Waraysi lala yeeshay Muuse Biixi
Guddoomiye-ku-xigeenka
xisbiga mucaaridka ah ee KULMIYE Muj. Muuse Biixi Cabdi, ayaa ka
digay in cadho iyo qarax dhacaa uu keeni karo khasa are hor leh iyo
dib-u-dhac wayn oo ku yimaada bulshada Somaliland.
Hadalkan ka soo yeedhay Muj. Muuse Biixi Cabdi, isaga oou warmayay
ayaa u muuqda mid ka fog weedhihii kulkululaa ee looga bartay marka
uu ka hadlayo warbaahinta.
Muuse Biixi Cabdi oo todobaadkan telefishanka
HCTV siiyey waraysi dhee r oo uu kaga hadlayey aasaaskii
ururka SNM iyo dagaaladii ay bishii May 1988 ku soo qaadeen taliskii
Siyaad Barre ayaa hadaladiisii waxa ka mid ahaa;
“horta runtii, waxa loo dagaalamayay waxa u weynaa dalkuu ahaa,
dalki ina waynu haynaa, waanaynu ku nasiib badanahay Falastiin waa
inala mid oo waataa wali halgamaysa, SPLA waa inala mid oo waataa
ilaa maanta halgamaysa, markaa inagu xagaa guulbaynu ka joognaa,
laakiin guusheenii ma dhamaystirna oo halganku ama xagga hore ayuu
ka soo gaabtaa ama xagga dambe, markaa xagga hore halgankeenii wuu
ka soo gaabtay oo guulbaynu haynaa, laakiin waxyaalo badan oo aanan
filaynin ayaa yimid, waa mide 30 sano ka hor markii aan abaabulayay
dagaalkii jabhadaha ahaa ee aynu afweyne kala hortagaynay hadii aan
arki lahaa waxa Soomaali maanta ku dhaca waan ka fiirsan lahayn ma
aha afweyn aan jecelaan lahaa oo aan daynlahaa, laakiin in
dagaalka u jeedadiisu aanay sidan oo kale u dhicin oo khasaaraha
intaa leeg ee aan loo baahn ayn aan la galin waan ka fiirsan
lahayn waa marka guud ahaan loo eego wixii Somaaliya la isku odhan
jiray, inagu khasaaraha guulbaynu ku joognaa guud ahaan dalkeenana
weynu haysanaa dowladbaynu dhisanay, nabadgelyaynu ku darsanay,
waxyaabaha yaryar ee naga dhimana waa la sixi karaa, wax inaga
dhimana way jiraan, waxaana ugu weyn taariikhdeenii oo la doonayo in
la qiimo tiro oo dadkii dalkan u soo halgamay taariikhdoodii la aaso
ilaa kalmada xorayn oo qudha carruurtu ma garanayso oo looma sheegin,
dagaalbaa dhacay oo dalkiibaa la xoreeyay, SNM maxay ahayd?
Waxyaabahaasi waa waxyaabaha ugu fudfudud ee carruurta taariikhda
looga dhaadhicin karo taasi waa ta ugu weyn, waxa kale oo ka mid ah
ictiraaf la’aanta, dowlad la’aanta, rajo xumada, shaqo la’aanta
kuwaasina horta waa masiibooyin dowladaha saddexaad oo dhan haysta
maanta.
Mar waxaynu is lahayn tallow dal maydun yeelan mise waa la idin
dhalan rogi, dalkii waynu haysanaa ee waxaynu doonaynaa sidaynu
nolol fiican u helnaa waxa weeyaan qaybti hore ee halganka waynu
qabsanay, qaybtii dambe ee nolosha wanaajinteeda iyo ka midho
dhalinteedii ayaa dhiman waana wax la sixi karo oo iyana halgan
labaad ayay u baahan tahay oo laga wada qayb galo, laakiin anigu ma
qabo in cadho iyo qarax aan loo baahnayn ay dib u dhacaan, waayo
qaraxaasi khasaaro badan ayuunbuu sii gaysanayaa oo dhibaataduu sii
badinayaa arrintaasina talay u baahan tahay in lagaga baxo, laakiin
sida raga qaar ka muuqata qaraxa iyo rajo la’aanta iyo cadhada uma
arko in marxaladan lagaga bixi karo, waxa aan qabaa in aynu joogno
meel aynu wax ka sixi karno.”
Jamhuuriya Online
|