Wacdarihii Xafladii Maalinta Suugaanta Soomaalida Iyo Stockholm

 

Stockholm,Sweden (TNN)-Maalintii sabtida ahayd oo ku beegnayd 19 November 2011, waxa uu Naadiga Akhristayaasha Stockholm ku qabtay magaalada Stockholm ee waddanka Sweden mu naasibad aad u balaadhan oo loogu magac daray ”maalinta suugaanta soomaalida ee Stockho lm. Munaasibaddan oo ahayd tii ugu weynayd ee nooceeda ah ee lagu qabto magaalada Stock holm, ayaa waxa ka soo qayb galay dadweyne aad u tiro badan oo isugu jiray qaybaha kala duwan ee bulshadda. Ha noqdeen soomaali iyo waliba dadyawga kale ee waddankan ku nool.

 Wakhtiga ay munaasibadu bilaabmaysay oo ku beegnayd labadii duhurnimo ee saacada maga alada Stockholm, ayaa waxaa xusid mudan in iyadoon laba furin hoolkii hawshu ka qabsooma ysay ay dad weyne tiro badani soo buuxiyeen barxadii weynayd ee dhismaha ay hawshu ka dhacaysay.

Barnaamijka oo ku bilaabmay wakhtigii loogu talo galay, ayaa ugu horayn waxaa eray mahadn aq iyo soo dhaweyn ah madasha ka jeediyay Eng Maxamed Ibraahim oo ahaa daadihiyaha bar naamijka. Waxa uu sidoo kale Maxamed dadweynihii ku war geliyay in barnaamijku ka koobnaa n doono laba qaybood; qaybta koowaad oo ku socon doonta afka iswiidishka iyo qaybta laba ad oo ku socon doonta afka soomaaliga. Intaas kadib waxa codbaahiyaha lagu soo dhaweey ay Saynab Hassan oo ah xubin ka tirsan naadiga. Saynab ayaa u mahad celisay dhamaan dad weynihii tirada badnaa ee munaasibada ka soo qayb galay. Waxa aanay dhanka kale war bixin kooban ka bixisay hawsha uu naadigu qabto iyo waliba waxyaabihii u qabsoomay mudadii uu jiray. Intaas kadib waxa hadalkii la wareegtay Karin Sohlgren oo ka socotay maktaba xaafad da Rinkeby. Karin waxa ay ku dheeraatay mihiimahada akhriska iyo qoraalka, iyo sida loogu baahan yahay in bulshada loogu baraarujiyo. Sidoo kale waxa iyana madasha hadal qiimo ba dan ka soo jeedisay Matilda oo ka socotay maktabada caalamiga ah ee magaalada Stockholm. Matilda iyana waxa ay aad ugu dheeraatay qiimaha uu leeyahay akhrisku iyo sida loogu baa an yahay in da’ yarta lagu barbaariyo ama lagu dhiiri geliyo akhriska, si ay berri u soo baxaan jiil bulshada wax u qoraa.


Waxa isna madasha hadal kooban ka soo jeediyay Amir Aden oo ah mudane ka tirsan baarla maanka waddankani Sweden. Amir waa mid ka mid ah labada xildhibaan ee soomaalida ah ee ku jira baarlamaanka Sweden. Waxaanu Amiir aad ugu dheeraaday mihiimada uu leeyahay afku iyo sida ay lagama maarmaanka u tahay in qofkastaaba marka hore barto afkiisa, si ay hadhow ugu dhib yaraato barashada afafka kale. Intaas kadib Sulaymaan Carraale oo ka socday dugsiga waxbarashada ee UTAN, ayaa hadalkii la wareegay. Waxa uu Sulaymaan ku dheeraaday mihiimada aqoonta iyo waliba sida loogu baahan yahay in wacyi gelin badan loo sameeyo bulshadda afka soomaaliga ku hadasha ee qurbaha ku nool.


Barnaamijka oo ahaa mid si heersare ah loo soo agaasimay, ayaa haddana lagu soo dhawee yay Gunilla Lundgren oo ka socotay ururka qorayaasha buugaagta carruurta ee waddanka Sweden. Gunilla oo ah qoraayad ruug cadaa ah, muddo ka badan 40 sannadoodna ka soo shaqaynaysay maktabadaha ku yaala xaafadaha ay u badan yihiin dadka ajaanibka ahi, gaar ahaan soomaalidu ayaa aad ugu dheeraatay mihiimada afka iyo waliba sida loogu baahan yahay dhiiri gelinta erayga dhigan. Gunilla ayaa madasha ku soo bandhigtay buugaag carruureed tiro badan oo ay qortay. Taasi oo ay aad ula dhaceen dadweynuhu. Halkaas uun lagagama hadhin buug carruureedkiiye, Ulf Nilsson oo ah qoraa ruug cadaaya, qorayna buugaag carruureed tiro badan, ayaa hadalkii la wareegay. Ulf waxa uu aad ugu dheeraaday mihiimada qoraalka iyo waliba sida ay waajibka u tahay in xil layska saaro sidii buugaag tayo leh loogu qori lahaa carruurta. Ulf waxa uu madasha ku soo bandhigay buugaag carruureed tiro badan oo uu isagu qoray. Dhanka kale waxa uu Ulf aad u amaan weyn u soo jeediyay naadiga akhriska Stockholm, oo uu sheegay inay qabteen hawl aad u weyn oo bulshada waxtar u leh.


