Wasiirka Khaarajiga Djibouti Oo Shaaca Ka Qaaday Inay Somaliland Ku Soo Dhawaynayaan In Xubin Aan Joogto Ahayn Ay Ka Noqoto Ururka IGAD, Kana Hadlay Mawqifka Xukuumadiisa Ee Aqoonsiga S/Land

Djibouti  (tTNN) - Wasiirka Arrimaha Dibadda Jamhuuriyadda DJibouti ,Maxamuud Cali Yuusuf , ay aa ku dhawaaqay in dalka Djibouti soo dhawaynayo, isla markaana garab istaagayo inay Somaliland xubin aan joogto ahayn ka noqoto Urur Goboleedka IGAD, isagoo ku tilmaamay Somaliland dal wax ku ool ah oo wax weyn ku biirin kara mandaqadda geeska afrika iyo dunida inteeda kale.

Wasiirka Arrimaha Dibadda DJibouti Maxamuud Cali Yuusuf oo la hadlaayey doraad Tilifishanka Horn Cable oo uu Magaalada Dijbouti ugu waramay, ka dib markii uu kulan la yeeshay dhigiisa Somaliland Dr. Maxamed Cabdilaahi Cumar ayaa weriyaha HCTV ee Magaalada DJibouti mar uu wayidiiyey maw qifka xukuumadda DJibouti ka qabto codsigii Somaliland u soo gudbisay IGAD inay ka noqoto xubin aan joogto ahayn wuxuu ku jawaabay “Arrintaasi waanu soo dhawaynayna, waa arrin wanaagsan Somaliland waa dal muhiim ah oo wax weyn ku soo kordhin kara mandaqadda iyo dunidaba, xidhiidhk ani iyo wada shaqayntani aanu imika wadno ee aanu leenahayna maba suurtagalayso haddii aanay qayb ka noqon arrimaha gobolka ka soconaya, arrinta Djibouti way soo dhawaynaysa waanu garab gallayna, gacana waanu ka siinayna Somaliland sidii ay xubin aan joogto ahayn uga noqon lahayd IGAD” ayuu yidhi Wasiirka arrimaha dibadda Jibouti Mudane Yuusuf.

Dhinaca kalena Wasiirka Khaarajiga Djibouti Mr. Yuusuf ayaa isaga oo hadalkiisa sii wata, waxa uu yidhi “Dedaalka Somaliland inay beesha caalamka ku soo biirto ugu jirta waa mid ay xaq u leedahay waanay u qallanta, Jibouti ahaana waanu soo dhawaynayna”.
 

Source:Haatuf