Wafti balaadhan oo ka Socda Midawga Yurub oo Booqasho ku Tagay
Sayladaha Xoolaha ee Magaalooyinka Gabiley iyo Wajaale
Waftigan oo ahaa mid aad u balaadhan oo ka socday Midawga yurub ayaa
kormeer..............
Gabiley (TNN)-Wafti balaadhan oo ka socday Midawga Yurub ayaa Maanta
Booqasho ku tagay Goobo ka mid ah Gobolka gabiley halkaasi oo uu ku
soo dhaweeyay Badhasaabka Gobolka Gabiley Axmed Cali-Nuur Sh.Maxamed.
.
Waftigan oo ahaa mid aad u balaadhan oo ka socday Midawga yurub ayaa
kormeer ku soo maray Goobaha lagu Xanaaneeyo Xoolaha, Saylada
Xoolaha ee Wajaale iyo goobaha laga raro xoolaha ee Gabiley.
Halkaasi oo qaarkood ay hore midawga yurub uga dhiseen Meelo si
dhibyar looga rari karo xoolaha laguna baadhi karo caafimaadkooda
inta aan la dhoofin.
.
Badhasaabka Gobolka Gabiley Axmed Cali-Nuur Sh.Maxamed ayaa waftiga
Warbixin kooban ka siiyay Goob lagu baadho caafimaadka Xoolaha oo ku
taala Deegaanka Jameecada ee Duleedka magaalada Gabiley halkaasi oo
uu sheegay in ay tahay goob laga raro xoolaha laga keeno deegaanadda
ku dhaw laguna baadho caafimaadkooda.
.
Badhasaabku waxa uu midawga yurub uga mahad celiyay Caawimada iyo
taageerada ay siiyaan Bulshada Reer Somaliland isaga oo xusay in loo
baahanyahay goobo kale oo noocan oo kale ah oo laga raro xoolaha.
.
Waftiga ayaa kormeerkooda ku soo maray Halka uu kusoo xidhmayo Jidka
wayn ee ay dhisayaan Midawga yurub ee isku xidhi doona magaalada
Berbera iyo Degmada Wajaale sidoo kale waxay socdaalkooda ku soo
mareen Saylada wayn ee Magaalada Wajaale iyo Mashruuca Banka Wajaale
oo ay Xoolo badani ku sugnaayeen.
c/raxmaan Xaaji
Timacade News desk
Gabiley,Somaliland
|