Xafiisyo Cusub oo laga Furay Dekedda Magaalada Berbera
Xaafisyo cusub oo ay ku hawl gali doonaan shaqaalaha dekeda Berbera qaybahooda kala duwan iyo kuwa kastamka ayaa shalay xadhiga laga jaray.Sida uu ku soo waramay weriyahayaga Berbera, xafiisyadaas oo ka kooban sideed xafiis waxaa laga sameeyey gudaha dekedii yarayd ee hore oo hada aan lagu shaqaynin.
ka dib waxa is na halkaas ka hadlay maamulaha kastamka maxamuud Gahayr waxaanu yidhi “waxaa u fududaan doonta ganacsatada sidii ay si dhib yar wax u cashuurtaan, hawsha cashuurtuna ugu dhib yaraan lahayd waxaana filayaa in ay wax badan dawayn doonto cabashidii ganacsatada ee adeega dekeda iyo kastamka waxaana u suura galaysa in ay isla goobtan cashuurta ku shubaan marka ay waaraaqaha cashuurtu u dhamaadaan wakhti yarna ay ku qaadato” waxaa isna sidoo kale halkaas ka hadlay maayarka magaalada Berbera Cabdala Maxamed Carab oo ugu horayn aad ugu mahad naqay maamulka dekeda oo sheegay in baahi aad u wayn loo qabay xafiisyadan in mell la isugu keeno dekeda iyo kastamka waxaanu yidhi “waxaan rajaynayaa cabashadii ganacsatadu in ay dhamaatay waxaanay inta badan ka caban kala durugsanaanta xafiisyada iyo ku soo noqnoqoshada xafiis kaliya tanina waa mid wax wayn u taraysa ganacsatada cashuur bixiyayaasha waana sumcad dekeda iyo magaalada u soo hoyatay iyo wax qabad la muujiyey aadna waa uu ugu amaanay injeneer Cali Xoorxoor. Ugu danbayna waxaa halkaas ka
hadlay Badhaasabka gobolka Saaxil Maxamed C/laahi oo isagu xadhiga
ka jaray xafiisyadan cusub waxaanu yidhi “isbedelka horumarku waa
waxaas yar yar ee la qabanayo oo is biirsada sidaas un baanu
horumarku ku yimaada waxaanan idin leeyahay madaxdiinan ilaha
dhaqaalaha joogta waa in ay waxuun qabtaan si horumar loo gaadho”
waxaanu sidoo kale ku hanbalyey maamulka dekeda hawshan ay fuliyeen.
|