Shirka qaran waa shifo, mudaharaadna waa sharka acuudu bilaahi, mina
shaydaani rajiim.
Hamud Duale
Xaa!!dhagaaaa!! Naw!! Jaw!! Mudaharaadaa!!!! yaa!!yaa!!.Miyir waxaad
ku weydaan ummad yahay, ma lihi baa dhaanta, codbixin iyo nabadaa
baa la cawaansanayaa.
Yaa lagu mudaaharaadayaa, yaase loo mudaaharaadayaa? Ma xaq la
aasaybaa loo mudaaharaadayaa, mise dulmi loo badhaaeedhayba, lagu
mudaharaadayaa? Ma xigta, ma xusbibaa, ma xildoon baa, mise waa
xasarad kale? Berina, kuwani hubka qaata, armay na yidhaahaadaan.
London ma geydo, in ay mudaahaaraad xasiloonida Somaliland wiiqa,
laga abaabulo. Shirka qaran, shifo ku afsaar mooyee, ma sheeko kale
ayaa taaley.
Garoo, Gara daa
Oo Garbac daa,
Adna Geeroo(Dawlada)
Isgun gumantiy
Gardaradaa, daa.
ALIF, ALIF, ALIF, ALIF, ALIF, bisinka iyo yaasiinka, taabaraga iyo
tiirka quraanka, cirka ma gaadhno eh, dhulkaan cuskaynay, shifto ma
geynee, xasilooni baanu ka doorbidnay. Allow sahal ammuuraha. Heer
mudaaharaado beelaysan, haddana caalamiye, oo London, laga abaabulo,
shaashadaha caalamiga ahna laga daawado, ummadu ma mudna, ma geydo,
gar ma aha oo xaq ma aha, waa xeelad. Weli xaajadu, halkaa ma
gaahdin. Waaryaan lagu degdegin. Ha la gaadho goorteeda, doorasho
iyo cod baan, lagu ciil baxayaa.
Anigu sedexda xusbi qaran, umma arko in ay aragti ahaan, isdarajo
dhaammaan. Waa dameer iyo labadiisii daan. Dhammaantood waxaa lagu
kala doortaa ee lagu kala raacaa , waa abbahay goblin, KULMIYE ha u
sii daraadee, Waxaa lagu kala raacaa waa guulwadayn iyo xildoonimo.
Sidaa soo ay tahay, dhammaantood waa distuuri. Waa sharci.
Jiritaankoodu waa muqdas, waa tirarka lagu kala badbaadey. Cid midna
buunbuunisa, midna xaqoodii duudsiday oo shirka u diida, waa dabuuse
ha laga codeeyo.
Dawlada Axmed Maxamud Siilaanyo iyo marwadiisu, in ay darjiidhay oo
aanay mudakar ahayn, la iskuma hayo. In ay xamasta, maati, guul wada
darbana, dayday, aako aako, aqoon laawe, qurba jog, qaraabo kiil,
miciin moodey la iskuma hayo. In ay tabtii iyo tubtii laga filanayey
M/weynaha iyo marwadiis, oo loo tirinayey mujaahidiin xaq u dirir
aha muddo dheer, ka meeqaan liidato la iskuma hayo. In aqoon maamul,
lex jecloay dadka iyo dalka u qabaan, iyo waayo aragnimo loo
tirinayey, oo la saluugsan yahay, la iskuma hayo. In ay canjilayaan
maamulkii Siyaad Bare oo ay weliba, marwo ku sii dheeraad tahay, la
iskuma hayo. In uu Moorgan goob jog yahay la iskuma hayo ( haddaan
M/weynaha murwadiisa, daba dhigay, ha yaabina, waa wax cusub oo soo
kordhaye oo weli waxaa dhegahayga ka guuxaya khubdihii dhagax dhiga
xurumaha agoonta, oo samafal mooye, siyaasasadi ka reeban tahay,
waxay dadweynaha ku sooryeysey).
Waxse aad uga liita, waa halkii Gaariye eh, kuwa ku baaqaya
mudaharaad caalami ah oo London laga dhigo oo shaashadaha dunida
laga daawado, oo sheegtay in ay ka kooban yihiin waxgarad iyo
xusbiyada mucaaridka. Waxaan leeyahay alla idin dooriye shacbiga,
gaar ahaan muwaadiniinta iyo saba oolka, garta ha ka kharibina.
Muwaadiniinta iyo saboolku, madaaharaad, waxay ka doorbideen, in
shir qaran la qabto, oo la is weydiiyo, maxaa dan ah, maxaa daran.
Xusbiyada mucaaridku, dhallilaha dawlada iyo KULMIYE loo jeedinayo,
amma ka muuqda, waxba ku noqon maayaan. Ceebtooda asturimayso,
kulmiye ayaa gefkaa sameeyey. Xusbiyada mucaaridka waa in
mudakarnimo, aragti iyo ididdlo cusub curiyaan. caqligii lixdankii
manta iibgeli maayo. Caqligii Siyaad Barrana, manta iib geli maayo.
Mudaaharaadadii SNM ee reer London manta iib geli maayaan, loomana
baahana.
Ballankeenu waa dooda qaran. Ururada mucaaridka waan ku
garabgeleynaa abaabulka shirka qaran in uu qabsoomo, kuwa kalana ka
daba qabsoomaan.
|