|
Xaflad Balaadhan oo Loogu Wanqalayay Gobolka
Cusub ee Gabilay oo Maanta La Qabtay
Halkan ka dhageyso weriyaha BBC
Axmed Siciid Cige oo Isagu goob Joog ka ahaa
Wanqalka Gobolka Gabiley
Xaflad si weyn loo soo agaasimay oo loogu dabaal dagayay Gobolka
cusub ee dhawaan la magacaabay ee Gabilay ayaa Maanta si heer sare
ah loogu qabtay Magaalo Madaxda Gobolka Gabilay ee Gabilay.
Gabiley (TNN)
:-
Xafladan oo si weyn loo soo agaasimay waxa ka qayb galay Madaxweyne
ku xigeenka JSL Mudane Axmed Yuusuf Yaasiin , Marwada Koowaad ee
Madaxweynaha Marwo Huda Barkhad Aadan , Shirgudoonada Golayaasha
Guurtida iyo Wakiilada , Gudoomiyayaasha Xisbiyada KULMIYE iyo UCID
, Wasiiro , Xildhibaano , Madaxda Saddexda Xisbi Qaran iyo Dadweyne
aad u tiro badan oo ka kala yimid dhamaan gobollada dalka
Madaxweyne ku xigeenka JSL Mudane Axmed Yuusuf Yaasiin , oo isagu
halkaasi ka hadlay ayaa waxa uu hadalkiisii ku bilaabay ‘’Maanta
halkan waxa aynu isugu nimid, in aynu hambalyayno oo aynu dhiiri
gelino gobolkan cusub ee Gabilay oo mudo dheerna soo halgamayay
gobolnimo , waa gobolkii ugu dheeraa ee lagu halgamo inuu noqdo
gobolnimo, Maanta waxa farxad ii ah in aan idinkala soo qayb galo
farxadan aad maanta ku jirtaan , haddaba maadaama la dajiyay gobollo
badan , dabcan gobolladu ha ogaadaan waxa looga baahan yahay , gobol
marka la qiimaynayo , waxa lagu qiimeeyaa dadkiisa iyo inta uu
xukumo dalkiisa iyo wax soo saarkiisa , shacabkiisu inta uu leeg
yahay , waa saddexda shay ee hadda lagu qiimayn doono gobolladii la
dajiyay’’.
Mudane Axmed Yuusuf Yaasiin isaga oo hadalkiisii sii wata waxa kale
oo uu yidhi ‘’Rasuulka ayaa waxa uu galay jihaad dheer , markii
jihaadkii uu ka soo noqday waxa uu ummadiisii ku yidhi waxa aynu soo
galnay jihaadkii yaraa , waxa aynu galaynaa jihaadkii weynaa ,
haddaba maanta maxaa looga baahan yahay reer Gabilay , reer Gabilay
waxa lagu yaqaanay wax soo saar , jihaadkii weynaa ayaad galay saan ,
waa inaad horumarisaan gobolka , waxa aan idinku dhiiri gelinayaa
cidii alle iyo cidii tegaysa ee wax gashanaysa soo dhaweeya , waxaan
xusuusnahay dagaalkii labaad ee adduunka marka aad oda yaasha ka
waraysato ee ay baddu xidhan tay ee Berberi xidhan tay halkan ayaa
loo soo doontay hadhuudhkii maanta reer Gabilay waxa aad ku
xisaabtantaan , berrigaasi dadku wuu yaraa , waxaa laga yaabaa in ay
idiin yimaadeen Toban kun ama 20 kun oo qof , maanta waxaad ogaataan
in ay idiin imanayso gawaadhi waaweyn oo doonaysa raashinkii,
sababta oo ah ummadeenu waxa ay baratay Bariis , Bariiskiina ma
beerano , waxa aanu ugu bedelaynaa Galay dadkeena , imika waxa la
cunaa waxa weeyi waa intii Raashin ee taalay badda ku jirtay , cid
kastaba raashinkoodii way xidhatay , inagana wax a inagu waajib ah in
aynu wax beerano , markaa reer Gabilayoow cuntadii idinka ayaa la
idinka sugayaa, dawladana waxa aan ugu baaqayaa in Mishiinadii lagu
ridqayay Galayda la keeno , idinkuna ridiqda an’’.
