Shirkada
Isgaadhsiinta Telefoonada ee Telesom ayaa
Tartan Aqooneed maanta u furtay qaar ka mid ah
Jaamacadaha Gaarka loo leeyahay
Hargeysa (Longlivesomaliland
News)-Tartankan oo socon doona muddo toban maa lmood ah Hutel
Hadhwanaag ayaa waxa ka qayb galaya qaar ka mid ah Ardayda wax ka
dhigata Jaamacadaha kala ah: Jaamacada Golis, Jaamacada Hope
Medical, Jaamacada Geeska, Jaamacada Admas iyo Jaamacada Niilayn.
Waxa jaamacad kasta uga qayb galaya seddex qof.
Tartankan oo ay shirkada Telesom
sannadkiiba hal mar qabato waxa maanta ka soo qayb galay, Sheekh
Aaden Xaaji Maxamuud Xiiray (Aaden Siiro), Sheekh Maxamed Cumar
Dirir, Guddoomiye ku xigeenka Jaamacada Hargeysa Mubaarik Ibraahim
Aar, Guddomiye ku Xigeenka Shirkada Telesom C/naasir Aaden Nuur,
Masuuliyiin kale oo ka tirsan Telesom, Madax ka socotay Midawga
Dallada Shirkadaha Isgaadhsiinta Dalka ee Saato, Masuulyiin ka
socotay Jaamacadaha tartanka ka qayb galay, Arday da tartamaysay iyo
marti sharaf kale.
Maareeye ku xigeenka Shirkada Telesom C/naasir Aaden Nuur oo hadal
ka jeediyay madasha ayaa ka waramay ahmiyada ay shirkadu u hayso kor
u qaadka Aqoonta Dhallin-yarada. Waxa uu xusay in Bulshadeenu ay
tahay mid aad uga aradan dhinaca Aqoonta gaar ahaan dhinaca
Isgaadhsiinta, qofka sita shahaado Isgaadhsiinta ahna aanay tartan
galin oo aanay imtixaamin baahida loo qabo awgeed. Waxaanu kula
dardaarmay in koox kastaaba ku dadaasho in ay iyadu noqoto hormoodka
tartanka oo ay ku guulasato kaalinta koowaad.
Ku xigeenka Madaxa Suuq gaynta
iyo xidhiidhka Dadwaynaha ee Shirkada Telesom, Cali Maxamed Saalax(
Cajab) oo halkaasi hadal ka jeediyay isla markaana faah faahin ka
bixiyay ujeedada ay shirkadu tartankan u qabatay ayaa sheegay in ay
ugu talo galeen in ay Dhallinyarada wax ka barata jaamacadaha Dalku
ay si cilmiyaysan isku dhex galaan una kala faa’idaystaan. Waxa uu
ka sheekeeyay qaabka ay ugu talo galeen in ay tartankan u qabtaan oo
uu tilmaamay in ay u qorsheeyeen in Jaamacad kasta ay uga qayb
galaan seddex qof. Waxa uu xusay in Maalinta bari ah uu tartan
ku si rasmi ah u furmi doono saacadu marka ay tahay 10-ka subaxnimo
oo uu socon doono muddo Hal saac ah. Waxa uu sheegay in Su’aal kasta
lagu muujin doono shaa s had wayn si ay ka soo qayb galayaashu
si wacan ugu arki karaan. “Waxaana lagu furi doonaa” ayuu yidhi, “
Jaamacadaha Niilayn iyo Hope Medical University” waxaanu ka codsaday
dhammaan jaamacadaha kalena in ay yimaadaan oo ay daawadaan.
Ku xigeenka Madaxa Suuq gaynta iyoXidhiidhka Dadwaynaha, Cali
Maxamed Saalax( Cajab) waxa uu xusay in ay shirkadoodu aad u
dhiirigaliso Aqoonta, imikana ay laca gta ka bixiyaan 10 Arday
oo wax ka barta Dugsiga Sare ee Boodhinka ah ee SOS, sidoo kale ay
Jaamacada Hargeysa ka bixiyaan10 Arday oo wax barta Kulliyada
Dar aasaadka Islaamiga ah. Sidoo kale, Mr.Cajab, waxa uu sheegay in
Ardaydii ka qalin jabisay maalintii dhawayd Jaamacada Hargeysa ay ku
jireen 28 Arday oo ka tirsan Shaqaalaha Shirkada guud ahaana 43 qof
oo shaqaale ahi ay jaamacada uga qallin jabiyeen.
