Suldaanka
Guud Ee Beelaha S/Land Oo Ka Digay Ururo Siyaasade ed Oo La Furo
Inay Ku Soo Dhuuman Karaan Kooxo Xag-Jir Ah
“Bariga
Dhexe Waxa Ka Socda Waxa Wada Kooxo Xag-Jir Ah, Madaxweynaha Waxaan
Leeyahay Yaan Laguu Dhuumanin” Suldaan
Maxamed Suladaan C/Qaadir
Hargeysa, March 20, 2011 (TNN) - Suldaanka guud ee beelaha
Somaliland Suldaan Maxamed Suladaan C/q aadir ayaa madaxweyne
Siillaanyo uga digay inuu furo ururada Siyaasada oo uu sheegay inay
ku soo dhu uman doonaan kooxaha xag jirka ah iyo cadawga
Somaliland, uguna baaqay inuu dib uga noqdo, isagoo in taa ku
daray in xubinta guddida talo bixinta ururada kaga jirta Salaadiinta
aan lagala tashanin.
Suldaan Maxamed Suladaan C/qaadir waxa uu sidaasi ku sheegay mar uu
xalay khadka Telefoonka kula s oo xidhiidhay Wargeyska Haatuf,
isagoo sidoo kale kaga hadlay arrimo ku saabsan faro galinta
maamulka Majeerteeniya, xidhiidhka isaga iyo madaxweyne Siillaanyo
ka dhexeeya iyo xidhiidhka Somaliland iyo Djib outi.
Suldaanku oo ugu horayn ka hadlaya guddida talo bixinta ururada
Siyaasada ee madaxweyne Siillaanyo m agacaabay, waxa uu yidhi
“Guddida loo saaray ka soo talo bixinta ururada Siyaasada ee cidii
soo magaca waday-na ay iska arkeen, cida Salaadiinta kaga
jirta maaha cid Salaadiinta lagala tashaday oo ay talo ku lahaayeen,
waa Waxarihii yaryaraa ee Shalay dhashay waanan ka xumahay,
furitaanka ururada Siyaas ada ee Axsaabta badan ee guddidu
lafo gurayso waa lagu deg-degay, waxay ahayd in wada tashi faro
badan madaxweynuhu maalinba qaybo ummada ka tirsan wada tashi kala
yeesho, arimahan bariga dhexe ka socda waa Islaamiyiin Mutadarifa,
cida kacdoonadan samaynaysay, madaxweynaha waxaan leeyahay yaan
laguu dhuumanine Axsaab faro badan maanta dalka iyo dadku ma qaadi
karo, cida ururada aloosays aana saddexda xisbi qaran ee
Sharciga ah ha ku kala biiraan, haddii kale ururka ay samaystaan
Wadaado xisbiga ugu badan ayuu noqonayaa, dabeeto qalalaasaha Xamar
ka socda ayaynu dhexli doonaan, waxaan leeyahay Wadkaaga la iskuma
furfuro ayaan madaxweynaha iyo Xukuumadda uga digayaa, Wasiirka
Arri maha gudduhu-na waa Nin Xilka uu hayo hore u soo qabtay, haddii
ay beeshiisu dhaliilo u haysana waxaan kula talinayaa inay si
asturan u wada hadlaan, laakiinse Nin Xil Wasiirnimo Xukuumadda ka
haya, in Dhalii lihiisa Shacbiga la gaadhsiiyo ilama qurux
badna, sidaa darteed haddii aynu ururo isku furno waxaynu qar
ka u saaranahay xaalado khatar ah, waa in Xukuumaddu shantaa
sannadood ee la doortay ay ku adkays ato saddexdaa xisbi qaran
ee jira, haddii se 20 xisbi timaado reeraa look ala bixi oo tolaay
yaa reer Hebel aay ayaa dhici doonta oo qaranimada iyo
dawladnimada ayaa inagag burburi doonta, macquul-na maaha in ummada
reer Somalilan wakhtigan xaadirka ah ay haysato Meceeshad barar,
Dhaqale xumo iyo biyo la’a ani, halkii wax looga qaban lahaa
Sarifka iyo Meceeshada qaaliyowaday in ururo aan dani ugu jirin lagu
mashquuliyo, Gancsatada-na waxaan leeyahay waar ummadiina u
Naxriista, oo Meceeshada iyo Sarifka Dollarka is waafajiya”.
