UDUB Miya Laga Waayay Waayeel Runta Sheega

Dalkeena Jamhuuriyada Soamaliland Waxaa lagu tirayaa dalalka dimuqraadiga ah ee nidaamka xisbiyada badan ku dhaqma. Dalka waxaa ka jira sedex xisbi oo siday u kala hor aasaasmeen kala ah xisbiga UDUB oo ugu da¢ wayn oo u aasaasay 2001 ILLAAHAY naxariistee madaxweynihii hore marxum Maxamed Ibrahim Cigaal, xisbiga UCID oo isna 2001 la aasaasay iyo xisbiga KULMIYE oo ugu wada a¢ yara xisbiyada oo dhan lana aasaasay May 2002.


Sedex xisbi siyaasi ee dalka ka jira hadaba laba ka mid ah oo ah KULMIYE iyo UCID ayaa ka soo gudbay caqabada manta hortaal xisbiga UDUB ee ah shirweynaha mudo dhaafaka ah. Xisbi kasta waxaa u yaal shuruuc iyo xeer hoosaad ay kala baxaan oo ka dhigan distoorka xisbiga ee kala saaraya muranka iyo markay xaalado cakiranto ee ay mugdi mugdi gasho.

Waxaa xisbigii UDUB hogaankiisii noqday anigaa wax walba ah kadib markii madaxweyne Riyaale uu magacaabay raxan wasiiradiisii ah inay noqdaan gudida qabanqaabada shirweynaha UDUB ee uu waliba madaxweyne ku xigeenkiisiina uu gudidaas gudoomiye uga dhigay inuu ka noqdo ! hadaynan is yeelyeelayn ilmaha afar jirka ah ayaa khiyaamada intaa le¢eg fahmi kara. Taas waxaa Daahir Riyaale Kaahin uga hawl yarayd war ordoo isoo magacaaba aniga iyo Axmed Yusuf Yaasin waxaan se meesha qaban hoosaasinta iyo waayeel habaabinta jarta la isu wada dagayo. Horta la yaabi mayo wasiirada la magacaabay ee mid kastaa ka baqayo in mansabkiisa uu waayo haduu runta sheego, bal aragnay mid baqay iyo mid wax ku maqanyihiin oo wax cunaye miyaa la waayay mid isagu dhexdhexaad ah oo waar heedhe ka daaya yidhaahda. Waxaa xaqiiq ah oo run ah in UDUB raga Daahir Riyaale iska barbarsharaxay mahee dad runta ka hadlay oo kale aan wali xisbiga laga maqal.


Daahir Riyaale waxaad mooda inuu dalkan ku qabsaday inqlaab milatari, wuxuu kaga bilaabay markii uu ururka Qaran iska hortaagay xaqoodii distooriga ahaa ee u fusaxaya inuu yeeshaan urur siyaasadeed oo uu waliba niman siyaasiyiin ah oo aan hubaysnayn xoog iyo muquunin intuu ku soo qab qabtay jeelka Mandheera mudo dheer ku hayay. Maanta oo xisbiga UDUB dhexdeeda ay xalaal tahay in lagu dhex tartamo ayay noqotay in ergooyinkii shirweynaha lagu soo xulo isna sidii guulwadayaadsha xisbigii kacaanka. Daahir muuxu Cabddilahi Xuseen Iimaan (Deereewal) uu uga baqayaa haduu kalsooni naftiisa ku qabo? Maxaa xildhibaanada UDUB ee golha wakiilada qaar ka mid ah looga saaray golihii dhexe ee xisbiga? Maxaa loo xagxaganayaa Alxaji Saleebaan Maxamud Adan gudoomiyenimada golha guurtida? Maxaa ragii UDUB aasaasayna dibada loo dhigay ergooyinah shaqaalihii dawladana gobalada iyo degmooyinka looga soo ururinayaa?


Xisbi , magaciisii waxaa dilay Daahir Rayaale Kaahin iyo wasiiradiisa aan xaqa iyo xaqdarada kala aqoon ee macnaha iyo xishmada dimuqraadiyadu leedahay ku badalanaya mansab bariba aanay ku waari doonin. Tartanku waa xalaal in la tartamaa xisbi dhexdii haduu yahay iyo haduu yahay xisbi mucaarad ahba. Siyaasada Somalilandna waxay sharaf ku leedahay marka si dimuqraadi ah loo tartamo. UDUBTA Daahir Riyaale se siyaasadii waxay ka dhigatay in la dagaalamayo, in la kala tagayo, inaan dib la isu arkayn. Waar nin yidhi waan tartamayaa wax muu dhimine UDUBTII Riyaale mid dhiirada oo runta iyo xaqaba sheega ma laga waayay. Mid runta ka sheega caqliyada odhanaysa anigaa ka gudoomiye ah, anigaa gudididii qabanqaabada ah, anigaa kii aan lala tartamayn ah, anigaa kii wax dooranayay ah, anigaa kii la dooranayay ah, anigaa kii tirinayay ah, anigaa kii ku dhawaaqayay ah. Hadii hadaba UDUBTA Riyaale ee guulwadayaasha ah laga waayay nin intaa sheega waxaa xaqiiq noqon doonta in shirweyne xalaal ah oo lagu tartamo shuruucda iyo xeerarka xisbigana waafaqsan la qaban karo.










Maxamud Lafcanbe
Toronto , Canada