Shirkii Labadda dal Ee Somaliland iyo Somalia Oo caaw La Soo
Gabogabeeyay iyo Qodobada Lagu haeshiiyey
Markii
shirkii soo dhammaaday ayaa Safiirka Somaliland iyo Soomaaliya u
qaabilsan dalkaasi Tu rkigu ka akhriyay goobtii shirka, waxyaabha ay
labada ku heshiiyeen. Iyadoo ay dhinacyada ka fadhiyaan labada
Wasiir......
Hargeysa (TNN):- shirkii Wadahadalka ee dalka Turkiga uga socday
labada waddan ee Somaliland iyo Soomaaliya, ayaa goor dhaweyd lasoo
gaba gabeeyay. Shirkan oo Saddexdii maal mood ee ugu danbeeyay ka
socday dalkaasi Turkiga, wuxuu ahaa mid jawigiisu adkaa, isla
markaana dhawr jeer lagu siktay in lagu kala kaco, hasayeeshe
dawladda Turkigu ay si weyn uga odayeynaysay. Waxaanu waddan kasta
ajandihiisa ka soo dhigtay qodobo xasaasi ah.
Markii shirkii soo dhammaaday ayaa Safiirka Somaliland iyo
Soomaaliya u qaabilsan dalkaasi Turkigu ka akhriyay goobtii shirka,
waxyaabha ay labada ku heshiiyeen. Iyadoo ay dhinacyada ka fadhiyaan
labada Wasiir ee kala hoggaaminaayay labada wafti, kuwaas oo kala
ah, Wasiirka Wasaaradda Ganacsiga iyo maalgashiga somaliland DR
maxamed c/laahi cumar iyo Wasiirka Wasaaradda arrimaha gudaha
dalkaasi Soomaaliya, Cabdikariin Xuseen Guuleed.
Somaliland iyo Somaliya ayaa ku heshiiyey Saddex Qodob oo kala ah
1.In Hawada Sarre ee labada Wadan ee Somaliland iyo Somaliya dib
loogala soo noqdo Qaramada Midoobay oo Hargeysa laga maamulo loona
Saaro Guddi Farsamo oo hawshaasi Hargeysa ka Maamulaya Gudidaasina
waxa soo kala Xulaya labada Dal.
2.in Muddo 4Billod ah Dib shir loogu yeesho Dalka Turkiga
3.iyo in la sii waddo Wadahadalada.
Dhanka kale wax laysku mariwaayey 7 Qodob oo labada dhincaba
tanaasul ka diiday.
C/raxmaan Xaaji
Timacade News Desk
Hargeysa ,Somaliland
|