Todobadii Xubnood ee Cusbaa ee Komishanka Doo ra shooyinka Qaran oo Maanta loo Dhaariyay Xilkii

 

Hargeysa (Longlivesomaliland News) Komishanka Cusub ee Doorashooyinka  Qaran ka Somaliland ayaa Maanta si Rasmi ah loogu dhaariyay Xarunta Madaxtooyada  S omaliland.

Dhaartan ayaa waxa ka soo qayb galay Labada Guddoomiye Xisbi Mucaarid ee  Kul miye iyo Ucid, Axmed Maxamed Siilaanyo iyo Faysal Cali Waraabe.

Guddoomiyaha Maxkamadda Sare Maxamed Xirsi Oomane oo dhaarinaya Todobada Xubnoodba ayaa dhammaantoodba ku dhaariyay

inay daacad u noqonayaan Dadkooda, Dalkooda iyo Diintoodaba oo ku Ummada ku dhaqayaan Cadaalad iyo Sinnaan

Madaweynaha Somaliland Daahir Rayaale Kaahin oo halkaasi hadal kooban ka  jeedi yay ayaa sheegay in Komishanka cusub ay Xukuumad ahaan siinayaan Kalsooni  bu uxda “ shaqo weynbaa halkaa idiin taala, kalsooni baanu idin siinaynaaye shaqada halkaa idiin taala wada shaqayn wadareedbaad kaga baxaysaan. waxaan idinkula dardaarmayaa wada-jir inaad ku shaqaysaan, anaguna ducaanu idiinku daraynaa inuu Illaahay hawshaa idin hortaala idiin fududeeyo.”

Waxa isaguna halkaasi hadal ka jeediyay Guddoomiyaha Xisbiga Mucaaridka ah ee Kulmiye Axmed Maxamed Siilaanyo “ maanta waynu ognahayoo dadku dareemo  far abadan buu qabaa, dareemo farabadanbaa imankara waayo waxbaa la soo maray, baqdin badanbaa jirta, walwal badanbaa jira, hawshaa wada-jirkiina iyo  daacadnim adiina iyo dhaartaa aad maanta marteen iyo idinkoo shaqeeya, xilka la idinka  suga yaana mid fudud maahee waa mid aad iyo aad u farabadan weeyi. illaahayna  waxa anu ka baryaynaa inaanaan faraglin badan idinku samaynin. Dabcan waxaanu  jece lahay siday marwalba tahay fadaanu Murashaxiintii nahay aad u xaqsoorayseen in si siman oo cadaalad ah oo aanaan idinla kala fiqin anaan yeelan, ee aad hawshaa si wacan uga soo bixi doontaan, waananu idinla shaqaynaynaa”

Sidoo kale, waxa isaguna hadal aan badnayn oo isugu jira tusaale, duco iyo dhiiri  g alinba iskugu jira halkaasi ka jeediyay Guddoomiyaha Xisbiga UCID, Faysal Cali  War aabe, “ illaahay waa inuu hawshaa idiin sahlaa oo xilka idinku asturaa. Ta labaad  w axa weeyi arrinta la idiin dhiibay waxa weeyi arrin wadankeenu u xayiran yahay  ta aasoo ah I doorasho wanaagsani inoo dhacdo. Doorashadii dib bay inooga dhacday waxaan filayaa inaad halkaa ka wadi doontaan oo aad doorasho wanaagsan inoo samaysaan. Ta kale waxa weeyi waxa ilaa imika la eegayaa waxaad ku bilowdaan bilowgiina taasoo ah sidaad wax u doorataan. Hadaad maanta aad madax fiican oo ah yaa ina wadi kara oo yaa inoogu qalma yaa ka soo bixi kara isku hayn kara dalka gudihiisa iyo dadka dibadaba aad wax ku doorataan waynu ka baxaynaa hawsha, laakiin hadaad tidhaahdaan ana waan geyaa, ana waan geyaa oo yaa wadi kara  me esha aydaan ka dhigan tartan baa idinka dhaxayn doona ka ku soo baxana  ha dhawto lala shaqayn maayo laakiin waa inay noqotaa waxaad isku hanayseen oo aad tidhaahdaan waar hebel baa halkaa inoogu haboon”


Dhaartan Xubnaha cusub ayaa timid markii Komishankii hore ay xilkoodii iska casileen, kolkii ay ku fashilmeen in ay ka soo baxaan waajibaadkii Qaran gaar ahaan in ay Dalka ka qabtaan Doorashada Madaxtinimadda oo khilaaf wayn Dalka ka abuurtay.

Dastuurka iyo Shuruucda Dalka u taala ayaanay midkoodna dhigaynin in lagu dhaariyo Qasriga Madaxtooyada.

Waa Markii labaad oo komishanka lagu dhaariyo Komishanka Doorashooyinka. Waxana imika ka horaysay in Komishankii hore ee Doorashooyinka lagu dhaariyo Madaxtooyada Somaliland.

Hawlaha hor yaala Komishanka Doorashooyinka ayaa waxa ugu muhiimsan in ay si dhaqso ah u soo saaraan Natiijadii Tirakoobkii Muwaadiniinta taasi oo ah wixii ugu waynaa oo ay ku fashilmeen Gudidii iyaga ka horaysay.

Tallaabada tan xigta ayaa noqonaysa in la cayimo waqtiga ugu haboon ee

In la qabanayo Doorashada Madaxtinimo ee Somaliland.




Mustafe Future
Longlivesomaliland News Reporter
Hargeysa Office
mccfuture@hotmail.com