Suladaanku isagoo hadAlkiisa sii wata, waxa uu yidhi “Wasiirka
Maaliyada Maxamed Xaashi-na waxaan leeyahay markuu Mucaairdka
ahaa-na waa kii dhaqaalaha ka hadli jiraye waxaan leeyahay waa inuu
Xil iska saaro wax ka qabashada Meceeshada qaaliyowaday iyo Sarifka
Dollarka ee kala batay, Abaaraha iyo biyo la’aanta-na sidii
Mushaharka loo kordhiyay iyadana wax ka eega Cashuurta marka la
kordhiyo Kotarabaanka ayaa bata, marka hoos loo dhigana Dakhliga
ayaa kordha”.
Mar aanu weydiinay maadaama madaxweyne Siillaanyo xiligii ololaha
doorashada Madaxtooyada uu ku balan qaaday inuu furo doono ururada
iyo shakiga uu ka muujinayo inay ka soo bixi doonaan kooxo xag jir
ahi, waxa uu yidhi “Waxaan leeyaay madaxweynuhu Axsaabtaa tirada
badan maadaama uu muddo sided bilood ah Xilka hayay dib ha u dhigto
hana ka noqdo, ururo laga furo Somaliland waa lagu dhex arki karaa
Rag Afkaaro kale iska wata oo aamisan, in madaxweynaha loo qariyana
maaha, Ninka Faashka kugu goyn aya markaad u ogolaato urur,
bal xisbiga kaliya ee ka faro badan Islaamiyiinta ee soo bixi kara
waa kuma”.
Mar aanu weydiinay Suldaanka xidhiidhka ka dhexeeya isaga iyo
madaxweyne Siillaanyo, waxa uu yidhi “M adaxweynaha aad baanu
iskugu dhawnahay, anigu Kursiguun baan Saaxiib la ahay oo kolba
cidii ku fadhi da, taladaa-na Xaaji Cabdi Waraabe ayaa i
siiyay, barigii hore madaxweynayaasha waxbaan ka sheegi jir
ay, maanta se arin aan wax kaga sheego madaxweyne Siillaanyo iima
muuqato, markii hore Afkaarahaygu waxay iska ahaayeen xisbi Mucaarid
ah, laakiin balankayaga Salaadiintu waxa weeyaan inaanan xisbi
raa cin oo aan la odhan Suldaan Maxamed Kulmiye ama UDUB buu la
socdaa, sidaa darteed waxaan kula talin ayaa Axsaabtaa faraha badan
ee madaxweynuhu ku baaqay ha ka joogsado oo yaanay ku noqon Soma
liland dhabar jabin iyo Waddo halaq mareen ah, Balaayo Af la qabto
ayay leedahaye Dabo la qabto ma laha”
Mar aanu wediinay sida uu u arko Axsaabta Mucaaridka oo qaar ka mid
ahi madaxweynaha ay ku eedee yeen inay ku xeeran yihiin koox,
waxa uu yidhi “Madaxweyne Siillaanyo waa Siyaasigii ugu muddada
dhee raa ee SNM hogaaminayay, talo uu
dadka weydiiyo mooyee Nin wax loo sheegi karo oo Maskaxda wax ka
qabana maaha, sida Shakhsiyaadka qaar ay yidhaahdaan Maskaxduu wax
ka qabaana Maskaxda waxba kama qabo, Nin la isku xeeri karo-na maaha
waxaan leeyahay Aflagaadada madaxweynaha ha laga daayo, anigu wax
dhaliil ah uma hayo”.
La soco waraysiga qaybtiis labaad oo uu kaga hadli doono arrimo
xiiso leh oo ku saabsan Siyaasada arrimaha dibada, xidhiidhaka
Djibouti iyo arrimo kale.
Source:Haatuf
|