Warsaxaafdeed Ka Soo Baxay Xisbiga UDUB UK
Madaxda Xisbiga Kulmiye Ha Qadariyaan Karaamada Qaranka S/Land, Hana
Dhawraan Hab-Dhaqanka Diblomaasiyadda Caalamiga Ah
Madaxda Xisbiga Kulmiye Ha Qadariyaan Karaamada Qaranka S/Land, Hana
Dhawraan Hab-Dhaqanka Diblomaasiyadda Caalamiga Ah, Oo Ah Shay Aad
Loo Ilaaliyo Tixraaac war ku soo baxay 25/2/09 Websiteyada laga
akhristo wararka S/land, Ayaa waxa lagu xardhay war laga soo xigtay
XOGHAYAHA ARRIMAHA DIBADA EE XISBIGA KULMIYE, warkaas oo ah mid
xaqiiqada ka fog, laguna durayo booqashada hore u qorshaysneyd ee uu
dhawaantan ku imanayo Madaxweynaha S/land Mudane Dahir Rayaale
dalkani Britain oo ay xukuumadiisu u fidisay Martiqaad Rasmiya.
Safarkan maxdaxweynaha oo ku talagalKiisu ahaa in uu yimaado bishii
Dec. 08, ayna dib u dhigtay Qaraxyadii lala beegsaday caasimadda
Somaliland ee Hargeysa 29/10/08.
Xisbiga UDUB waxuu aad uga xun yahay hab dhaqanka Madaxda Xisbiga
KULMIYE iyo Siyasadiisa lagu hagayo oo hada noqotay mid majora
habowsan, kana ARADAN dhaqanka Siyaasadeed ee Axsaab Dal iyo Dad
wada leh, ayna kaliya ka dhaxayso Tartan Xalaal ah oo kolba kii
xukunka hayana lagu ag-joogo isaga oo dhaliishiisana loo sheegayo
wixii uu wanaag qabtana lagu hambalyeynayo.
Waxa xusid mudan oo aan jecelahay in aan Shacbiga S/land u iftiimino
dhaqdhaqaaqa Siyaasadeed ee Xisbiga KULMIYE, oo maalin kasta ka sii
durkaya dareenkii Wadaniyadeed ee ay umadeenu u baahneyd in ay
AXSAABTA Qaranku baraan, una kordhiyaan shacbigeena socod baradka ah
ee Dawladnimada iyo Dimuqraadiyaduba ku cusub yihiin.
Waxaaan halkani idinku xasuusinayaa warka Warbxinta lagu Faafiyey ee
Xoghayaha dibada ee xisbiga Kulmiye iyo wasiirka Britain dhexmartay
oo ah mid runtii Macquulka iyo Diblamaasiyadaba ka fog, una soo
jiidaysa sumcad xumo Siyaasiyeenta Mucaaridka ee reer Somaliland, oo
ay dawladuhu u akhrisanayaan una arkaan kuwo aan gaadhsiisneyn
bisaylka ay shacbiga iyo xukuumada xilka haysaaba muujiyeen, oo ah
mida maanta ay Deeqbixiyayaasha Caalamigu ku maalgaliyeen hawlaha
DIIWAAN GALINTA iyo Doorashada MADAXWEYNAHA ee dhawan qabsoomo
doonta haddii Eebba idmo.
Bal qiimee hadalka kooban ee aan ka soo qaadanay warbixinta uu qoray
xoghayaha Arrimaha Dibada ee Xisbiga KULMIYE Dr. Mohamed Cabdilahi,
isaga oo sheegay “La tashiga KULMIYE iyo yeedhitaanka Daahir Rayaale
waxay ka danbaysay warbixin uu xoghayaha arrimha dibadda ee KULMIYE
dhawaan uu u gudbiyay dawladda Ingiriiska iyo barlamaankaba, taas oo
ka turjumaysay dareenka siyaasadeed ee shacabka Somaliland iyo
aragtida xisbiga KULMIYE ee ku wajahan sida uu madaxwayne Daahir
Rayaale u maamulayo hawlaha diyaargarowga doorashooyinka
madaxwaynaha iyo faragalinta sharciga khilaafsan ee uu ku hayo
golayaasha qaranka.
Ujeedada kulankan maantuna waxay ahayd in ay dawaladda Ingiriisku si
qoto dheer ugu kuur gasho dareenka haatan ka taagan Somaliland ee la
xidhiidha doorashada madaxwaynaha iyo mawqifka xisbiga KULMIYE oo ah
xisbiga mucaaradka ugu wayn, Arrimaha ay laba geesood kulankan ku
lafa gureen waxaa ugu waynaa doorashada madaxwaynaha oo xukuumaddu
ay ka shaqaynayso sidii mar kale dib loogu dhigi lahaa. Dr. Maxamed
Cabdillahi wuxuu shirkan uu la galay dawladda Ingiriiska ka
caddeeyay in haddii doorashadu wakhtigeeda dhici waydo ay
masuuliyada dib u dhacaasi leedahay xukuumadda Daahir Rayaale, ee
aan eedda dusha laga saari karin Komishinka Doorsshada Qaranka ama
hayadaha shisheeye ee Somaliland la shaqeeya. Wuxuu xoghayuhu u
sheegay Lord Mallach-Brown in arrinta dib u dhaca doorashadu ay ka
turjumayso ujeedo siyaasadeed oo xukuumaddu leedahay, ee aan lagu
sifayn karin cilad farsamo.”
