Xaaji Cabdi Waraabe oo
shicibka uga digay in ay iska ilaliyaan waxii
kala qaybinaaya
Gudoomiyaha gudida Joogtada ah ee
Golaha Guurtida Somaliland Xil. X. Cabdikariim Xuseen (Cabdi-waraabe)
ayaa shacabka reer Somaliland ugu baaqay inay iska ilaaliyaan
waxyaabaha ku keeni kara kala qaybsanaan iyo tafaraaruq dhexdooda ka
dhasha, isla markaana iska dhaafaaan is gaashaanbuuraysiga ku dhisan
beelnimada iyo qabyaalada si loo gaadho yoolka aynu higsanayno iyo
qaranimada aynu halkaa ku soo gaadhnay.
Xaajigu waxa uu sidaa ka yidhi kulan ballaadhan oo loo sameeyay dood
cilmiyeed lagu falanqaynayay Nabadgelyada iyo amniga Bulshada oo
shalay khamiistii lagu qabtay Masjidka weyn ee Cali Mataan
(Ex-Oriental) ee Badhtamaha Caasimada HArgeysa.
Xaaji Cabdikariim Xuseen (Cabdi Waraabe) oo lagu yaqaano khudbado
xambaarsan murti iyo waayeelnimo, uu si sarbeebaysan ugu soo qaato
hadba xilliyda ay jiraan dareenada ijtimaaciga ah, waxaa uu madashaa
ka soo jeediyay hadal odaytinimo huwan oo uu hogaamiyayaasha bulshad
ugu hogotusaalaynayo waxyaabihii uu u soo joogay iyo waayo
aragnimada uu ka dhaxlay, waxa uu hadalkiisa ku bilaabay: " MArkii
aynu Burco isku dhaarsanay waa kii hadana dabku inaga dhex kacay,
markii Xaafadaasi wareertay (Deegaanka koonfurta Hargeysa ee uu ka
soo jeedo) baan soo hadhay aniga iyo ninkii Libaaxoo la odhan jiray,
Masaajidkan (Cali Mataan) ayaanu nimid, nimcadaa aad haystanaa
haddaad garan weydo waa tacabkaa ba'". ayuu yidhi Xajigu
Xaajigu isaga oo ka hadlayay dhibaatada ay Qabyaalladu leedahay iyo
cidhibta ay bulshada ku reebto waxa uu yidhi " Sheekhu waxa uu yidhi
qabyaalada ayaa ku shuqlay fidnada Soomaalida, waa run oo waxaad ku
garataa ninka kursiga ku fadhiya waa qoloma ayaa lagu odhanayaa,
Madaxeynuhu waa ayo, wasiirku waa ayo,?. Markaa qabyaaladii wali
kamay bixin oo badao baynu nahay ilaa aad taa ka baxnana ubadkiina
ubadkiisu u aayi maayo oo nabadgelyada ku inticfaacimaysaan oo wax
dhigashada ka dhargi maysaan." ayuu yidhi Xaaji Cabdi waraabe.
Xaaji Cabdikariim waxa uu shacabka ugu baaqay inay maamulka iyo
nidaam wanaaga jeclaadaan isaga oo tibaaxay in Madaxweynayaashii
Somalia iyo Somaliland soo maray uu Madaxweynaha Haatan ee
Somaliland Daahir Rayaale yahay Mdaxweynihii ugu fogaa, " WAxaynu
doonaynaa in dawladnimada la jeclaado, wali mayno jeclaan, ninka
dawlada jecel ceebaa loo yaqaan, maaha kan fadhiya uun in daaya la
leeyahay haddii laga helana ka kale waa in daaya la yidhaa, hadduu
helanda waa in aynu siiinaa.
Sida runta ah Madaxweyne Rayaale Mdaxweyne iiga fogi wali Soomaali
muu soo qaban laaiin mid baan ku jecelahay, Reerkiinan dhexe haddii
la idiin dhiibo idin ictiraaci mayso, waar qabyaalada beesha dhexe (Isaaqa)
ha ka baxdo haddii ay sii wadaan Ciise iyo Samaroon xagaas bay ka
sii jeedsanayaan oo ninba meel ayuu u duulayaa. Ninkaad doontaan ugu
rid laakiin Carrabka wax reer hebel la yidhahdo afka ka ilaayiya.
kuwan hayana waar waynu baranay , bal geeska afrikaba wax inala mid
ah arag"..
Markaa waxaan idin leeyahay dhibaatada iyo qabyaalada waxa lagag
baxayaa gobonimda bilayska wada ilaaliya, xukuumada wada jeclaada,
kii soo fadhiista uun baynu la shaqaynaynaa, Anigu Kursigaan la
saaxiib ahay kolba ka ku fadhiista ayaan oday u ahay" ayuu Xaajigu
hadalkjiisa ku soo xidhay.
Qarannews
|