JAMHUURIYADA SOOMALILAND

Date: 27 July 2011

XISBIGA CADAALADA IYODARYEELKA

Shirjaraaid oo uu soo saray latiliyaha arimaha sharciga ee xisbiga UCID

Dhawaaqi ay sameeyen xubno ka tirsan xisbiga 24/07/2011 maalintii AXADII xubnahaas oo ay hor kacayeen .cabdi raxmaan ciro iyo aadan mire waqaf dhawaaqaas oo ay saxaafada ka sheegeen in ay si ku meel gaadha udoorteen Hogaanki xisbiga u na doorteen gudoomiye aadan mire waqaf hadaba anoo ah lataliyaha sharciga ee xibiga UCID garyaqaan siciid cabdilaahi xuseen aniga oo tix raacaya qodobada xeerka xisbiga waxa aan ha lkan ugu soo gudbinayaa dhamaan guud ahaan shacabka reer Somaliland gaar ahaan taageerayaasha xisbi ga UCID iyo cidii kale ay khusaysoba qodobada xeerka xisbiga e xubnahaasi sida indhala,aanta ah ay udhinac mareen una jabiyeen xeerkii xisbiga .

Waxa jira in xisbigu isla qaatay in shirkii gudidada fulinta ee bilaha ahaa la qabto 25 july 2011 shirkii golaha dhexe ee xisbigana la qabto 26 july 2011 ayaa waxa dhacay in xubnahan qaska iyo fadeexad sameeyeen ayaa waxa dhacday in gudomiyaha xisbiga iyo xubno gudida fulinta ah ay ilaasubxanimadii 9:00 subaxnimo -11:00 subaxnimo ee 24/07/2011 axadii ay wada fadhiyeen iyadoo laga tashanaayo shirka barito dhacaaya iyo hawlaha horyaala ayay markii shirkii dhamaaday ay qabteen war saxaafadeed qabteen 12:00 duhurnimo iyagoo yidhi waxa aanu dooranay hogaankii xisbiga una doorteen gudomiye ADAN MAXAMED MIRE WAQAF .

Hadaba waxa aan halkan kusoo bandhigayaa qodobada xeerka xisbiga ee ay jabiyeen islamarkaasna ay ku tunteen .

xeerka xisbiga UCID waxa la ansixiyey laba jeer oo kala ahaa labadii shirweyne ee xisbiga oo ku kala beegnaa august 2001 iyo august 2006 xeerkan oo ka kooban 23 qodob . qodobada ay jabiyeen waxa kamid ah.

1- Qodobka 18aad (1) oo sheegaysa awoodaha gudoomiyaha xisbiga in gudomiyaha xisbigu yahay madaxa xisbiga uu gudoomiyana shirweynaha ,fadhiyada golaha dhexe ,shirarka gudida fulinta ,mudada xil hayntiisuna waa shan sano oo ka bilaabmaysa maalintii la doortay iyadoo gudomiyaha la doortay bishii sideedaad ee 2006

2- Qodobka 18aad (2) oo sheegaysa cida qudha ee samaynkarta qoraalada rasmiga ah ee xisbiga taas oo cadaynaysa in qoraal kasta oo soo baxa oo aanu gudoomiyuhu saxeexin ama ogayn ay tahay waxba kama jiraan .waxa ay xubnahani jabiyeen dhamaan faqradaha qodobka 18aad oo dhan

3- Qodobka 19aad oo sheegaaya awoodaha gudoomiye ku-xigeenada xisbiga oo ah in kuxigeenadu ay qabankaraan uun wixii uu uigmado gudomiyuhu . hadaba waxa layaab leh in ku xigeenadii ay isku magacaabaan gudomiye xisbi isagoo gudoomiyihiina jooga shantii sano ee la doortayna aanay wali dhamaan .

4- Xubnahani waxa kale oo ay ku gafeen qodobka 16aad ee xeerka xisbiga oo si cad usheegaaya hawlaha gudida fulintu uxilsaarantahay oo ay kamid tahay hirgalinta barnaamijka xisbiga ,fulinta goaanada shirweynaha iyo shirarka golaha dhexe ,abaabulka iyo wacyigalinta ,iyadoo ay xubnihii ay yidhaahdeen hogaanbay doorteen ay ku sheegeen gudidii fulinta gudi fulineedna aanay sharciyan awood ulahay in ay doortaan hogaan iyagoo awoodii gudida fulinta lahayd ku qalday awoodii shirweynaha

5- Waxa kale oo ay sitoos ah ujabiyeen qodobka 11aad ee xeerka xisbiga oo sheegaysa in cida qudha ee doorankarta gudoomiye iyo kuxigeenada iyo xoghayaha guudba ay tahay shirweynaha xisbiga qoodobkaasna sidiisa ayay ujabiyeen iyagoo maroorsaday awoodii shirweynaha xisbiga oo ah haayada ugu saraysa xisbiga sharci ahaan sida uu dhigaayo qodobka 10aad ee xeerka xisbigu

6- Waxa kale oo ay baalmareen qodobka 15aad ee xeerka xisbiga oo sheegaaya in gudida fulinta ee xisbigu ay tahay haayada ugu saraysa dhinaca socodsiinta hawlaha xisbiga waxaanay gudida fulintu ka kooban tahay 25 xubnood waxaaana la doortaa afartii sanoba mar .

Hadaba gudida fulinta oo ladoortay bishii sideedaad ee 2006 iyagoo sharciyan marka loo eego qodobkan xilhayntoodu ku eekayd 2010 bishii sideedaad dhamaan xubnaha gudida fulintu in waqtigoodii hore udhacay marka laga reebo gudoomiyaha iyo kuxigeenada iyo xoghayaha guud iyo ku xigeenkiisa lixdaa xubnood mooyee 19 xubnood ee soo hadhay sharciyadoodii way ka dhacday waxana lagusoo dhisayaa xubnahaas 19ka iyagoo noqonaaya xubno gudida fulinta ah oo ku meelgaadh ah inta laga gaadhaayo shirweynaha sadexaad ee xisbiga laguna ansixindoona kalfadhiga golaha dhexe ee ugu soo xisga shirweynaha kaas oo ku began bisha todobaad (july 2011)

Hadaba waxa layaab leh xubnahan yidhi waxa aanu nahay gudidii fulinta

Doodooda ah in mudada xil hayneed ee gudoomiyuhu waxa ay tahay laba jeer (two terms) aanay ku jirin xeerka xisbiga gabi ahaanba .

Hadaba ay tahay in golaha dhexe ee xisbigu talaabo ka qaado xubnaha xeerka xisbiga jabiyey anigoo cuskanaaya qodobka 13aad (8) ee xeerka xisbiga oo awood usiinaysa golaha dhexe in ay talaabo ka qaadaan isla markaana hawlaha ka joojinkaraan xubnaha xisbiga ee ay ku cadaato in ay jabiyeen xeerka ama aanay si daacada u wadin hawsha xisbiga

La taliyaha arimaha sharciga ee xisbiga UCID GARYAQAAN SICIID CABDILAAHI XUSEEN (GEELJIRE)

E- MAIL garyaqaansiciidgeeljire@hotmail.com

Mobile : 25224109396