Madaxweyne ku xigeenka JSL Mudane Axmed Yuusuf Yaasiin oo dadweynaha
reer Gabilay la sii dardaarmaya, waxa uu yidhi ‘’waxa aan leeyahay
Reer Gabilay marka hore quluubtiina mideeya , oo kalmadiina mideeya
oo shaqadiina mideeya’’.
Mudane Axmed Yuusuf Yaasiin , isaga oo la hadlaya Somaliland waxa uu
yidhi ‘’Somaliland dhul ma kala laha , Magaalo ma kala laha , arrin
aan maqlay ayaan ka jawaabayaa oo aan tallo ka bixinayaa , ni nka
Somaliland meesha uu doono ayuu degi karaa, ninka fidnada wada
ayuunbaa la iska qabanayaa, ilaahay waxa uu yidhi Fidnadu way
hurudaa, dad walba cayaan ayay leeyihiin , wax garad bay leeyihiin ,
kaas uunbaa marka la soo qabto la odhanayaa adeer fidnimada naga
jooji , laakiin yaan la odhanin , weliba caasimada ayaan ku
dhufanayaa caasimada waxa soo degaya khalqi oo dhan ayaa soo degaya
, ninka yidhaahda hadhow ka bax waa in la xidhaa weeyi , ninka
fidnada wada ayuunbaa la iska qabanayaa oo la xidhayaa , laakiin
caasimada waa la camirayaa , waa la imanayaa , in yar cidi ma laha
waa na la wada degayaa , cid walba soo dhaweeya’’.
Madaxweyne ku xigeenku waxa uu dadweynaha ugu bushaareeyay in
dhawaan la dabaal dagi doono wadankeena oo la ictiraafay.Madaxweyne ku xigeen ka Somaliland Mudane Axmed Yuusuf Yaasiin waxa
uu hadalkiisii ku soo gaba gabeeyay ‘’Waxaan ku soo gunaanadayaa
Fariin iyo mahad naq balaadhan oo aan idiinka sido Madaxweynaha
Soma liland Mu dane Daahir Rayaale Kaahin oo uu idin leeyahay Kor u
soo kaca , noolaada , Bash Bash iyo Barwaaqana ku noolaada’’.
Marwada Koowaad ee Madaxweynaha JSL Marwo Huda Barkhad Aadan, ka hor
intii aanay hadalka bilaabin lagu soo dhaweeyay Caleemo qoyan iyo
Mashxarad , ayaa iyaduna halkaasi ka hadashay , waxa na ay
hadalkeedii ku bilowday ‘’Waxa maanta sharaf noo ah in aanu idinkala
qayb galno , xaflada dabaal daga gobolka gabilay oo aad aanu ugu
faraxsanahay , waxa aanu leenahay Mabruuk , waxa anaga sharaf noo ah
oo aan idinku mahad naqayaa ilaaha qadaray anaga oo joogna
Madaxtooyada in gobolkii Gabilay lagu dhawaaqo , aad iyo aad ayay
noo taabanaysaa gaar ahaan , waxaanan leeyahay ilaah ay ha ka dhigo
gobol khayr qaba , waan hubaa gobolka Gabilay waa gobol is bixinaya
, dhinac walba ha ahaato dhinaca Dhaqaalaha dhinaca Beeraha ,
dhinaca Xoolaha aad iyo aad ayaan ugu faraxsanah ay , insha allaahu
waxa uu noqonayaa gobol hir gala’’.
Waxa iyaguna halkaasi ka hadlay Gudoomiyayaasha Xisbiyada KULMIYE
Mudane Axmed Maxamed Maxamuud ‘’Siilaanyo’’ , Gudoomiyaha Xisbiga
UCID Eng Faysal Cali Waraabe iyo Xoghayaha Guud ee Xis biga UDUB ,
kuwaasi oo dhamaantood u hambalyeeyay Dadweynaha reer Gabilay
Gobolnimada cusub ee uu Madaxweyne Daahir Rayaale Kaahin u
magacaabay.Dhamaan Salaadiintii iyo Dadweynihii ku h adlayay Afka dadweynaha
reer Gabilay , waxa ay dhamaantood u hambalyeeyeen Madaxweynaha
Somaliland Daahir Rayaale Kaahin oo gobol cusub u magacaabay ,
iyagoo dadweynaha reer Gabilay ay sugayeen muddo 40 sanadood ah.
Source: SN
|
