UCID iyo Wadani wa in ay noqdan laba xisbi oo mucaarid ah oo meel
kaso wada jeeda haddii kale xaalkeenu wa Bariga dhex oo maalin ba
mid ba lagu guuri doona
Waxan maanta qalinka iyo waraqadan isku dul dhigay in an bal inaan
aragtideyda ka dhiibto khilaafka labad xisbi mucaarid iyo labadooda
gudoomiye oo an u arkey kuwo laga faa'iisan karo haddii ay ku si
jiraan marxaladaasi maanta ay ku sugan yihiin ee ah khilaafka
ragaadiyay mucaaridadii loo baahana ee xakameyn laheyd dawlada iyo
xusbul xaakimka kulmiye.
Runtii intii la cilaamiyay sadexda xisbi qaran ee doorashooyinkii
golayaasah dagaanka kuso baxay wuxu shacabkii dareensan yahay ama
shaki iyo mugdi kaga jira xisbiyada so baxay ee UCID iyo Wadani oo
khilaafkoodu wali sii socdo iyagoo ah labada xisbi oo mucaarid aha
islamarkan uu shacabku usoo doortey si loo helo mucaarid mideysan o
xisbul xaakimka la xisaabtama..
Shacabka iyo qofwalo o dareen somalilandnimo ku jiraaba waxay rajo
xumo ku tilmaamayaan ama ka qaban labada xisbi qaran ee mucaaridka
ah o an aheyn kuwo mucaaridadoodu noqon doonto mustaqbalka mid midho
dhal ah oo shacabka u adeegi karta mustaqbalka.
Waxay runtii shacabku calool xumo iyo mas'uuliyad daro ku
tilmaamayan markaad xanta hoose hoos ugu si dhaadhacdo wada shaqeyn
la'aanta labada gudoomiye xisbiyad mucaaridka ah Faysal iyo
Abdiraxman, oo runti mudo ba an isku sanbanaaneyn oo u wali jiro
khilaafkii xisbiga UCID ka dhex dilaacey ee mudada socday islamarkan
wali ay ku kala qeybsan yihiin ila haddan an xal rasmiya laga
gaadhin iso soo jeedka madaxda ama labada gudoomiye xisbi, ila
haddan ma jirto ergo dhexdhexaandin ah oo dhexgashey khilaafka
labada masuul oo runta u kala sheegtey iyo mas'uuliyada saran iyo in
ay ku qasban yihiin in ay wada shaqeyn yeeshan maadaama ay yihiin
laba xisbi siyaasi oo mucaarid ah.. sowtii LA ODHAN JIREY SIYAASADU
MA LAHA SAAXIIB JOOGTA AH EE DAN JOOGTA AH BEY LEEDAHAY.. MAANTA WAA
IN AD DANTA LABAD XISBI EE MUCAARIDKA AH AD HOOS U EEGTAN IYO DANTA
SHACABKIINA IDIN SO DOORTEY.. EE MUCAARIDKA AH..
Khilaafkaasi labada mas'uul runtii wuxu dib udhac ku tahay wada
shaqeynta labada xisbi ee mucaaridka ah madaxdooda, khilaafkaasi
wuxu faa'iido uuleeyahay xisbul xaakimka oo doonaya inu labada xisbi
qaran e mucaaridka marwalba isku dhufto iyaga o jahawareer iyo
kalsooni la'aan dhex dhigo, maalin ba wuxu doonaya inu awrkiisa ku
kicsto xisbiga u rabo kuna guuro.
Si taasi looga hortago waxan odhan laha labada xisbi qaran ee UCID
iyo Wadani madaxdooda sare e an iyagu khilaafka iyo muranku hore uso
dhexmarin e doonaya in mucaaridada mideysan laga yeesho xisbul
xaakimku ay isku yimaadan oo ay fududeyaan sidii labada xisbi wada
shaqeyn iyo iskaashi u lahaan layeen.. haddii midba midka kale
ilgaar ah ku eego waxa lumeysa mucaaridadii iyo hawlihii labadan
xisbi loo igmaday ama loo doortey..
Waxan leeyahay madaxda labada xisbi qaran ee UCID iyo Wadani wa in
laga gudba jarjarandan ina hortaala o la noqda laba xisbi oo
mucaarid ah o aragtidoodu mideysan tahay haddii kale xaaladeenu wa
BARIGA DHEX IYO KULMIYE OO MAALIN BA MID KU GUURA.
Wa aragtideyda ee maaha mid cid kale ila qabto ama ila wadaagto
waxan odhan laha wa in laba gudi o labad xisbi qaran ee UCID iyo
Wadani isku yimaadan oo ay ka wada tashadan sidii ay wada shaqeyn
iyo mucaaridada mideysan u yeelan laheyn.. ila taasi la helo
mucaaridadi ma jirto xusbul xaakimkan lama xakameyn karo..shacabkuna
wuxu u baahan yahay mucaarid mideysan o isku aragtiya.. looma baahan
mucaarid iyagu isku muuqda oo si gaar ah isku eegaya iyagu..Wa in
xal loo hela khilaafka labada gudoomiye xisbi ee Wadani iyo UCID, si
ay mucaaridadu isula jaan qaado oo meel looga so wada jeedo hawsha
qaranka.
Maanta Xaalada wadanku meesha ay mareyso wa mid qofwal o waxgaradihi
ba maanta og yahay.. wa xaalad u baahan dawlad iyo mucaaridba meel
looga so wada jeedo oo qaranimadeen aynu difaaco, oo dhibaatooyinka
jira aynu damina oo aynu caqli saliim ah la nimaadna.
Wa bilaahi tawfiq
Omar Darood Hassan
Norway
|