Xaaji
Cabdi-Waraabe Oo Talooyin U Jeediyay
Tartamayaasha Doorashada
Xaaji Cabdikariim Xusseen Yuusuf(Cabdi-Waraabe)
ayaa dardaaran u jeediyay dhinacyada tartamayaasha ah ee haatan
khilaafku u dhexeeyo.
Hargeysa (Longlivesomaliland News)-Xaaji Cabdi oo shalay ka hadlayay
mun aasibad loo sameeyay arday ka qalin-jebisay Jaamacadda Hargeysa,
waxa uu dhinacyada siyaasadda iyo bulshada reer Somaliland ugu
baaqay inay ilaashadaan Nabadgelyada iyo dawladnimadooda. “Anigu
waxaan isu malayn, maxfal dambe oo intan le’egba in aanan imanayn oo
way iga dhan tahay. Waxyaabaha Tacliinta la xidhiidha aad baa looga
hadlay, laakiin waxaan doonayaa maxaa Tacliinta lagu gaadhayaa,
maxaa Masaajid lagu gaadhayaa? Waxa lagu gaadhayaa Nabadgelyo, waana
in Nabadgelyada aynu ilaashanaa.
Jaamacad la isugu iman maayo, Jaamacad la dhigan maayo, Iskuul la
dhisi maayo, Masaajid la geli maayo oo la dhisi maayo, haddii aanay
Nabadgelyo jirin. Meel walba waxaynu ku gaadhaynaa waa Nabadgelyo,
markaa Nabadg elyada aynu ilaashano, shacabkuna amaan buu
leeyahay.
Raggii soo tabcayow hayska daadinina biliqyadaa yar oo cadow badan
baynu leenahaye Caanaha ha inaga daadinina. Dhismahan (dawladnimada)
waa la idiinku cadow, rag baa idinku maqan oo xataa Jamhuuriyadda
Somaliland mijo-xaabkeedii badhkaa idiin col ah oo dibadda ka jooga
oo Somaliland ka qawaday. Raggii soo dagaalamay badh wuxuu yidhi,
‘Somaliland idin deeqi mayso oo waa ka dibadda u baxay,’ badhka soo
hadhayna badankoodu waa camal (shaqo) la yihiin.
Waxaan idin leeyahay; nimanka siyaasiyiinta ah ee tartamow sharaf ku
tart ama, dadweynahowna Nabadgelyada ilaashada oo ninka buuqa
kicinaya ka raacina. Tartama oo sharaf ku tartama, ka soo wada
qaybgala Doorashada, kalgacal ku tartama kii helaaba waa reer
Somaliland.” Sidaa ayuu yidhi Xaaji Cabdikariim Xusseen. Wuxuuna
ardayda qalin-jebisay kula dardaarmay inay ka fogaadaan qabyaalada
iyo balwada, isla markaana ay ka shaqeeyaan horumarinta dalkooda.
Source: Hormoodnews
|