Waxa loo dhegtaagayaa ama La dhawrayaa Dhawaaqa Madaxwaynaha.

Haddii go'aanka madaxwaynaha ee furashada ururada siyaasada ay noqoto MAYA,waxaa halkaa si ku kala fogaan doona....

Hargeysa (TNN)-15-kii bishii March ee sanadkan madaxwaynaha Somaliland Axmed Maxamed Max amuud (Siilaanyo), wuxuu uu magacaabay guddi heer qaran ah oo ka soo talo bixisa furashada ururada siyaasada.


Guddidaaasi ka soo talo bixinta ururada siyaasada ee uu madaxwayne Siilaanyo magacaabay w axaa ay qiimayn ku soo sameeyeen dhamaanba qaybaha kala duwan ee bulshada ku kala nool G obolada dalka sida Arday Jaamacadaha,Culimada iyo Ganacsatada.

Waxaanay sheegeen badhtamihii bishan may ee aan ku jirno in ay soo dhamaystireen hawlahoo dii shaqo,isla markaana ay madaxwaynaha u gudbiyeen baadhitaankaasi iyo qiimayntaa ay soo sameeyeen,laakiin wakhtigaasi ay Guddida ka soo talo bixinta furashada ururada siyaasadu shee geen in in ay hawlahooda soo dhamaystireen waxaa fooda inagu soo haysay munaasibadii 18-ka may,sidaasi darted waxaa uu madaxwaynuhu sheegay in uu natiijada ku dhawaaqi doono ka dib marka ay dhamaato xuska iyo dabaal dega 18-ka may.

Ka dib xuskii iyo dabal degii munaasibda 18-ka may la soo noqshada gooni isu taaga Jamhuuriya da somalialnd shacabka iyo siyaasiyiinba waxaa si aad loo dhawrayaa ama loogu dhegtaagayaa dhawaaqa ka soo baxa madaxwaynaha ee la xidhiidha furashada ururada siyaasada,waana la hubaa in marka uu madaxwayne siilaanyo soo saaro natiijada furashada ururada siyaasada in ay ka ku kala qayb sami doonaan saaxiibo badan oo ay ka dhaxaysay siyaasadu.

Haddii go'aanka madaxwaynaha ee ku saabsan furashada ururada siyaasada ay noqoto MAYA,w axaa halkaasi ku kala fogaan doona saaxiibo badan oo ay siyaasadu isku haysay, gaar ahaan mas uuliyiin badan oo haatan ka tirsan xukuumada ayaa laga yaabaa in haddii ay maqlaan jawaabta ah MAYA, in ay xanaaq ama cadho awgeed ay ku biiraan Dawlada TFG-da ama kooxaha xag jirka ah ee ka jira somaliya.

Dhinaca kale haddii ay noqoto in uu madaxwayne Siilaanyo ogolaado in la furo ururada siyaasada waxaa ay taasina ka cadhaysiin doontaa Axsabta siyaasada,gaar ahaana Madaxda xisbul xaakim ka, kuwaasi oo mar mar badan ku cel celiyay ama ku dooday in aanay suurto gal ahayn in la furo ururada siyaasada.

Isku soo wada duuboo qaybaha kala duwan ee bulshada Somaliland gudo iyo dibad,siyaasiin iyo ganacsato iyo shiciba waxaa ay si aad ah ugu dhawrayaan oo ay dhegta ugu taagayaan wakhtiga uu madaxwaynuhu ku dhawaaqi doono natiijada go’aankii guddida ka soo tallo bixinta furashada ururada siyaasadu ay soo ururiyeen.


Madaxwayanaha Somaliland Axmed Maxamed maxamuud Wakhtigii uu ahaa guddoomiyaha xisbiga KULMIYE ee uu ku jiray ololaha doorashada madaxtooyada waxaa uu balan qaaday in haddii uu ku guulaysto doorashada in uu furi doono habka xisbiyada,laakiin taasi waxaa ay ku adkaatay markii uu noqday madaxwaynaha.

arinta madaxwaynaha wakhtigan hor taala ayaa ah laba daran mid dooro.....

Khadar Cabdi Muuse
Timacade News Desk
Hargaysa/office