Warsaxaafadeed UCID
Jamhuuriyada Somaliland
Justice and welfare party
Xisbiga cadalaad iyo daryeelka
05/03/09
MAWQIFKA XISBIGA CADDAAlADDA IYO DARYEELKA EE (UCID) EE XAALADAHA
DALKA KA ABUURMAY
Xisbiga Cadaaladda iyo Daryeelku ( UCID) ka dib markuu arkay
duruufaha cusub ee dalka ka abuurmay ee la xidhiidha doorashada
madaxtooyada iyo wakhtiga cusub ee loo qoondeeyay, waxa xisbigu
cadaynayaa mawqifkiisa rasmiga ah ee ku wajahan xalaadahaasdaas:
1: Xisbiga UCID waxa uu rumaysanahay in ay doorasho xor iyo xalaal
ahi ka qabsoonto JSL.
2. Xisbiga UCID isaga oo tixgelinaya danta guud ee qaranka,
nabadgalyada, geedisocodka dimuqraadiyadda, dedaalka
deeqbixiyayaasha, wuxuu aqbalay wakhtiga cusub ee loo qoondeeyay
inay doorashadu ku qabsoonto.
3. Xisbiga UCID waxa uu aaminsanahay in xukuumada UDUB ee hadda
jirta wakhtigeedu ku egyahay 6/04/09, wixii intaas ka danbeeyana
aanay haysan wax sharciyad ah .
4. Xisbiga UCID waxa uu rumaysan yahay in xukuumaddu jabisay
qodobkii tiir dhexaadka u ahaa heshiiskii saddexda xisbi qaran hore
u wada gaadheen kaas oo lagaga maarmay in la sameeyo dawlad
dhexdhexaad ah ( caretaking government) oo dalka hogaamisa ilaa inta
doorashada madaxtooyadu qabsoomayso oo ahaa in la dhiso guddi joogto
ah ( standing committee) sagaal xubnood ka koobnaa oo heer sare ah (
highy profile) markii ay dhamaatay mudadii madaxweynaha 15 may 2008.
Hawlaha ay qaban lahaayen Gudidda joogtada ahi waxaa ka mid ahaa :
(a) in aan xukuumadda iyo xisbiga UDUB aanay ku takrifalin hantida
qaranka una adeegsan ololaha doorashada.
(b) in loo sinaado warbaahinta qaranka, fursadna la siiyo Axsaabta
qaranku ay kusoo bandhigaan barnaamijyadooda siyaasadeed iyagoo
isticmaalaya warbaahinta qaranka.
(c) Inay xaliyaan wixii khilaafaad iyo dhibaatooyin ah ee soo baxa
xiliga doorashooyinka
Waxa kale oo heshiiskaas ka mid ahaa in Madaxweynaha JSL Dikreeto
Madaxweyne ku soo saaro saxeexa heshiiska ka dib si gudiidda
joogtada ahi u hawl galaan taas oon madaxweynuhu fulin ilaa hadda .
4. Si looga baxo marxaladdan adag, waxa xisbiga cadaalada iyo
daryeelka (UCID) u soo jeeedinayaa saddexda xisbi qaran iyo
shirgudoonka labada Gole isugu yimaadaan fadhi wadatashi oo deg deg
ah si looga gudbo marxaladan adag.
Ugu dambeyntii waxa Xisbiga UCID ka digayaa cawaaqib xumadda ay
keeni karto carqalad iyo dib u dhac dambe oo ku yimaadda doorashada
madaxtooyada JSL oo mar horena dib u dhacday.
Allaa Mahad leh,
Md Maxamed Bashe
Xoghayaha Guud ee Xisbiga UCID
|