Wasiirka Arrimaha dibadda ee Somaliland oo la kulmay Guddo om iyaha Guddida Saaxiibada Somaliland ee Baarlamaanka Britain Alun Machael oo Baaq u Jeediyey Xukuumadda Ingiriiska

Cardiff (TNN)- Wasiirka Arrimaha Dibadda iyo Iskaashiga Caalamiga ah ee Somaliland Dr. Maxamed  Cab dillaahi Cumar, ayaa dalka Ingiriiska kula kulmay Guddoomiyaha Guddida saaxiibada Somaliland ee  Baarl amaanka boqortooyada Britain Mr. Alun Michael.

Wasiirka arrimaha dibedda Somaliland oo booqasho ku jooga wadanka Ingiriiska, waxa maalintii Axada ee taariikhdu ahayd 29 Augost 2010 magaalada Cardiif kulan kula yeeshay

Gudoomiyaha Guddida Saaxiibada Somaliland ee Golaha Baarlamaanka Britain Md. Alun Michael, masuu liyiinta xafiiska Jaalliyada iyo xubno ka socda Jaalliyada Somaliland ee Gobolka Wales ee wadanka  boq ortooyada Ingiriiska.

Haddaba waxa warbixin kullankaasi ku saabsan iyo waxyaabihii lagaga wada hadlay nooga soo direy  m agaalada London Khadar Xasan Cali oo ka tirsan Jamhuuriya Times. “Kullankan oo ka dhacay xarunta Jaalliyada Somaliland ee Cardiff, waxa ay wasiirka arrimaha dibadda iyo Md. Alun Michael ugu horeyntii si wada jira u qaabileen qaar ka mid ah odayaasha iyo masuuliyiinta Jaalliyada Somaliland ee Cardiff, waxaana ereyo kooban oo soo dhaweyn iyo mahadcelin ah halkaasi ka soo jeediyay agaasimaha  xafiis ka jaalliyada Cabdikariim Cabdi Aadan, waxaanu intaasi ku daray in ay farxad weyn u tahay jaalliyada reer Cardiff in magaaladii u horeysay ee wasiirka cusub ee arrimaha dibaddu booqdaa noqotay Cardiff.

Guddoomiyaha Guddida Saaxiibada Somaliland ee Golaha Baarlamaanka Ingiriiska Md. Alun Michael, ayaa warbixin kooban wasiirka ka siiyay dedaalka Jaalliyada reer Cardiff ee uu wakiilka uga yahay  Baarlama anka Ingiriisku ugu jiraan qaddiyada Somalilad iyo ka qayb qaadashada mashaariicda lagu  horumarin ayo Somaliland.

Md Alun Michael waxa intaasi ku ladhay in ay tahay wax lagu faano doorashadii Somaliland ka dhacday iyo qaabkii xilka loola kale wareegay oo Somaliland sumcadii ay caalamka ku lahayd kor u qaaday. Md. Alun waxa uu xusey in xukuumadii hore ee Ingiriisku ballanqaaday in ay kaalmada ay Somaliland siiso iyo wada shaqaynta ay la leedahay ay sare u qaadi doonaan doorashada madaxtooyada ka dib, sidaa daraadeedna looga fadhiyo xukuumada uu madaxda ka yahay David Cameron in ay fulliso ballanqaadkaasi.

Wasiirka arrimaha dibadda Somaliland Dr. Maxamed Cabdillaahi Cumar oo halkaasi ka hadlay, ayaa ugu horeyntiiba uga mahadceliyay Jaalliyada reer Cardiff iyo Md. Alun Michael dedaalka joogtada ah ee ay ugu jiraan sidii Somaliland uga mid noqon lahayd beesha caalamka iyo waliba taageerada dhinacyada badan ee ay u fidiyaan Somaliland. Waxaanu uga waramay marxalada Somaliland maanta marayso iyo caqabadaha horyaala xukuumada cusub ee Somaliland ee Madaxweyne Siilaanyo.