Barnaamijka oo laba qaybood ahaa, kuna kala baxayay laba af. Waa afka soomaaliga iyo ka iswiidhiskee, ayaa intii aanay dhamaan qaybtii koowaad ee af iswiidhiska ku baxaysay, waxaa madashii lagu soo bandhigay riwaayad aad u xiiso badan oo la magac baxday: Dambi ma leh carruurtuye, daryeel wacan baysan helin. Riwaayaddan oo uu sameeyay qoraa Muse Dalmar, ayaa waxa ay raad weyn ku reebtay dad weynihii munaasibada ka soo qayb galay. Riwaayadda oo socotay muddo 45 daqiiqadood ah ayaa dadweynihii madasha fadhiyay aanay mar qudha sacab iyo qosol kala goyn. Riwaayaddaasi oo ka hadlaysa waayaha qoyska soomaaliyeed ee qurbaha, ayaa noqotay mid soo af meertay qaybtii koowaad ee barnaamijka ee ku baxayay afka iswiidhiska. Waxaana la galay 15 daqiiqo nasasho ah.


Hadda uun baa la galay ubucdii barnaamijkee, waxa la soo gaadhay wakhtigii madasha lagu soo dhawayn lahaa abwaanka weyn ee Mustafe Sh Cilmi. Intii aanu codbaahiyaha la wareegin abwaanku, ayaa waxa taariikh nololeed yar oo kooban oo abwaanka ku saabsan madasha ka soo jeediyay guddoomiyaha ururka qoraaga Somaliland, Sayid M. Yuusuf. Intaas kadibna wax aa hadalkii la wareegay abwaan Mustafe. Abwaanka oo suugaantiisa dad badani xiiseeyaan, ayaa markaliya sacab iyo farxad lagu soo dhaweeyay. Abwaanka oo Ilaahay hibo u siiyay ka qoslinta dadka ayaa madasha ka soo jeediyay gabayo iyo sheekooyin murtiyeed ka hadlaya duruufaha nololeed ee maanta ay ku sugan yihiin bulshada afka soomaaliga ku hadashaa. Mustafe oo hadalkiisu isugu jiray wax sheegmo, hogo-tusaalayn, canaan, waano iyo waliba madadaalo ayaa dareenkoodii kiciyay dhamaan dadweynihii madasha isugu yimid. Abwaanka oo aanay fari ka qodnayn suugaantiisa xiisa badan ayaa qaatay qadar nasasho ah, isagoo raacayay nidaamkii barnaamijka u yaalay oo ahaa inuu laba jeer oo kala duwan madasha soo galo.



Haddaba murtida abwaan Mustafe oo dad badani xiisaynayeen, ayaa dhextaal looga dhigay hadalo qiimo badan oo ay soo jeediyeen aqoonyahano iyo qoraayo kale oo soomaali ahi. Waxaana ugu horayn hadalkii la wareegay Yuusuf X. Xassan oo ka socday ururka dhaqanka iyo qoraaga soomaalida. Yuusuf oo isagu maalintaa ku qornaa soo jeedinta suugaanta carruureedka soomaalida, ayaa madasha ka soo jeediyay heeso carruureed aad looga helay, oo badiba dadkii madasha fadhiyay aad ugu qosleen. Dhanka kalena Qoraaga Maxamed Xirsi ayaa madasha ka soo jeediyay cashar kooban oo ku saabsan erayga suugaan. Maxamed waxa uu sharaxaad badan ka bixiyay micnaha eraygaasi iyo waliba waxa uu ku noqonayo afka iswii dhiska. Intaas kadib waxa madasha lagu soo dhaweeyay Sayid M. Yuusuf oo ah guddoomiy aha ururka qoraaga Somaliland. Sayid oo soo diyaariyay taariikh kooban oo ku saabsan qo ra alka afka soomaaliga, ayaa si xarago leh u bal balaadhiyay. Isagoo ku dheeraaday halgankii loo soo maray in afka soomaaliga la qoro.



Fari kama qodnee, abwaan Mustafe oo nasasho kooban soo qaatay ayaa barnaamijkii ku soo noqday. Abwaanka oo ay aad u xiisaynayeen dadweynuhu ayaa mar labaad sacab weyn lagu soo dhaweeyay. Mustafe oo Rabi hibo u siiyay aftahanimo ayaa madasha ka soo jeediyay sheekooyin suugaaneed iyo gabayo kale oo aad loola dhacay, waxa aanay dadkii kala goyn waayeen sacab iyo qosol.

Gabogabadii barnaamijka ayaa lagu soo gunaanaday su’aalo ay dadweynuhu waydiinayeen abwaanka.



Barnaamijkan oo socday wakhti ku dhowr shan saacadood ayaa ahaa mid xiiso badan wakhti ga sidaa u dheerna aanay dareemin dadweynihii ka soo qayb galayo. Barnaamijka ayaa ku dhamaaday jawi farxadeed, waxa aanay dadweynihii ka soo qayb galay aad uga mabsuudeen qaban qaabadii heerka saraysay ee naadiga akhriska Stockholm.









Naadiga Akhriska Stockholm

Email: sreadersclub@gmail.com

www.hiddodhowr.com