War saxaafadeed Xisbiga Mucaaridka ah ee Wadani kaga jawaabayo
eedayntii gudoomiyaha Kulmiye Muse Bixi iyo Hadalkii ka soo yeedhay
Eng. Maxamed Xashi Cilmi
Waxaan halkan ka salaamayaa dhamaan dadwaynaha reer Somaliland debed
iyo gudeba, aniga oo ku salaamaya salanta Islaamka ee ASALAMU
CALYKUM.
Waxaan halkan ka hambalyanay shir gudoonka labada gole ee uu
hogaaminayo gudoomiyaha Barlamaanka Somaliland mudane Cabdiraxmaan
Maxamed Cabdillahi Cabdiraxmaan Cirro oo ku guulaysta inay soo
afjaraan khilaafkii soo kala dhex galay Madaxwaynaha Somaliland
Mudane Axmed Maxamed Siilaanyo iyo ku xigeenkiisa mudane Saylici,
khilaafkaas oo hakad geliyay maamulkii dawladnimo eeSomaliland.
War saxaafadeedkan oo aanu u dirnay war baahita Somaliland oo aanu
kaga jawaabayno eedayntii gudoomiaha Kulmiye Muse Bixi ku eedeeyay
hogaanka sare ee xisbiga Wadani inay xidhiidh Siyaasi ah la leeyihin
Siyaasiyin reer Somaliland ah oo u ololeeya Somaliwayn.
Waxaanu halkan ka cadaynaynaa inaan arintaas waxba ka jirin oo ay
tahay been abuur ah. Waxaa ayaan darro ah in afhayeenka Xisbiga
Wadani Mudane Ibraahim Mahdi Buuba uu gudoomiye Muse Bixi eedayn uga
dhigay Tilfoonka Ismaaciil Buuba baad haysa taas oo ah eedayn aad
iyo aad u jilicsan.
Dadwaynaha reer Somaliland waxay ogsoonyihiin inuu Mudane Ibraahim
Mahdi Buuba uu ka mid ahaa dhaliyardii ka qayb qaatay Halgankii dib
u xoraynta Somaliland isaga oo dadiisu aad iyo aad u yarayd, iminkan
uu ka mid yahay xildhibaanda golaha wakiilad ee u dhaartay
Somaliland.
Gudoomiye Muse waxaan leeyahay reer Somaliland way dhaafeen ama waa
la dhaafay wakhtigii la odhan jiray mar haddi hebel Xamar tegay
beeshiisa oo dhami way la wadaagtaa, maanta waxaa lagu xisaabtama
qofkasta waxa mabdaiisu yahay ee qofna qof kale uma eedoobo ama
Ismaaciil Buuba ha joogo xamar ama Caydiid Ilkaxanaf ha jooge.
Gudoomiye Muse waxaan waydiinayaa Imisa Agaasime oo Kulmiye ba Xamar
Jooga? Tilifoonadoodase ma haysaa? Wasiiro Kulmiya ah baa qirtay
inay U ololeyeen inuu Madaxwayaha xamar ku guulaysto doorashadii
xamar ka dhacday.
Gudoomiye Muse miyuu ilaaway waraysigii Maxamed Cabdillaahi Oomar
markuu isaga oo wasiirka Arimaha Debadda ah oo Norway jooga uu
bixiyay ee uu ku sheegay in madaxda Kulmiye oo Muse Bixi iyo Maxamed
Kaahin ugu horeeyan inuu la tashaday intaanu Xamar tego iyo in kale
ayna kula taliyeen inuu halkaa u sii tago.
Gudoomiye Muse waxaan leeyahay maanta Cabdiraxmaan Cirro isma
haysaan ee Xaaji Xirsi Gaab ba hawli idin dhex taala, waxaynu
ognahay in maanta ay isagii leexadu sidato.
Waxaannu jecelnay inaanu jawaab ka siino hadalkii uu Eng. Maxamed
Xaashi ku duray Xisbiga Wadani iyo hogaanka xisbigaba ee uu sheegay
1. inuu xisbiga Wadani yahay xisbi muxaafid ah oo isaga iyo Kulmiye
aanay waxba u dhaxaynin
2. Inuu Gudoomiyaha Golaha Wakiiladu Sharci daro ku Fadhiyo Golaha
Wakiilada.
Eng. Maxamed Xaashi waxaanu leenahay Xisbiga Wadani waa xisbi
Mucaarid ah oo in ka badan dhawr jeer buu gudoomiye Cirro ka
cadeeyay fagaarayaashah. taas waxaa ka markhaati kacaysa.
