qayb Galay Xafladaasi.

Xafladan oo aan loo kala hadhin ayaan waxaa ka hadlay Wasiir ku Xigeenka Wasaarada Warfaafinta Somaliland Mudane Cali Cilmi Geele oo Sheegay inuu Hogaamiye kasta oo wax qabtaa Mudanyahay In mar iyo lababa loo kordhiyo si,uu udhamaystiro Mudada Xilkaasi iyo Wax qabadka uu bilaabay si,aanu Qabyo uga noqon.

Wasiirku Mar uu ka hadlayay Xukuumada Somaliland waxaa uu sheegay in Xukuumada uu Hogaamiyaha ka yahay Daahir Riyaale ay Suuro Galisay Xafladaha Noocan ah, Hadii aanay Ka qayb qaadana aanay Suuro Gasheen Xafladaha iyo Xidhiidhka labada Dal ee Jabuuti iyo Somaliland.

Waxaa isaguna Xafladaasi hadal kooban ka jeediyay Suldaanka Guud ee Gobolka Gabiley Suldaan Ismaaciil Suldaan C/raxmaan oo u mahadnaqay Dadkii soo agaasimay Xafladaasi waxaana uu sheegay in ay walaalo yihii Shicib Reer Somaliland iyo Jabuuti Xataa hadii aanu wanaagsanay Xidhiidhka labada Dawladood . waxaana uu Amaan usoo jeediyay Madaxwayana Jamhuuriyada Jabuuti oo uu sheegay inuu Yahay Hogaamiyaha Qarniga ee Qaarada Africa.

Suldaan Ismaaciil Mar uu ka hadlayay Xidhiidhka labada Dal waxaa uu talo usoo jeediyay Madaxwaynaha Jabuuti oo isaga oo Kaftamaya uu ugu maahmaahay “ Madaxwayne Hadii Aanu anagu (Somaliland) ahaan Lahayn Jabuuti adiguna aad ahaan lahayd Somaliland Sidaa kaamaanaan yeelneen” waxaana uu ku soo gabagabeeyay in dabacsanaanta walaltinimo intaa laga kordhiyo xidhiidhka wada dhalashona lasii xoojiyo.

Waxaa iyaguna Xafladaasi Taariikho, gabayo, iyo hadalo amaan isugu Jira halkaasi ka jeediyay Badhasaabka Gobolka Gabiley Maxamed Axmed aw Cabdi (Xabiib), Maayarka Degmada Aadan Muxumed Badde, Aqoonyahan Yuusuf Cilmi ayaanle, Gudoomiyaha Jahliyada Reer Gabiley ee Jabuuti Aadan Wali, iyo Masuuliyiin kale oo aad utiro badan waxaanay Dhamaantood soo jeediyeen in uu ismaaciil Cumar Geele Mudan yahay in loo Sameeyo Xafladan iyo Mid kasii balaadhanba iyaga oo ku amaanay Sida wanaagsan ee Dadkiisa iyo Dalkiisaba uu wax ugu qabtay iyo Dalalka Jaarkaba iyaga Canbaarayn usoo jeediyay fara galinta ay ku hayso Dawlada eretria ee ay jaarka yihiin.

Waxaa iyagu aan Xafladaasi ka maqnay Fanaaniinta Gobolka (Waabari Band) oo ay ka Dhex Muuqdeen Fanaanka Wayn Ee Almis iyo Fanaaniin Da,yar oo halkaasi ku soo bandhigay hoose qiiro galiyay Dadwaynihii Madashaasi ku sugnaa, waxaa iyaguna halkaasi buraanbur iyo gabayo loogu Talagay soo Dhawanta 10 guurada ka soo wareegtay Mudadii uu Xilka hayay Madaxwayne Ismaaciil Cumar Geele ka soo jeediyay Halkaasi Dumarka iyo abwaanada Reer Gabiley.


Ugu danbayntii Xafladaasi xalay laga dareemayay Jawi qiiro iyo Xamaasadi ku jirto iyo talo soo jeedin fara badan oo ku socotay Madaxwaynaha Jabuuti oo ay dadwaynu ku celcelinayeen inuu Ictiraafka Somaliland ku dhawaaqo waxaanay ku dhamaatay Jawi aad uheer Sareeya.


 

Nimcaan Dheeg Ibraahim
Longlivesomaliland Desk
Gabiley Office