Ibraahim Carab oo ka mid ah masuulyiinta Jaalliyada, ayaa isna ka xog waramay kaallinta ay reer  Cardi ff ka soo qaateen halgankii dalka lagu xorreeyay,dib u dhiska iyo horumarinta Somaliland. Guddoomiyaha isku xidhka Somaliland iyo Wales Angela Goran ayaa waxay ka warbixisay taageerada  d hinaca caafimaadka ee hay’adda samofalka ah ee ay madaxda ka tahay u fidiso 8 cusbitaal oo ku yaalla Somaliland, gaar ahaana iyagoo ka kaalmeeyay daaweynta haweenka uurka leh.

Intaa ka dib waxa u wasiirka Arrimaha dibadda Dr. Maxamed Cumar waxa uu kullan gaara oo lagu lafa gurey arrimo badan oo muhiima la yeeshay Md Alun Michael. Waxaannu Dr. Maxamed uga xog waramay qorshaha xukuumada ee arrimaha dibadda iyo iskaashiga caalamiga, taasi oo wasiirku sheegay in  wasa aradiisu xooga saari doonto sidii Somaliland uga dhex muuqan lahayd, door muuhiimana uga qaadan  l ahayd siyaasada Gobolka. Wasiirka oo faahfaahin ka bixinayaa arrintaasina waxa uu yidhi “Waxaanu  xoojin doonaa xidhiidhka iyo wada shaqaynta aanu la leenahayn waddamada dunida, ururada iyo  hay’a ddaha caalamiga ah, gaar ahaana waxaanu xoogga saarin doonaa kuwa gobolka sida IGAD iyo dalalka aanu saaxiibka nahay ee wada shaqayntu naga dhaxayso.”

Wasiirka arrimaha dibadda waxa kale oo xusay in xukuumadooda ay ka go’an tahay ka midho dhallinta mashruuca marinka Berbera (Berbera Corridor) oo sida uu sheegay faa’iido weyn u yeelan doona  dady owga ku nool Gobolka Geeska Afrika guud ahaanba.

Kullanka waxa kale oo lagu soo qaaday sida arrimaha dhinaca nabadgalyada iyo xasiloonida mandaqada iyo waliba sidii dowladda Britain gacan geysan lahayd horumarinta kaabiyada dhaqaalaha ee  Somalil and, suuq geynta xoolaha nool iyo kheyraadka dabiiciga ah.

Sido kale kale waxa wasiirka iyo mudanuhu si qoto dheer oo cilmiyeysan uga wada xaajoodeen habkii iyo hanaankii ay Somaliland ku gaadhi lahayd aqoonsi caalami ah oo ay dunida ka hesho iyo doorka ay Dowladda Britain ka qaadan karto, taasi oo labada dhinac isku aragti ka ahaayeen.

Dhinaca kalena, wasiirka arrimaha dibedda iyo iskaashiga caalamiga ah Md. Maxamed Cabdillaahi Cumar oo shalay u waramay VOA, waxa uu ka hadlay kulankii maalintii Isniinta magaalada Addis Ababa ku dhex maray madaxweynihii hore ee Somaliland Md. Daahir Rayaale Kaahin iyo ra’iisal-wasaaraha Itoobiya Meles Zanawi.

“Waxaanu ka maqalay Saxaafadda in Madaxweynihii hore ee Somaliland Md. Daahir Rayaale Kaahin iyo xubno ka tirsan xukuumadiisii ay ku sugan yihiin Addis ababa, laakiin arrintaasi waa arrin iyaga u gaar ah haddii ay booqasho ku marayaan Itoobiya. Hawlo xukuumaddan ay kaga wakiil yihiin oo ay u  hayaan a ma jirto. Laakiin waa muwaadiniin xor ah oo mari kara dalalka jaarka. Laakiin arrin aanu isku ognahay ma jirto. Anagu waxaanu rajaynaynaa in Madaxweynihii hore ee Somaliland waa nin masuul ah oo dalkan xil illaa Madaxweyne ka hayay. Waxaanu filaynaa haddii uu fursad u helo inuu masuuliyiin kale oo wadamo aynu jaar nahay ama kuwo kale uu la kulmo inuu kollayba danaha qaranka wax waxtar u leh kala hadlayo oo ku saabsan sidii loo kobcin lahaa xidhiidhka labada geesood.”



Source; Jamhuuriya Online