Wasiirka Arimaha Dibadda S/Land Oo Ka Warbixiyey Sidii Ay U Qabsoontay Xafladii Wanqalka Dalka K/ Sudan Iyo Waxay Kala Kulmeen

“Daahir Rayaale Madaxwayne Kama Ah S/Land, Hadii Uu Si Shaqsiya Xafladaas Uga Qaybgalayo-Na Maaha Wax Uu Anaga Ogolaansho Naga Waydiisanayo”W/Khaarajiga Dr. Max’ed C/Laahi

Hargeysa, July 10, 2011 (TNN) – Wasiirka Arimaha dibada Somaliland Dr. Maxamed C/laahi Cumar ayaa ka warbixiyey sidii ay u qabsoontay xafladii wanqalka dalka koonfurta Suudaan iyo waxa ay kala kulmeen.

Dr. Maxamed C/laahi ayaa waxa uu sheegay inay xarunta dalkaas ee Juba ay kala kulmeen soo dhawayn meeqaamkeedu sareeyo, isla markaan madaxwaynaha Somaliland Axmed Siilaanyo uu si la meeqaam ah madaxwaynayaasha kale uu u fadhiyey safka hore.

Wasiirka khaarajiga Somaliland Dr. Maxamed C/laahi Cumar ayaa waxa uu ka xukuumadiisa ka difa acay eedayntii xisbiga mucaaridka ah ee UDUB ku sheegay in dawladu ka danbaysay in uu madaxw aynihii hore ka baaqsado ka qaybgalka xaflada wanqalka dalka koonfurta Suudaan.

Waxaanu wasiirku sidaas ku sheegay mar uu xalay Haatuf kula soo xidhiidhay khadka tilifoonka, is aga oo ku sugan xarunta dalka koonfurta Suudaan ee Jubo, ugu horayna isaga oo ka hadlaya wa xa ay kala kulmeen halkaas, waxa uu yidhi “Waftigii uu hogaaminayey madaxwaynaha Somaliland waxay ka qayb galeen xafladii wanqalka, madaxbanaanida iyo xoriyada dalka cusub ee koonfurta Suudaan oo ka dhacay xarunta dalkaas ee Juba, waxaana loo sameeyey xaflad aad loo soo agaasi may oo dunidu ka soo wada qayb gashay, haday tahay Yurub, Amarica, Carabta, Jimciyadda qur uumaha ka dhaxaysa iyo Afrika-ba. Waftigii Somaliland ka socdayna waxay kala kulmeen soo dha wayn xurmo iyo meeqaam dawladeed leh”.

Isaga oo hadalkiisa sii watana waxa uu yidhi “Madaxwaynaha Somaliland waxa uu fadhiistay goobt a loogu talo galay madaxwaynayaasha caalamka ee xafladaas ka soo qayb galay, calamka Somalil and-na waxa uu ka mid ahaa calamadii goobta madaxwaynayaashu fadhiyaan la soo sudhay. Xafladaas maanta ka dhacday Juba waxay muuqinaysay rayn-raynta iyo guusha ay gaadheen shacbiga koonfurta Suudaan”.

Wasiirka arimaha dibadda mar wax laga waydiiyey waxa ay kala hadleen madaxwaynaha Koonfu rta Suudaan, waxa uu yidhi “Madaxwaynaha dalka koonfurta Suudaan waxa uu xalay casho sharaf u sameeyey dhamaan-ba madaxwayne-yaashii ka soo qayb galay wanqalka dalkaas, madaxwayna ha Somaliland iyo waftigiisuna way ka qayb galeen casho sharaftaas. Waxaanu madaxwayne Axm ed Siilaanyo goobtaas kula kulmay madaxwaynaha koonfurta Suudaan Salfa-kir, marka hore mada xwaynuhu waxa uu madaxwaynahaas ugu hambalyeeyey madaxbanaanidda dalkiisa, Waxa kale oo ay labada madaxwayne ka wada hadleen qadiyadda Somaliland iyo sidi ay beesha caalamka uga heli lahayd Aqoonsi caalami ah”.

Dr. Maxamed C/laahi Cumar mar wax laga waydiiyey waxa ay ka soo korodhsadeen dalkaas, waxa uu yidhi “Waxa nooga soo kordhay oo aanu la kulanay oo aanu ogaanay saaxiibo badan oo Soma liland leedahay, kuwaas oo aad ula socda qadiyadda Somaliland, aad-na u soo dhawaynaya jece lna inay gacan ka gaystaan aayo ka taliska ummadda Somaliland”.

Wasiirka arimaha dibadda Somaliland mar wax laga waydiiyey eeda xisbiga Udub u soo jeediyey x ukuumadda ee uu sheegay inay dawladdu ka danbaysay baaqashada madaxwaynihii hore ee Som aliland Rayaale uu ka baaqday ka qayb galka xafladaas, waxa uu yidhi “Arintaas waxba kama jira an, Somaliland-na waxa ay leedahay dawladd kaliya iyo madaxwayne kaliya, madaxwaynaha Soma liland ayaana xaflada si rasmiya loogu soo casuumay. Daahir Rayaale Madaxwayne kama ah Som aliland, hadii uu si shaqsiya uga qaybgalayo-na maaha wax uu anaga ogolaansho naga waydiisanayo”.

Source:Haatuf