Wasiir
Duur oo Cuqaasha Xukuumadda Dhaliila ugu Hanjabay in u u Mushaharka
iyo Aqoonsigaba kala noqonayo iyo Guurtida oo Su’aalo ka Waydiisay
Dhacdadii Ceelbaraale
Madaxdhaqameedyada ku soo badanaa wadanka, isla markaana Golaha
dhaqanku loo baahanyahay
Hargeysa(TNN)-Xukuumada Somaliland ayaa ku Han-jabtay inay aqoonsiga
kala noqonayso Cuqaasha ka diwaan-gashan Wasaarada Arrimaha Gudaha
ee Mushaharka dawlada ka qaata hadii aanay joojin dhaliilaha ay
dawlada u soo jeediyaan iyo isticmaalka magaca beelaha ee ay ku
hadlaan, waxaanay sidoo kale xukuumaddu ku wargelisay in Mushaharka
laga jaray Caaqilka Warbaahinta ka dhaliila dawl ada isagoo ku
hadlaya afka beesha uu madaxdhaqameedka u yahay.
Sidoo kale xukuumadu waxay ku dooday in la xadido madaxdhaqameedyada
ku soo badanaa wadanka, isla markaana Golaha dhaqanku loo
baahanyahay inay ka shaqeeyaan hawlaha nabadeynta oo kale, laakiinse
aanay ku milmin arimaha Siyaasada, sidaasi waxa yidhi Wasiirka
arrimaha Gudaha Somaliland Dr. Maxamed Nuur Caraale Duur oo maanta
Gudida joogtada ah ee Golaha Guurtidu la yeesheen Xog-waran la
xidhiidha arimaha amniga wadanka, isagoo arintaasi ka hadlayana waxa
uu yidhi“waxaanu cuqaasha uga digaynaa inay warbaahinta xukuumadda
ka weereraan iyagoo ku hadlaya afka beelaha ay madaxdhaqameedka u
yihiin oo Caaqilka dambe ee inta uu warbaahinta soo fadhiisto
yidhaahda annaga oo reer Hebel ah waxaasaanu samaynaynaa walaahi
Mushaharka ayaan ka jarayaa iminkaba waan idiin sheegayaa, una
dul-qaadan mayno in nin caaqil ahi maalin walba si aan loo baahnayn
uga caytamo saxaafada, madaxdhaqameedkana in la xadido oo sidiisii
hore lagu soo celiyo waa arin muh iim ayaan qabnaa anigu”ayuu yidhi.
Dr Maxamed Nuur Caraale Duur waxa kale oo uu sheegay in Xukuumaddu
Kharash u diyaarisay dhex dhexaadinta Beelihii dhawrka jeer ku
dagaalamay Deegaanka Ceel-bardaale ee Gobolka Gabiley, Gol aha
guurtidana ay uga marti tahay sidii labadaasi beelood nabad waarta
looga dhex dhalin lahaa, isagoo arimahaasi ka hadlayana waxa uu
yidhi “arinta Ceel-bardaale xukuumaddu waxay diyaarisay Kharashkii
lagu hawl-geli lahaa sidii labadaa beelood nabad waarta looga dhex
abuuri lahaa, guurtidan a waxa looga baahnyahay inay hawshaa
doorkooda ka qaataan”ayuu yidhi.
Mar uu ka hadlayay dadka soo gelootiga ah ee dalka ku soo qul-qulaya
sababta ay wax uga qaban w ayday xukuumaduu waxa uu yidhi “Dadka soo
gelootiga ahi inta badan waxay inagaga yimaadaan dal ka Itoobiya oo
aynu Xuduud Balaadhan leenahay, xuduudeenana ma jiro runtii ciidan
boqolkiiba boqol ilaalin karaa ee waxaynu ilaalinaa uun kadimada
laga soo galo, markaa arinka soo gelootigu waa arin Jabuutiba culays
sidaasoo kale ugu haya waa la gala hadana way soo raafaan, sidoo
kale inaguna inay joogtayno mooyee maaha arin boqolkiiba boqol aynu
joojin karayno, waanu nadiifinay wixii kale ee soo kardhana maaha
shaqo aanu joojinaynee wixii kolba soo kordha waanu saaraynaa”ayuu
yidhi mar uu ka hadlayay wasiirku arinta dadka ajaanibka ah ee dalka
ku soo noqday iyo qorshaha Xukuu mada ahaan uga meel yaala.
Wasiirka Daakhiliga Somaliland waxa kale oo uu ka hadlay Gogoshii
nabada ee Madaxweyne Siilaanyo u fidiyay Beelaha Bariga “Gogoshii
nabada Xaga xukuumadda dhawaaqii waa ka baxay walise gobol nabadeed
oo laysugu yimi oo la wada fadhiistay ma jirto, hadii xagayaga wax
ka dhiman yihiin oo talo u jeedinaysaan oo aad leedihiin xagayaga
waxbaa ka dhimane ku dara diyaarbaanu u nahay, hadii xa ga kale
inaad soo jiidaan ay tahayna gogoshii xagayaga waa ka diyaare dee ka
hawlgala”ayuu yidhi.
Wasiirka ayaa sidoo kale su’aalo badan waxa laga waydiiyay qorshaha
dawlada ee ku aadan dadkii laga xaaqay jidadka magaalada ee
ganacsatada ahaa, kuwaasoo xildhibaanada Guddida Joogtada ahi ku
bogaadiyeen talabaadii ay ka qaaday dawlada hase ahaatee ay
waydiiyeen in loo diyaariyay meelo la dejiyay oo ay ku shaqaystaan.
Waxaanu sheegay in gacanta lagu hayo goobo dhawr ah oo dadkaasi
loogu talo galay, kuwaasoo ay gacanta ku hayso dawlada hoose ee
Caasimada Hargeysa, taasoo buu yidhi ay si dhakhso ah uga sug ayaan
dhamaystirka dhulkaasi loo cayimay Xoogsatadii laga rara shaaracyada
Hargeysa oo qaarkoo d aanay ilaa wakhtigan helin meelo kale oo ku
xoofsadaan.
Saleban Cabdi Cali
Timacade News Desk
Hargeisa ,Somaliland
|