1. War saxaafadeedkii ugu danbeeyay ee uu gudoomiye kuxigeenka
Xisbiga wadani iyo Afhayeenka xisbigu si daayeen ee ay kaga
hadlayeen xalada dalku marayo iyo dhaliilaha dawladaba.
2. Midawgii Ururkii Umadda ee isagu ugu Mucaaridada kululaa ee la
reebay, taas oo ina tusaysa inaanu xisbiga Wadani la midoobeen
haddii aanu Mucaarid ahayn.
Waxaa haboon in sharciyada dalka la eego marka laga hadlayo labada
xil ee uu hayo Gudoomiye Cabdiraxmaan Maxamed Cabdillahi oo kala ah
1) Gudoomiyaha Golaha Wakiilada
2) Gudoomiyaha Xisbiga Mucaaridah ee Wadani
Sharciga Somaliland baa u banaynaya labadaas Xil, Waxaan jecelahay
inaan Eng. Maxamed Xaashi u sheego inuu dhawaan loogu dari doono xil
saddexaad oo ah Musharaxa Madaxwaynaha ee Xisbiga Wadani.
Haddi sharci daro cidda ku kacday la eegayo Eng. Maxamed Xaashi buu
ahaa Wasirkii diiday inuu Hantidhawrka qaranku baadho wasaaradiisa
ee yidhi anigaa samaystay hantidhawr u gaar ah Wasaaradayda oo ahayd
markii uu Eng. Maxamed Xaashi ah Wasiirka Maaliyada, taas sharci
darro ahayd ee inuu Cabdiraxmaan Cirro labo xil isku hayo ma ah mid
sharci daro ah.
Waraysigii Eng. Maxamed Xaashi ee ugu danbeeyay 22/02/2013 wax uu
muqday inuu Eng. ku ka yare siibtay Siyaasadii oo uu rabo inuu meel
ka soo qabsado.
Waxaanu ugu baaqaynaa Xisbiga UCID inaanu is garabsan sidii laba
xisbi oo Mucaarid ah si uu dalku u yeesho Mucaaradad xoggan oo danta
dalka iyo dadkaba ilaaliya, ka Wadani ahaan qorshaha nooguma jirto
inaanu ku mashquulno u jawaabka UCID ee yoolkayagu waa wixii ka
khaldama Xisbul Xaakimka iyo dawladan is barkan. Waxaanu mar walba
jecelnahay inaanu anka ( Wadaniga Dhabtah ) iyo Xisbiga UCID meel
uga soo wada jeedno kana wada tashano sidii maanta dalka looga saari
lahaa marxaldan qalafsan ee laga dhaxlay doorashooyinkii degaanka
midnimadii dadka iyo dalkana loo soo celin lahaa.
Mawqifka Xisbiga Mucaaridka ah ee Wadani;
1. Jirtaanka Somaliland inuu Yahay mid aan Gorgortan geli karin.
2. In wadahadalada Somalia iyo Somaliland loo wadahadlo sida laba
dawladood oo siman
3. Ka qaybgalka shirarka Somalia in lagag qaybgalo maqaam la mid ah
kii shirkii london ee Sanadkii hore dhacay, maqaam kaa ka hooseeya
inaanu marnaba Xisbiga Wadani taageeri doonin ka qaybgalkooda.
Waxa uu xisbiga Mucaaridka ah ee Wadani ku Baaqayaa;
1. in midnimada la adkeeyo
2. in aminga dalka laga wada shaqeeyo
3. in dawladaha aynu saaxibka nahay iyo ku jaarka ah lagala shaqeeyo
nabadgelyada gobolka lana xoojiyo xidhiidhkooda.
4. in wax aliyaala iyo wixii tabasho ah lagu dhameeyo
wadahadal,wadtashi iyo isutanaasil oo ahaa arimihii ay Somaliland ku
soo caano maashay.
Xisbiga mucaaridka ah ee Wadani wuxuu mar labaad canbaaraynayaa
gabadha yar ee reer Somaliland ah ee u xidhan Wasir ka mid ah
xukumada Somaliland, waxaanu ku baaqaynaa in gabadhaas xorayadeedi
loo soo celiyo.
waxaanu kale oo canbaaraynaynaa bar tilmaamedka ku aadan xaafada
Axmed Dhagax ee xadhiga iyo cagajuglayntah ee dawladu ku hayso
dadwaynaha ku dhaqan xaafadaas, ankan markastaba aaminsan inay
dawladu sugto amaanka dalka iyo dadkaba talaabo sharciga waafaqsan
ka qaado cid aliyaala iyo ciddii amaanka wax u dhimaysa.
ALLAA MAHAD LEH
Faisal Farafidiye
Gudida Fulinta ee Xisbiga Wadani
|