Shirkaddii la siiyay Qandaraaska Kaadhadhka cusub ee codaynta oo Xogtii u qaadday Koonfur-Afrika

Hargeysa March 27th, 2010 (TNN)- Khubaro ka tirsan shirkad ajaanib ah oo qandaraas lagu siiyay daabacaada kaadhadhka cusub ee codbixiyeyaasha doorashada Somaliland, ayaa la sheegay inay xogta Diiwaangelinta u qaaday dalka Koonfur Afrika.

Inkastoo aanu jirin wax war ah oo rasmi ahaan ay arrintaa ka soosaareen Komishanka Doorashooyinka iyo Shirkaddu, haddana siday ilo-wareedyo lagu kalsoon yahay u  sheeg een Wargeyska Ogaal, waxa muddooyinkii u dambeeyay dalka ku sugnaa khubaro ka  tir san shirkaddaas oo lagu magacaabo Face Technologies Limited.

Afhayeenka Komishanka Doorashooyinka Qaranka Maxamed Axmed Xirsi (Geelleh) oo 9 bishan aynu ku jiro ee March warbaahinta kula hadlay Hargeysa, waxa uu sheegay in Qaadhaanbixiyeyaasha caalamiga ahi ay kaadhadhka lagu bedelayo kuwii hore ee  Diiwaa n gelinta qandaraas ku siiyeen shirkad lagu magacaabo Face Technologies oo laga  leeya hay dalka Koonfur Afrika.

Hase yeeshee, waxa la sheegay in khubaro shirkaddaa ka tirsani ay xog ka soo baxday mishiinka Server-ka ee dib u kala hufaya liiska codbixiyeyaasha doorashada oo  muddoo yinkii u dambeeyay lagu hawlanaa ay doraad u qaadeen dhinaca dalka Koonfur Afrika, si ay u soo daabacaan. “Weli hawshaa Serverka wax aan imika kaa odhan karayaa ma jirto – iska yara suga, inyar yara suga,” sidaa waxa yidhi guddoomiyaha Komishanka Ciise Yuusuf Maxamed oo xalay Wargeyska Ogaal wax ka waydiiyay waxa ka jira qaadista xogta diiwaangelinta iyo geedi-socodka hawsha Serverka.

Guddoomiyaha Komishanku waxa uu ka hadalka arrintaa isu dhaafiyay Afhayeenkooda, balse dhawr jeer oo aanu Afhayeenka la xidhiidhnay noomay suurtogelin in aanu helo, ka dib markii uu Telefoonkiisa gacanta qaban waayay.

Ma cadda sababta keentay in xogtaa la sheegay loo qaado dalka Koonfur Afrika, iyadoo aan weli Komishanku soo bandhigin natiijada ka soo baxday Server-ka dib u kala  shaand haynaya liiska codbixiyeyayaasha doorashooyinka Somaliland, kaasoo hawshiisa  qandar aas lagu siiyay shirkad la yidhaahdo ERIS oo saldhigeedu yahay dalka Ingiriiska.

Sidoo kale, ma cadda inta ay le’eg tahay xogtaa la sheegay in dibadda loo qaaday.

Shirkadda Face Technologies ee qandaraaska lagu siiyay daabacaada kaadhadhka cusub oo laga leeyahay dalka Koonfur Afrika, waxa la aasaasay 1993-kii, waxayna ka  shaqays aa samaynta kaadhadhka aqoonsiyada, kuwa diiwaangelinta iyo doorashooyinka, kaadh adh lacagaha bangiyada iyo samaynta liisamada gaadiidka.

Sida ku cad xog ay shirkaddu gelisay barteeda Internet-ka, sannadkii tegay ee 2009  wax ay ka soo shaqaysay dalalka Itoobiya, Malawi, Mozambique, Sri Lanka iyo Hindiya, kuwa asoo ay hawlo kala duwan ka fulisay.

Shirkaddu dalka Mozambique waxay u samaysay kaadhadhka diiwaangelinta  codbixiyeya asha, gaar ahaan nooca aqoonsiga wejiga iyo faraha, halka ay dalka Itoobiya u samaysay kaadhadhka diiwaangelinta nooca aqoonsiga farta (figure print).

Face Technologies limited, heshiiska qandaraaska lagu siiyay ee Somaliland waxa uu ku saabsan yahay daabacaada kaadhadhka cusub oo leh aqoonsiga farta iyo wejiga, taasoo ahayd qaabkii diiwaangelinta lagu galay. Hase yeeshee, shirkaddu boggeeda Internet-ka meelna kagamay xusin heshiiska iyo hawsha qandaraaska lagu siiyay ee ay kula jirto Somaliland.
 

Xigasho: Wargeyska Ogaal