Wasiirka
arimaha dibadda ee Itoobiya Siyuum Misfun oo
ka sheegay shirka Igad in xiligii Cabdulaahi Yuusuf uu dhamaaday
Wasiirka arimaha dibada ee dalka
Itoobiya Siyuum Misfin oo ka qaybgalaya shirka wadamada IGAD ay uga
hadlayaan arimaha murugsan ee Soomaaliya ayaa hadalo aad u adadag ka
jeediyey shirkaas kuwaas oo dhan ka ah madaxweynaha Soomaaliya
korneyl Cabdulaahi Yuusuf.
Siyuum Misfin oo qudbad dheer halkaas ka jeediyay ayaa ku tilmaamay
wax lagu qoslo in waqti kale ay kusii dhumiso beesha Caalamka mudane
Yuusuf isagoo sheegay inaysan jirin wax uu dhimi karo ama kusoo
kordhin karo arimaha soomaaliya waqtigaan xaadirka maadaama ummadda
soomaaliyeed badankeeda ay doonayaan nabad inay ku wada noolaadaan
oo la iska iloobi wixii tagay ee la soo dhaafay.
Siyuum Misfin ayaa ku celceliyey inaan Cabdullaahi yusuf laga
yeeleynin inuu dumiyo hay’adaha dowladda ku meelgaarka ah mar haddii
uu ogaaday inuu isaga meesha ka tagaayo waana laguala xisaabtamayaa
habdhaqankiisa iyo sida uu hurinaayo colaado cusub o oka soo
cusboonaada gayiga Soomaaliya.
Qaar ka mid ah dadka deegaanka ayaa sheegaya in ciidamada Ethiopia
ay goor dhaw isaga baxeen degmada Caabud waaq,waxaana ay u
ruuqaansadeen galbeedka degmada caabud waaq.
Xaalada Degmada caabud waaq ayaa caawa waxa ay tahay mid
degan,waxaana shacabka magaalada ay hadal haayaan bixitaanka
Ciidamada Ethioia ay isaga baxeen degmada Caabud waaq ee gobolka gal
gaduud.
Dayniile
|