Wasiirka Hawlaha Guud iyo Gaadiidka oo Xadhiga ka jaray Shirkad
Cusub oo Dalka keentay Tagaasi Casri ah.
Munaasabada Furitaanka Shirkaddan oo maanta lagu Qabtay isla
Xafiiska shirkadda Daawo Sawiradda
Hargeysa (TNN)- Wasiirka Hawlaha Guud iyo Gaadiidka Somaliland Axmed
Cabdi Xaabsade ayaa maanta Xadhiga ka jaray Shirkadda Hargeysa City
Bus oo Magaalada Hargeysa keentay Tagaasi yaryar oo Dadka rakaabka
ah qaada.
Munaasabada Furitaanka Shirkaddan oo maanta lagu Qabtay isla
Xafiiska shirkadda ayaa waxaa ka soo qayb galay Wasiirka Hawlaha
Guud iyo Gaadiidka Somaliland, la taliyaha madaxwaynaha ee Gobolada
Bariga Somaliland, Gudoomiyaha ururka Shirkadaha isgaadhsiinta
Somaliland, Xubno ka Tirsan Golaha guurtida iyo marti sharaf kale.
Gudoomiyaha Shirkadda Hargeysa Taxi Company C/kariin Saalax Maxamuud
oo hadal kooban ka jeediyay Furitaankii Xaflada ayaa Faahfaahin ka
bixiyay Shirkaddan cusub iyo sida ay uga hawl gali doonto hargeysa,
waxa uu sheegay in shirkaddani loo aasaasay in ay shaqo abuurista
Dhalinyarada dalka qayb ka qaadato una abuuraan shaqo tayo leh.
Gudoomiye C/kariin waxa uu sheegay in ay Baabuurtan ka shaqayn
doonaan Dirawallo Takhasus u leh shaqada ay bulshada u qabanayaan,
kuwaasi oo ay tijaabo ka soo qaadeen shirkad ahaan, isla markaana
aanu kaxayn doonin dirawal aan liisan lahayn, waxa kale oo uu
intaasi ku daray in ay damaanad ka qaaday shirkadu dirawliinteeda
isla markaana ay yihiin kuwo aamin ah oo leh tixraac uu ku garan
karo qofka rakaabka ahi iyo Tixraacii gaadhigaba.
Waxa uu sheegay in hargeysa ay noqotay Caasimadii ugu horaysay
Afrika ee baabuurtan yeelata (Yellow car) kuwaasi oo qaabkii iyo
midabkii iyo tayadii ka Maraykan jooga oo kale leh, Gudoomiyuhu waxa
uu xusay in indha Dadku qabtaan laba meelood oo kala ah Madaarada
iyo Tagaasida, kuwaasi oo muraayad u ah wadan kasta, waxa kale oo uu
intaasi raaciyay in ay Shirkaddu la jaan qaadi karto adeega Madaarka
Caasimada Hargeysa ee dhismihiisu socdo.
Wasiirka Wasaarada Hawlaha Guud iyo Gaadiidka Somaliland axmed Cabdi
Xaabsade oo isaguna halkaasi hadal kooban ka jeediyay ayaa sheeay in
shirkadani ahayd mid loo baahnaa oo caasimadu tabaysay,waxaanu
sheegay in loo baahanyahay dadka mufakiriinta noocan oo kale ah
Xukuumad ahaana ay soo dhawaynayaan fikaradooda.DSCN7240
Wasiirku waxa uu sheegay in Xil saarnaa ay shirkadani ka furatay
aadna Caasimadu ugu baahnayd hadday tahay Madaarka iyo magaaladaba,
waxaanu kula dardaarmay in ay nabad galyada iyo amaanadaba
illaaliyaan, waxa kale oo uu ku booriyay in ay dirawaladu Afka
ajaanibka yaqaanaan maadaama oo ay madaarada ka shaqaynayaan.
La taliyaha Madaxwaynaha ee Goboladda Bariga Somaliland Fu’aad Aadan
Cadde oo isaguna madashaasi ka hadlay ayaa sheegay in waxyaabo badan
oo ay beel ahaan ka caban jireen maanta beenoodbay isla markaana
aanay jirin cid hargeysa ka xigta oo kaga Awood saraysa.
Fu’aad Aadan Cadde waxa uu sheegay in Qurba jooga Beesha Dhulbahante
gartaan Hargeysa tahay Caasimadoodii, Bulshada ku dhaqanna tahay Gob
lala dhaqmi karo.
Xildhibaan C/qaadir indho-indho oo ka tirsan mudanayaasha Golaha
Guurtida oo isaguna hadal kooban ka jeediyay ayaa sheegay in
Shirkaddaha gaarka loo leeyahay ku booriyay in ay ka kiraystaan
shirkaddan baabuurta ay keeneen isaga oo xusay in ay keeneen
Gawaadhidii ajaanibku garanayay, kuwaasi oo uu sheegay in ay
buuxiyeen shuruudihii tagaasida caalamka looga baahnaa.
Gudoomiyaha Ururka shirkadaha isgaadhsiinta iyo Mulkiilaha Hotel
Guuleed oo iyaguna hadalo halkaasi ka jeediyay ayaa ku booriyay
bulshada Somaliland in shirkaddan la soo dhaweeyo oo baabuurta laga
kiraysto, macaamiil fiicanna lala yeesho.DSCN7195DSCN7194
Mustafe Future
Timacade News Desk
Hargeysa Somaliland
mccfuture@hotmail.com
|