Sheikh Aaden Xaaji Maxamuud (Aaden Siiro) oo ka mid ahaa
Masuuliyiintii Halkaasi ka hadlay isaga oo Mahadnaq balaadhan u soo
jeediyay shirkada Telesom xusayna ka alinta wax ku oolka ah ee
ay ka qaadato Horumarka Dalka. Sheekhu waxa uu xusay in ay Shirkadu
Tusaale Fiican u tahay Dawlada Wanaagsan ee ay Bulshadu maanka ku
hayso. Waxaanu Ilaahay uga baryay in uu u fududeeyo hawsha ay Ummada
u hay aan.
Sheekh Maxamed Sheekh Cumar Dirir Mufdiga Somaliland, oo isaguna
halkaasi ka hadlay ayaa si wayn u ammaanay kaalinta waxqabadka ah ee
ay shirkadu Ummada ugu jirto gaar ahaan dhinaca Adeega Telefoonada.
Waxa uu xusay in tartanku uu ka mid yahay waxyaabaha ay dadku isku
dhex galaan isla markaana la isku barto. Sheekh Dirir waxa uu u soo
jeediyay Masuuliyiinta Jaamacaduhu in ay Manhajka waxbarasho ku
daraan Cilmiga Diinta Islaamka qaybta Shareecadana la xoojiyo oo la
tayeeyo.
Guddoomiye ku xigeenka Jaamacada Hargeysa Mubaarak Ibraahim Aar,
ayaa mah ad naq balaadhan u soo jeediyay shirkada
Telesom. Waxaanu si gaar ah u ammaa nay shaqaalaha Telesom oo
iyaga oo hawlahoodii kale ay iska badan yihiin hadana wax barta ahna
Hormoodka Ardayda Jaamacada. Mr.Bubaarak, Waxa uu sheegay in
Shir kada Telesom mar walba jaamacada la garab taagan tahay hii iyo
Hooba wax kasta oo ay waydiistaana jaamacadu ay diyaar ula tahay.
Waxa uu xusay waxyaabaha ay jaamacada Hargeysi kaga duwan tahay
Jaamacadaha kale( ka sokaw in ay Hooyadii Jaamacadaha Dalka) in ay
awladu si toos ah u maamusho Jaamacada, M/wayne ku xigeenka
Somaliland Axmed Yuusuf Yaasin uu ka mid yahay Maamulka sare ee
Jaam acada.
Sidoo kale, waxa isaguna halkaasi hadal aan badnayn ka jeediyay
Gudoomiyaha Dal lada Midawga Shirkadaha isgaadhsiinta
Somaliland ee Saato Mr.Yuusuf oo si wayn u hambalyeeyay shirkada iyo
Ardaydii ka qayb galaysa tartan aqooneedkaba. Waxa uu sheegay in
shirkada Telesom ay kaalin wayn kaga jiro Horumarka Bulshada.
Ugu danbayntii waxa iyaguna madashaasi hadalo kala duwan ka jeediyay
Masuuliyiin ka kala socday Jaamacadaha ka qayb galaya tartanka oo
kala ah: Jaamacada IHU, Jaamacada Golis, Jaamacada Admas, Jaamacada
Niilayn iyo Jaamacada Hope.
Tartankan oo socon doona muddo toban maalmood ah muddada uu socdo
waxa ay ka soo qayb galayaashu ku tartami doonaan Aqoon Diineed, mid
Dhaqan iyo mid Ma adi ah. Waa tartankii labaad ee ay shirkadu
hirgaliso, waxana kan ka horeeyay kii Ramadaantii hore ay shirkadu
qabatay kaasi oo ay ku tartamayeen Arday ka kala socotay Shanta
Degmo ee ay ka kooban tahay Caasimada Hargeysa.
Talaabadan ay Shirkada Telesom qaaday ayaa noqonaysa tii ugu
horaysay ee ay shirkadaha isgaadhsiinta Wadanku ay sameeyaan,
waxaanay taasi dhiir-galinaysa Ardayda inta badan ku dadaasha sidii
ay Aqoontooda u kordhin lahaayeen oo aan helin wax dhiiri galin ah.
Mustafe Future
Longlivesomaliland News Desk
Hargeisa, Somaliland
|