Wasiirro Iyo Marwada Koowaad Oo Furay Mashruuc Laga Fulinayo Sadex Gobol
 

Hargeysa (TNN)- Mashruuc la xidhiidha nadaafadda biyaha oo laga fulin doono sadexda gobol ee Hargeysa, Togdheer iyo Sool, oo ay wada jir u fulinayaan Ha’yada Caritas iyo wasaarada dawliga ah, ayaa maanta ka furmay Huteelka Maansoor ee Magaalada Hargeysa.
Shirkan waxa ka soo qeyb galay Wasiirro, Marwada koowaad ee Madaxweynaha iyo masuuliyiinta Hayada Caritas.

Wasiirka Wasaarada Macdanta iyo biyaha Md. Xuseen Cabdi Ducaale oo ka hadlay shirkaasi ayaa sheegay in mashruucani uu waxtar weyn u leeyahay dalka isla markaana uu salka ku hayo baahida aasaasiga ah ee wadanka.
Wasiirku waxa uu sheegay inay ku faraxsan yahay inay mashruucan inay wada fuliyaan Ha’yada Caritas oo uu tilmaamay inuu horena iskaashi shaqo uga dhaxeeyay.

Wasiirka wasaarada Caafimaadka Dr. Xuseen Muxumed Maxamed (Xuseen Xoog) ayaa sheegay in mashruucani uu gacan ka geysanayo ilaalinta caafimaadka dadweynaha Somaliland, waxaanu xusay in caafimaad darradu ay ka soo bilaabanto biyaha wasakhaysan balse haddii la iska xil saaro saxada biyaha in caafimaadka bulshaduna hagaagayo.

Wasiirka warfaafinta Somaliland Md. Axmed Cabdi Xaabsade oo shirkaasi ka hadlay wuxuu yidhi “Ma shruucani waa mid aad iyo aad waxtar weyn u leh dalka haday tahay xagga Caafimaadka, biyaha iyo waxbarashada, waan ku hambalyeynayaa hay’ada Caritas kaalinta ay ka qaadatay.”

Dhinaca kale, Marwada koowaad ee Somaliland Marwo Aamina Waris ayaa waxay mahadnaqday dh ammaan dadkii ka soo qeybgalay munaasibadaasi.isla markaana waxay ku bogaadisay hay’ada Cari tas waxqabadka ay wadanka ka hirgelisay, waxaanay tidhi “Hay’ada Caritas waa hay’ad aad iyo aad wadankan shaqadiisa wax uga qabata waanu u mahadnaqaynaa, midowga yurub taageerada faraha badan ee hordhaca ah intaas way ka sii badan ee ay Somaliland u soo gudbiyeen waanu uga mahad naqaynaa inay wax walba wax cad noqdaan in si fiican deeqda loo maamulo in xidhiidh wanaagsan lala sameeyo hay’adaha, dawladuna way balan qaadaysaa.Aad iyo aad ayaad kuligiin u wada mah adsan tihiin.”

 

Source:Somaliland.Org