WAA YAAB & YAAB!!! Waa Ayaan daro eh goormuu noqday Qarankii S/Land
iyo M/Weynihii Umadu dooratay arday la dacweeyey, Kabiirkiisiina uu
noqday Baarlamanka Britain oo looga yeedhay.
Dr. Mohamed oo ah qof Akhlaaq ahaan iyo Aqoon ahaanba dhisan oo
macquul ah, helayna fursad qaali ah oo uu ku gudbin lahaa wax badan
oo dalkeena iyo dadkeenu u baahan yihiin, kuna sharxi lahaa waxa la
taaban karo ee Xukuumada iyo shacbigu qabsadeen, uuna Isaga oo
aqoontiisa Isticmaalaya uu ku doodi kari lahaa wax qabadkaasi muuqda
iyo xaquuqda umadeena laga duusiyey ee ah AQOONSIGA inagaga maqan,
Dawladaha dunida Maamula ayna ka mid tahay dawlada Britain ee uu
Wasiirkeeda la kulmay.
Hadaba waxa ka leexiyey Doodiisii waa Siyaasada Rasmiga ah ee lagu
maamulo, laguna Hogaaamiyo Xisbiga Kulmiye oo loo laqimay laguna war
galiyey in uu qaabkaasi u shaqeeyo, taasi oo ah:
In fursad kasta, cid kasta iyo meel kastaba uu Kulimye joogaba ka
gudbiyo (DHALIISHA, BAYLAHDA IYO WIXII DIB U DHACA UMADA S/LAND
MUUJINAYA, AYNA WEHELISO WAX XUN KA SHEEGA IYO WARARKA XAQIIQADA KA
fOG EE LAGA FAAFIYO XUKUUMADA DALKA MAAMUSHA IYO MADAXDEEDABA).
Dhaqankaasi oo KULMIYE bilaabay maalintii laga helay doorashada
2004-kii ilaa Maanta oo aan lix sano ka dib sugeyno qabashada
Doorashadii Kale.
GABA-GABO
1. Xisbiga UDUB waxa u shacbiga S/land u caddeynayaa in ayna
Xukumada dalka maamusha ee uu hogaanka u hayaan Xisbiga UDUB,
Madaxweynaha iyo M/Xigeen ayna mar kaliye qorsheysan inay Doorashada
maalin kaliya dib u dhigaan, balse ay Diyaar u yihiin wixii kaga
aadan hawl galka Doorashada, iyaga oo si aan hagrasho lahayn uga
shaqeynayaan sidii Doorashooyinkii hore oo kale.
Waxaynu wada ognahay in Xukuumadani iyo Xisbigeeda UDUB ay yihiin
kuwii dalka ka hirgaliyey Dimuqraadiyada maanta Somaliland ka jirta,
iyaga oo marar badan Gudoomiyaha iyo G/Xigeenka UDUB ku celceliyey
in doorashadu wakhtigeeda dhacayso, ayna diyaar u yihiin IN LA ISKU
HAMBALYEEYO CIDII HESHA DOORASHADA EE ILAAHAY U CALFO, HAMBALYADAASI
OO AYNAAN MAR KALIYA XAGGA KULMIYE KA MAQAL.
2. Xisbiga UDUB Waxa talo ahaan ugu soo Xisbiga KULMIYE inuu ka
waantoobo, kana xishooda dhibaatada uu Shacbiga ku hayo Gudo iyo
Dibadba, taasi oo ah XAALAD ABUUR-JOOGTO AH oo mar alla marka dalka
ay ka qabsoomayaan Doorashooyinba uu ku dhaqaaqo ficilo ay ku
dheehan yihiin HANJABAAD IYO KHAL-KHAL ABUUR, kuwaasi oo war-war
badan ku galiyo shacbiga, gaar ahaan QURBO-JOOGA, waayo Dalka
hawshii doorashada waa diyaar, waxa ay maraysaa waa hawl-farsamo
dhammaan Xisbiyada, Komishanka iyo Deeq-bixiyaashuna xogogaal bay u
yihiin, waxa kaliya ee hadhsana waa maalintiina oo la soo cayimi
doona, Iyada oo la raacayo sharcigii ka koobnaa (8) Sideeda qodob ee
ay hore u wada saxeexeen Axsaabt
a iyo Komishanku lagana sharciyeeyey GOLAHAH GUURTIDA.
Maantana sida sharciga heshiiska ku qoran ayuun baa la mari, Mana
jiro meel buuq laga abuuro iyo in shacbigan dhibaatada dhaqaale
haysato la galiyo jaha-wareer, loona tuso in wixii ka danbeeya
29/3/09 uu Mustaqbalka umadani mugdi galayo. Markaa KULMIYE ha
qadariyo XAQA Shacbigani ku leeyihiin iyo Karaamadiisaba, hana u
diyaar-garoobo DOORASHO XOR IYO XALAAL AH, oo la isku Hambalyeeeyo
haddii Eeba idmo, taasi oo Xisbiga UDUBna uu diyaar u yahay.
3. Xisbiga UDUB waxa uu Umadda S/landgar ahaan QURBO-JOOGA S/LAND uu
ka raali galinayaanayaa in ayna ku jahawareerin wararka xaqiiqada ka
fog ee ay caadeysteen mar kastaba in ay Madaxda KULMIYE Faafiyaan,
arrintasi oo Qurbo-jooga dhibaato weyn ku haysa, isla markaana
dhaawcaysa xiisihii ay dalka iyo Xukuumada u qabeen, ayna
danaynayeen sidii ay dalkooda iyo dawladaba ay wax ula qaban
lahaayeen.
|