“Waxaanu Xilka la wareegnay iyadoo cunoqabateyno Somaliland Caalamka
iyo gobolkuba ku hayo”
London (TNN)-Wasiirka arrimaha dibada somaliland Dr.
Maxamed Cabdilaahi Cumar oo caawa ka had layay kulan balaadhan oo
madaxweynaha Somaliland iyo weftiga uu hogaaminayo ee ku sugan
Mag aalada London ay yeeshay Jaaliyad reer Somaliland ee ku dhaqan
wadanka Ingiriiska, ayaa sheegay inay somaliland ka dhaxashay
Safaradii kala dambeeyay ee ay kaga qayb-gashay shirarkii Turkiga
iyo Imaaraadka Carabta, rejo hor leh oo muujinaysa in beesha
Caalamku yiqiinsatay gooni isutaaga qaranka Somaliland.
Dr. Cumar ayaa sidoo kale tilmaamay in safarka uu hada madaxweyne
siilaanyo ku marayo wadanka Ingiriisku uu yahay kii ugu dheeraa ee
Diblomaasiyadeed, horseedayna waji cusub iyo Taariikh ugub ah oo ay
somaliland gaadhay 22 sanadood oo ay madaxbanaani haysatay.
isagoo arimahaasi ka hadlayana waxa uu yidhi “weftiga Madax
Madaxweynuhu wuxuu ku jiraa safar kiisii diblomaasiga ahaa ee ugu
dheeraa oo ka soo bilaamay Imaaraaadka oo Taariikh uga tegaya
wa danka, soo dhaweyntii iyo arimihii aanu kala kulanay wadanka
Imaraadka waxay u furtay somaliland saaxiib cusub iyo Kaalin cusub
oo Qarankani yeeshay, safaradii kale ee Turkiga iyo kuwii ka
horeey ay waxay ahaayeen safaro kale oo Taariikhi ah oo muujiyay
Sharafta iyo Milgaha dawlada Somalilan d, waxaanan tilmaamayaa
safaradaa hore iyo safarkan aanu dalka Ingiriiska ku nimi ee aanu
shirka Taariikhiga ah kula yeelanay Reysal wasaraaha Ingiriiska,
waxa uu gaadhsiiyay somaliland Haykalka qaranimada meel cusub.
Xidhiidhka aanu caalamka la leenahay iyo siyaasadda arrimaha dibadu
wax ay jeexday aragtiyo cusub oo aanu isleenahay waxay ka midho
dhalin karaan Himilada wada nkani leeyahay oo ah inuu noqdo dal
xoriyadiisa hela”.
Wasiirka ayaa tilmaamay sidoo kale inay xukuumadda Madaxweyne Axmed
Maxamed Maxamuud siilaanyo talada la wareegtay xili caqabado
siyaasadeed iyo cunoqabateyni saarantay ” Waxaanu Xilka la wareegnay
iyadoo caqabado badan iyo cunoqabateyno somaliland Caalamka iyo
gobolkuba ku hayo Qaranka oo aanu somaliland codkeedu si fiican uga
dhex muuqan Caalamka, waxaanan qaadanay inaanu nidaamkii hore ku
kordhino ee dalku Ictiraafka ku raadinayay Dariiqyo cusub oo aanu
is-leenahay somaliland waxay ku gaadhaysaa dariiq kasta oo sahlaya
inaanu u marno baadi goobka Ictiraafka. Siyaasadaa madaxweynuhu
qaranka u jeexay waxay keentay saddexdii sanado od in somaliland iyo
somaliya laba dawladood loo kala aqoonsado”ayuu yidhi
Isagoo hadalkiisa sii wata waxa uu yidhi “Waxa dhamaatay cabsidii
beesha Caalamku ka qabay maal-gashiga somaliland oo loo arki jiray
meel aan nabad-gelyadeedu sugnayn, waxaana iminka muuqata in isbedel
arimah aasi ku yimi oo wadanka waxa iminka Maalgashi ka samaynaya
shirkado Malaayuun Dollar gelinaya”.
Sidoo kale wasiir Cumar, waxa uu xusay inay somaliland Caalamka u
bandhigtay sidii loo siin lahaa ca awimo toos ah, taasoo buu yidhi
hada lagu guulaystay, dhanka kalena ay meesha ka baxday cabsidii
caalamku ka qabay Maal-gashiga wadanka.
waxaanu yidhi “Waxa kale oo xusid mudan Mucaawimadii Hay’daha naloo
soo marin jiray, waxaanu caalamka ugu baaqnay in somaliland
Caawimadeeda toos loo siiyo, arintaana dawladu isbedel wey nbay ka
keentay, anagoo Caalamka u sheegnay inay somaliland dhaaftay xiligii
Mucaawimada loo soo marin lahaa Hay’ado gaar ah, oo ay somaliland
leedahay qaran Hogaamin kara horumarkay u baahantahay, iyadoo
sanadkan gudihiisa aanu wadanka Ingiriiska iyo Denmark ka helnay
Caawimadii ugu horaysay ee toos ah oo gaadhay 12 Milyan”ayuu yidhi.
Dhinac kale Guddoomiyaha Golaha wakiiladda Somaliland Cabdiraxmaan
Cabdilaahi Ismaaciil (Cirro), oo munaasibadaasi ka hadlay, ayaa
sheegay inay xukuumadda madaxweyne Siilaanyo ku taageer sanyihiin
wadiiqada cusub ee ay u jeexday socodsiinta iyo ka midho dhalinta
Himilada shacbiga som aliland.
Guddoomiyaha Xisbiga Waddani ahna Guddomiyaha, Golaha wakiillada oo
ka mid ahaa weftigii ka qa yb galay shirkii Turkigu, wuxuu sidoo kale
ka markhaati kacay muhiimadda ay somaliland ugu fadhiyaan qodobadii
ka soo baxay shirkii turkiga ku dhexmaray somaliland iyo somaliya
todobaadkii hore.
Cumar Maxamed Faarax
|