Wasiirka Beeraha jsl oo si Badheedha U Hor Istaagay Ceel biyood Gala Qodayay Deegaanka Waalid-Xoor Oo Kamida Gobolka Gabiley

Gabiley (TNN):- Wasiirka Wasaarada Beeraha Jamhuuriyada Somaliland Maxamed Aw Daahir ay aa si badheedha u hor istaagay riig biyood ay wasaarada khayraadka biyaha somaliland ka qod asay meel kammid ah deegaanka kulmiya degmooyinka Alaybaday iyo geed baladhaan, taas oo cadho galisay dadka ku nool deegaankaasi oo baahi badan u qabay qodista ceelashan oo laga yagleelayay meelo oomane ah.

Deegaanadan ceelasha laga qodayay oo ah Tuulada Waalid Xoor oo ka tirsan deegaanada hoos yimaada gobolka gabiley.Arinta uu Wasiirku ku hor istaagay ayaan si rasmiya loo ogayn soboba ha keenay balse wararka aanu ka helayno ayaa tibaaxay in Wasiirka Beeruhu ku dooday in aan ay  halkan dagin jufadiisa hoose.Wasiirka ayaa sida warar xogogaal ahi xaqiijiyeen doodaya in riigan laga qodo meel kale oo sida la sheegay ay degto jufadiisu.

Dhanka kale masuuliyiinta wasaarada biyaha ayaa la sheegay in ay ku adkaysteen in aan marn ada deegankan laga wareejinay ceel biyoodka loo qodayo iyagoo ku dooday in ay hore loo qaaday sahaminta iyo baahi ceel biyood kan bulshada halkan degtaa ay u qabto

Wasiirka beeraha ayaa mudooyinkii u danbeeyay lagu eedaynayay in uu kala qaybin wayn ka dhex wado dadka ku dhaqan gobolka gabiley iyo deegaanada Alaybaday oo tiraba dhawr jeer uu ka leexiyay masharriico ay ka mid ahaayeen raashinkii loogu talagalay abaartii dhawaan ku dhacday deegaanadaasi iyo mashaariico kale oo ay ugu talagashay dawlada dhexe  degaanada as kuwaas oo uu u leexiyay dhinaca deegaankiisa ee ay dagaan jufadiisu taas oo dhabar jab ku ah masuuliyada qaranka uu u hayo.

Sidoo kale wasiir maxamed aw daahir ayaa dhowr jeer oo uu ka hadlay warbaahinta maxaliga ah dibada soo dhigay arimo dhawr ah oo ka mid ah sirta hoose ee dawlada uu ka mid yahay,

Si kastaba ha ahaatee dadwaynaha ku dhaqan deegaanada hoos yimaada Allaybaday iyo gee dbalaadh ayaan hore uga baran masuuliyiintii hore ee kaga jiray xukuumada kala qaybinta iyo kala jufaysiga uu ku kacay masuulkani taasi oo hadii uu talaabo ka qaadi waayo madaxweyne siilaanyo keeni karta kala fogaansho iyo qabyaalad ka dhex abuuranta dadwaynhaas walaalaha ah ee kuwada dhaqan deegaanadaasi.


Source: Wajaale News