Ururka Samafalka ee GARDO oo Dawo iyo Qalab Caafimaad Gaadhsiiyay
MCH-ka Geed-Balaadh.
Geed-Balaadh (TNN):- Gudoomiyaha
Gudida Horumarinta Gobolka Gabiley isla markaana ah wakiil ka G ARDO
ee gobolka Gabiley Maxamuud Yuusuf Xaaji Cabdi iyo Ismaaciil Cali
Sareeye oo ka mid ah xubn aha ururka Samafalka GARDO ee dalka
Ingiriiska ayaa maanta qalab Caafimaad iyo dawo ay ugusoo deeqeen
ururka Samafalka ee GARDO soo gaadhsiiyay isla markaana ku
wareejiyay MCH-ka magaal ada Geed-Balaadh ee ka tirsan gobolka
Gabiley.
Munaasibada lagu wareejinayay Deeqda qalabka Caafimaad ee ururka
GARDO ugusoo deeqeen ayaa waxaa kale oo kasoo qayb Galay, Agaasimaha
Maamulka iyo Lacagta ee GARDO Mukhtaar Maxamed Shiil (Gaboose),
Gudoomiye Ku Xigeenka Degmada Geed-Balaadh Cabdi Qalinle Diiriye,
Madaxa caafim aadka Dagmada Geed-balaadh Kamaal Dhamal Xasan,
Xoghayaha D/HOOSE ee dagmada Geed-balaa dh Maxamed Muuse Shiil, Muna
Maxamed Muuse oo ah umuliso dhaqameed tababaran, Aagaasimaha Dhulka
ee dagmada Geed-balaadh Ismaaciil Axmed iyo marti sharaf kale oo
tiro badan.
Gudoomiyaha Gudida Horumarinta Gobolka Gabiley Maxamud Yuusuf Xaaji
Cabdi ayaa faahfaahin ka bixiyay qalabka Ururka GARDO ugu deeqeen
Xanaanada Degmada Geed-Balaadh, waxaanu sheegay in qalabku iskugu
jiro labo qaybood oo kala ah: Boqol iyo Konton (150-Kits) qalabka
loo adeegsado umulinta hooyooyinka iyo Boqol iyo Konton Dawooyinka
loo isticmaalo dhiig-joojinta.
Maxamuud Yuusuf waxaa kale oo uu Kasoo qaybgalayaasha uga waramay
Ururka GARDO isagoo tilm aamay qaybaha ay doonayaan inay wax kala
qabtaan MCH-ka Geed-Balaadh, waxaanu yidhi
“Waa urur samafala oo ay smeeyeen dad inaga inalamida oo u dhashay
Gobolka Gabiley, taasi oo ay wax soo ururiyaan oo kolba jeebkooda ay
wax ka soo ururiyaan, Maadama ayna lacag badan hayn in. Waxaan
doonaynaa bal inay wax ka qabato qaybta umulisada oo ah qaybta
kaliya ee ugu daran, taasoo khatar ku jirta oo aanay jirin wax
qamcaha loo xidho marka qof dumara laga umulnaayo, ta asi oo ay ku
isticmaalaan dadka qaar baco qaar kalena ay ku ula tagaan Gamcahooga.
Qalabkani Sa ddex nololood ayay mustaqbalkoodii yihiin, oo ay ka mid
tahay Ilmaha yar, hooyada, Iyo umulisadii. Seddexdoodiiba khatarbay
utahay illahay uunbaa badbaadiya ee meel ay nololi taal maaha. Marka
asi waxaan is nidhi boqol iyo konton hooyo iyo boqol iyo konton
ilmood iyo boqol iyo konton umuliso aad horta bad baadisaan”
Ismaaciil Cali Sareeye oo ka mid ah xubnaha ururka Samafalka GARDO
ee dalka Ingiriiska ayaa isag una ka hadlay muhiimada caafimaadku u
leeyahay bani,aadamka, isagoo sidoo kalena ka waramnay taariikhdii
sooyaalka ahayd ee ururkaasi sidoo kalena balanqaaday inay marwalba
diyaar u yihiin inay gobolka wax ka taraan meelaha ay yaalaan
baahiyaha aasaasiga ah.
Ismaaciil Cali Sareeye Waxaa kale oo uu sheegay in ururkoodu yahay
mid u taagan wax ka qabasha da xaaladaha caafimaad iyo sidii loo
horumarin lahaa Gobolka adeegyadiisa Caafimaad iyo waxbara sho
isagoo sheegay in tani ay tahay markii ugu horreysay oo ay deeq
qalab caafimaad ah soo gaar siiyaan MCH-ka Geed-Balaadh.
Gudoomiye ku xigeenka Dagmada Geed-Balaadh Cabdi Qalinle Diiriye oo
munaasibadaasi ka hadlay a yaa ka xogwaramay baahiyaha haysta
Dagmada Geed-balaadh isagoo sheegay inay dagmadu u ba ahan tahay wax
yaabo faro badan, isaga oo arimahaasi ka hadlayana waxa uu yidhi."
Maamul ahaan anagu wixii awoodayada ah waanu qabanaa lakiin Damadu
wax yaabo badan ayay u baahan tahay. Dagmadu Malaha cibitaal iyo
goobo wax barasho. Waxaa Degmada ka dhisan Saddex Galaas oo la dhi
say 1969kii oo ay dawladihii hore dhiseen ayaa dhisan, ardaydiina
aad ayay u faro badatay. malaha musqulo, cisbitaal malaha, Umuliso
malaha, Saldhig bilays malaha, Dawlad hoose malaha. Ceelashu biyuhu
way nagu xun yihiin oo ina loo qodo ayaanu u baahanahay. Markaasi
waxaan qurbajoogta iyo Uururka GARDO-ba ka codsanaynaa inay wax
nagala qabtaan baahiyaha aasaasiga ah ee haysta Dagmada Geed-Balaadh
:" sidaa waxa yidhi Gudoomiye Ku xigeenka Dagmada Geed-balaadh
Gudoomiye Ku Xigeenku waxaa kale oo halkaasi uga mahad celiyay
ururka samafalka ee GARDO isag oo sheegay inay qalabkani u
baahnaayeen wax badana ka tari doonto baahiyii ka haystay dhinaca
caafimaadka gaar ahaan ka umulinta hooyooyinka, Ilaahayna uga baryay
inuu maalkooda, camalkoo da iyo caqligoodaba u barakeeyo dadkii
kasoo qayb qaatay deeqdaasi.
Ugu danbayntiina Xoghayaha Degmada Geed-Balaadh, Madaxa Caafimaadka
Degmadaasi Geed-Bal aadh, Umulisada MCH-ka Degmadaasi ayaa
gabogabadii xafladaasi dhamaantood si wada jir ah uga gudoomay
deeqda qalabka caafimaad ee ay soo gaadhsiiyeen Gudoomiyaha Gudida
Horumarinta Gobolka Gabiley iyo Xubnaha kale ee ka socday ururka
GARDO.
Deeqdan qalabka caafimaad ee ay soo gaadhsiiyeen MCH-ka degmada
Geed-Balaadh ayaa noqonaysa tii ugu horaysay ee ururka GARDO soo
gaadhsiiyaan, iyagoo hore uga qayb qaadan jiray dhamaan Cusbitaalada
Degmooyinka Gobolka sidoo kalena soo ururiyay dhaqaalaha ugu badan
ee lagu dhisay Cusbitaalka Guud ee Gabiley.
C/risaaq Axmed Hayaan (ilkacase)
Timacade News Desk
Geed-Balaadh Somaliland
ilkacasenews@hotmail.com
|