Wefdigii
Madaxweyne ku xigeenku oo Si Weyn Loogu Soo
Dhaweeyay Degmooyinka Wajaale iyo
Gabilay
Madaxweyne ku xigeenka Somaliland
Mudane Axmed Yuusuf Yaasiin iyo wefdigii uu hogaaminayay ee labadii
toddobaad ee u dambeeyay socdaalka ku marayay gobollada Saaxil ,
Salal iyo Awdal , ayaa shalay duhurkii soo gaadhay caasimada Gabilay.
Wefdiga Madaxweyne ku xigeenka waxa magaalada Gabilay ku soo
dhaweeyay Maamulka gobolka iyo degmada iyo boqolaal qof oo ka mid ah
dadweynaha ku dhaqan Gabilay .
Wefdigaasi oo ka soo amba baxay Magaalada Boorame ee gobolka Awdal
waxay soo mareen degmooyinka Dilla iyo Wajaale , halkaasi oo si weyn
loogu soo dhaweeyay.
Mudane Axmed Yuusuf Yaasiin oo hadal u jeediyay bulshada
deegaankaasi ku dhaqan ayaa uga waramay ujeedada socdaalkiisa uu ku
soo maray gobolladii uu booqday , waxaanu sheegay inuu ku doonayo in
dadweynaha lagaga dhaadhicinayo waxtarka diiwaan gelinta
codbixiyayaasha.
“Jaan goynta dhaqaalaha iyo saami qaybiga mashaariicda dalku ay ku
xidhnaan doonto hawsha diiwaan gelinta codbixiyayaasha , waxaana
meeliba meesha ay ka dad badan tahay ay hadhoow xaq u leedahay in
laga fuliyo mashaariicda horumarinta adeegyada Bulshada.
Madaxweyne ku xigeenku waxa uu sheegay inaanay jirin cuduudo deegaan
oo dadla lagu kala qoqobayo xuduudo beeleed , qof kastaana uu degi
karo meesha uu doono, waxaanu ugu baaqay shacbiga ku dhaqan Ceel
Bardaale iyo Caada in ay is dajiyaan , isla markaana ay nabad
gelyada dalka ilaaliyaan.
SN
|