Shirkada
Oomaar oo Raashin ugu deeqday Dadka danyarta
ee Burco
Shirkada Oomaar ee Gobolka Togdheer ayaa toban tan oo raashin ah ugu
deeqday maanta dadweynaha danyarta ah ee magaalada Burco.
Raashinkan oo isugu jira bariis, sonkor, daqiiq, baasto iyo saliid
ayaa shirkada Oomar waxay ku wareejisay Guddiga Wanaagfarista iyo
Xumaan Reebista ee Gobolka Togdheer si ay ugu qaybiyaan dadweynaha
danyarta iyo masaakiinta ee magaalada.
Maamulaha shirkada Oomaar ee Gobollada bariga Somaliland Mr.
Maxamuud Axmed Warsame oo goobjoog ka ahaa wareejinta ayaa sheegay
in ay raashinkan ugu deeqeen bisha Rabadaan ee barakaysan dadka
masaakiinta iyo danyarta ee burco, isla markaana aannu ku wareejinay
guddiga Wanaagfarista iyo Xumaan Reebista ee Burco kuwaasoo u
qaybindoona danyarta iyo dadka jilicsan Waxa uu Maamulaha Shirkada
ee Bariga Somaliland kula dardaarmay Gudigaa inay si caddaaladda oo
ugu qaybiyaan dadka danyarta ah oo u kala eegaan sida ay u kala sii
jilicsan yihiin.
“Waxaan idinku adkaynayaa in sida dadku u sii kala jilicsan yahay u
siisaan raashinka,” ayuu yidhi Sheekh Jaamac Aadan Xasan oo ka mid
culimada guddiga Wanaagfarista iyo Xumaan Reebista ee Gobolka
Togdheer, isla markaana waxa uu ballanqaaday inay raashinkan u
qaybin doonaan dadka jilicsan iyo bukaan jiifka Cisbitaalada Dimirka,
Tb-da, agoomaha, curyaamiinta iyo indhoolayaasha.
Shirkadda Oomaar Co isaga oo ganacsatada reer Somaliland u soo
jeediyay inay u gargaaraan dadkoo tabaalaysan ee danyarta ah, taas
oo deeqdan raashinka ay ay dhaqaale ahaan dhan tahay $8,230 dollar,
isla markaana ku soo beegan tahay xilli maceeshadu aad u sarreyso oo
dadweynaha danyarta ah dhibaato weyn ku haysa, iyadoo wax weyn u
tari doonta.
Waa sannadkii labaad ee Shirkada Oomaar.co deeq raashinkan oo kale
ah ugu deeqdo bulshada danyarta ee magaalada Burco.
Geesta kale, shirkadda Oomaar waxay taageero raashin ah ugu deeqday
cusbitaalada guud ee Hargeysa iyo ka Qaaxada, xarumaha agoomaha iyo
dadka reer miyiga ah ee abaaruhu haleeleen.
Maareeyaha guud ee shirkada Omaar Company Somaliland Mr. Maxamed
Cali Muxumed oo saxaafada u waramayey ayaa sheegay inay deeq cuno
iyo raashin kala duduwan ah gaadhsiiyeen Cusbitaalka guud ee
magaalada Hargeysa, cusbitaalka qaaxada, Xarunta agoomaha Hargeysa,
iyo dadka miyiga ee abaaruhu waxyeeleeyen.
Isaga oo rintaa ka hadlayana waxa u yidhi;"Shirkada Oomar
International Company ee Somaliland iyadoo gudaneysa waajibaadkeeda
islaanimo,iyo kan qaranba,waxey mar walba diyaar utahey iney
tagaabeyso meelaha dadka jilicsan iyo danyartu ubadan yihiin sida
Xarumaha Agoomaha Hargeysa iyo
Gabiley,Cusbitaalda,iskuulada,madaariska,iyo meelo kale oo badan
sida dadka baadiyah ee abaaruhu wayeeleeyeen,waxana aanu bixinaa
raashin badan sanadkii mar raashinkas oo isugu jira Bariis,
Sonkor,Daqiiq,Saliid iyo Caano kuwaas oo aanu meelah qaarkood
sijoogto usiino sida Xarumaha agoomaha Hargeysa Gabiley, Cusbitaalka
guud ee Magaalada Hargeysa,Cusbitaalka qaaxada Hargeysa,sidoo kalena
laamaha Shirkadu ku leedahey Magaalooyinka Berbera,Burco,Boorame,
iyo Magaaloyin kale oo badanba ayaa iyagana laga bixiyaa raashinkan
oo lasiiyaa meelaha baahiyaha waaweyni kajiraan,waana waajib diiniya
oo ilaahey ina farey inaan istaakuleyno,had iyo jeerna waxa muhiim
ah in meelaha ubaahan lasiiyo sida kuwaa aan soo xusey
Kayse Axmed Digaale
Kdigale@yahoo.com
Burco
|