TANINA WA DARXUMO KUU MAQNEYD DHEH-VII

DUUFAANADA SIYAASADEED EE SOMALILAND DULHOGANAYA


Labaatankii sannadood ee ka soo wareegtay xiligii kacdoonkii uu hormoodka ka aha Ururkii Dh aqdhaqaaqa Wadaniga Soomaalilyeed awood ciidan ku muquuniyeen xukumadda Afweyne Siya ad Barre iyo intii la halmaalaysey, ayaa bulshada caalamku waxay dhaqaale balaayiin doolar ah ku bixisey sidii nabad warta, kala dambeyn, sharciyada oo shaqaysa, iyo dowlad ummadda Soo maaliyeed heshiis ku tahay dalka uga hana qaadi lahayd. Markii arrintaasi noqotay bar ku ma taal iyo hal bacaad lagu lisay, ayaa hadda waxad mooda tu raadcadii hore ka liidata iyo toobiye khaldan hadana mar labaad in bulshadii caalamku toos u halabsatay, iyadoo farsamooyinkii hor e fashilaada u sababta ahaa aan waxba laga bedelin. Halka ay sartu ka qudhuntay haddan too loo abbaarin waxa suurto gal ah in aan xal waara loo helin qaska ka aloosan koonfurta Sooma aliya. Inta Ururka Qaramada Midoobay ku dhegganyahay wax lagu magacaabo "Midnimo Soom aaliyeed" oo dib u soo noolata, waxa hubaal ah in koonfurta Soomaaliya ahaan doonto qaran gebi ahaanba u fashilmay.


SHIRARKA 'DOWLAD GOBOLEEDYADA IYO FEDERAALKA KU-MEEL GAADHKA AH'

Lixdii sanadood ee u dambeeyey ayaa waxad cad in mar labaad hanti badan lagu luminayo wax lagu magacaabo "Dowlad Goboledyo" iyo "Dowlad Federaal Ku Meel Gaadh ah" ayaa hadba shir dib-u-sheshiined goob loogu qabanayaa. Waxa iska cad in ay Soomaaliyadii haliganta noqotay mashruuc maal-gelineed oon dhammaad lahayn. Xukuumadihi Somaliland ee tan maanta jirta ka horeeyey waxay meel mariyeen xeer xaarantinimaynaya ka qayb galka shirar dibu-heshiineed oo dalkii Soomaaliya la isku odhan jirey loo qabanayo. Hadda ka hor mey dhici jirin wakiilka Qaramada Midoobay u qaabilsan Soomaaliya in uu socdaal Somaliland ku yimaado isaga oo leh waxan idiin sidaa casuumad aad kaga qeyb geleysaan shir Soomaali dib loogu heshiisiinayo. Hal maalin ka dib markii Guddida Doorashooyinka Qaranku ku dhawaaqaday, ayaa marka keliya waxa dalalka mandiqadda Geeska Afrika ka curtay dhulgariir siyaasadeed oo aad moodaysey in wadamada qaarba ay si gooniya u taabanayey isbedelkii siyaasadeed ee Somaliland ka dhacay. Wadamo geed dheer iyo geed gaabanba u fuulay ka been abuurka xaqa ummada Somaliland, hase ahaate ku guul darraystay ayaa marlabaad harag shabeel soo gashaday; dar kale oo kuwaas la xulafo ahaan saaxaddii siyaasadaba way ka baxeen. Waxase labada nociyadoodba hortaagan: HA KARAAMO SEEGINA HABAAR LA IGU KARIWAAYE! Haddan ummaddada dalka lihi ka feejignaan arrimahan isasoo taraya, maalin dhow meel dheer ayaa laga raadcayn. Xukumadda dalka ka talisa waxa looga fadhiyaa wixii at ku ballan qaaday oy toos u fuliso; hadba shir Soomaaliweyn loo qabanayo ayaa dowlad goboleed laga qeyb geleyaa oo hadba meel la fahiisanaynaa wax la aqbali karo oo ummaddu u dul qaadan karto ma ah; wa yaa abaa maxaasinu ad dowlaha qayir al xaki!!!


XAGAY WAX KA KHALDANYIHIIN?


Su'aal ayaa ummaddii isweydiinaysa: Shalay iyo Maanta iyama aynu siyaasad huffan oo meel loo raadraaco leh dalka lagu dhaqayey? Waatan siyaasadii dalku mar keli ah jirjir cadka isu ro gtaye, xaggee loo socdaa? Afar iyo toban bilood ayaa laga joogaa xiligii xukuumadda cusubi talada dalka si rasmi ah ula wareegtay. Waxa keli ah ee dowladda maanta jirta laga dheehan karaa: WIXII SHALAY XAARAANTA AHAA OO XALAALOOBAY- XORIYADDII SAXAAFADDA OO HEERKII UGU HOOSEYEY MARAYSA; MAAMULADII GOBOLADA IYO DEGMOOYINKA OO DEGI LA'; SHIR BEELEEDYADYO IYO CALEEMO SAAR MADAX DHAQMEEDYO XUKUUMADDII FAR GELIN BA'AN KU HAYSO; WASAARADIHII IYO HA'ADIHII DOWLIGA AH OO WADA SHAQAYNTOODA GEBI AHAAN ISTAAGTAHY; MASU'UULIINTII QARANKA OO LABABA MEEL ISKU HAYSATO; FADEEXADO MUSUMAASUQ OO MAALIN KASTA WARBAAHINTA KU SOO BAXAYA; HANTIDII QARANKA EE MAGUURTADA AHAYD OO LA XARAASHAYO!! Hadday sidan ku sii socoto, wixii laga filaaba sow taladii dalka oo faraha ka baxday ma aha?

Sagaal iyo tobankii sannadood ee ka horeeyey 2010, Somaliland waxa ay ku socotay itijaah siy aasadeed oo gudo iyo dibedba yoolkiisu ahaa sidii looga midho dhalinxaqa Somaliland u leedah ay in ay bulshada caalamka ka mid noqdo maadaama ay dib ula soo noqotay madax bannaan ideedii (Sovereignty) 1960 soof daran habowday. Si la ma filaan ah ayaa mar keli ah ayaa maja ra habaabis qorsheysan dalkii iyo dadkiiba ku habsaday. Xagaynu u soconaa? Waxa iyana kaali ntoodii gabay labadii xisbi mucaarid iyo Golayaashii sharci dejinta oo wax meesha ka baxay cid dii iyo qaabkii xukuumaddan xadhkaha goostay la xisaabtamai lahayd


LA SOCO DARXUMADA VIII