Go,aamadii ka soo Baxay Shirkii Ka Socday Magaalada Burco

Shir balaadhan oo ka dhacay magaala- madaxda Gobolka Togdheer ee Burco isugu yimi beelaha Habar-Yoonis iyo Beelaha Habarjeclo

oo ay hogaaminayaan Salaadiinta /Boqorada labada beelood ayaa maanta la soo gabagabeeyay, shirkaa oo ay kasoo qaybgaleen 200 oo ergay oo isug jira Cuqaal, Siyaasiyiin aqoonyahan culimo-Awdiin iyo waxgaradka bulshada shirkaas oo soconayay mudo labo maalmood ah, waxaa lagaga wada arinsaday arimaha nabadgelyada iyo duruufaha siyaasadeed ee cakiran, shirkaas oo ay gogashiisa fidiyeen beelaha habarjeclo.

Ujeedada Shirka

• Shirkan oo ujeedadiisu ahayd adkaynta nabadgelyada gobolka iyo kor u qaadida amaanka guud ee Somaliland.
• badbaadada jiritaanka qaranimada Somaliland iyo xal u helida arimaha siyaasadeed ee taagan.
• Xoojinta wax wada qabsiga labada beelood, xidhiidhinta iyo iskaashiga beelaha kale ee Somaliland.

Go’aamada shirka
Falanqayn iyo dood dheer kadib waxaa ergooyinka shirkani si buuxda isula qaateen go’aamadan soo socda:-

1. In labada beelood u wada noolaadaan si nabadgelyo iyo walaalnimo ah lana xaliyo arimaha taagan ee xasiloonida waxyeelikara, sida falkii Riyo-xidho ka dhacay.

2. In la-dhiirigeliyo wax wadaqabsiga bulshada iyo horumarinta adeegyada guud ee degaanada labada beelood.


3. Waxay labada beelood u arkaan natiijadii diwaangelinta codbixiyayaasha ee ay soo saareen Komishanka in si xun loo maamulay oo aan layla ogayn iyadoo ujeedo gaar ah laga leeyahay sidaa darted waxay isla garteen inaan la aqbalikarin hadii aan lasixin.

4. Waxay aragti-midaysan ka yeesheen labada beelood arimaha Siyaasada ee taagan :-

A) In doorashadii madaxtooyada wadanka laga qabto wakhtigii loo mudeeyay ee ahaa 29 march.

B) Waxay labada beelood u arkaan dib u dhigista doorashada ee soo noqnoqtay mid lagu majara-habaabinayo umada dalkana lagaga abuurayo khalkhal siyaasadeed siaa darteedna waxay kasoo horjeedaan wax mudo kordhin ah.

C) Hadii doorashadu ku qabsoomiwaydo inta kahoraysa 6th April, oo ah wakhtigii sharciga ahaa ee hore laysula qaatay waxay labada beelood soo jeedinayaan in Golayaasha sharcidejintu go’aan ka gaadhaan hogaaminta dalka iyo ciddii doorashada gaadhsiinlahayd, waxaanay labada beelood ugu baaqayaan beelaha kale ee Somaliland inay mawqif midaysan kayeeshaan.
5. Waxay labada beelood si wada jir-ah u magacaabeen gudi kashaqaysa danaha labda beelood, hirgelisana go’aamada shirka lagu gaadhay gudiga oo ka kooban 18 xubnood.
6. Gebagebadii shirka Sulaadiinta iyo ergada shirku waxay baaq nabadeed u direen degaanada shiqaaqadu dhexmartay ee ceelbardaale, Galgal iyo cagaarane waxaanay ilaahay u waydiinayaan in uu beerkooda burcad isu mariyo.
Magacyada Gudiga


1. Maxud Aadan Dheri   1. Cabdi Xuseen Dheere
2. Jaamac ganafcade    2. Cali Madoobe
3. Axmed Soodaani.      3. Yuusuf Boodh-isleged
4. Nuur Faarax Xirsi      4. Dr Aadan Mirre
5. Maxed Shukri.           5. Eng. Cali Siciid Raygal
6. Cali Ducaale              6. Yaasin Maxed Cabdi
7. Maxud Sandheere.   7. Cabdi Farjar
8. Maxud Cali Jaakuli.   8. Caaqil Xasan X. Cabdi
9. Cabdi Cali Dhaq.       9. Nuux Cismaan (N.Dheere)


Magacyada Sulaadiinta iyo Boqorada

1.Suldaan Cismaan Suldaan Cali----------------- 1. Suldaan Cabdilaahi Sul Cali

2.Suldaan Xasan Barre ----------------------- 2. Suldaan Maxud Guuleed

3. Suldaan C/raxmaan Qodax

4. Boqor Maxud Cali Carab

 5. Suldaan Carab Cabdi Cali
 

Source: TogdheerNews