Shir Lagu Taageerayo Shirkada Somcable Oo Hargeysa Ka Dhacay Iyo Dhaleecayn Loo Soo Jeediyay Cida Ka Soo Horjeeda Djabouti.
 

Hargeysa Jan 10,2010 (TNN)-Siyaasiyiin, sulaadiin, waxgarad iyo haween ka mid ah reer  Somalila nd ayaa maanta markii ugu horeysay shaaca ka qaaday in shirkada SOMCABLE ay xaq u leedahay in ay dalka keento internetka.

Dhinacyadan ka mid ka ah bulshada ayaa isku raacay in shirkaddani ay tahay mid waddani ah isla markaana aan lagu bedelan Karin kuwo aan dalka laga lahayn

Waxa kale oo ay sheegeen in shirkada Somcable xubnaha iska lihi ay yihiin kuwo dalkan iyo  dad kanba wax ku soo celi kara , isla markaana maanka ku haya sidii uu dalka u horumarin lahaa.

Ugu horeyn Maxamed Odowaa Cigaal, oo halkaas ka hadlay ayaa sheegay in aan shirkadan lagu doorsan Karin mid shisheeye, waxaanu ugu baaqay dhamaanba shacabka reer Somaliland in ay t aageero hiil iyo hooba ah la barbar istaagaan shirkadan “Runtii shirkaddan SOMCABLE, waa mid wadani ah ,waxaanan leeyahay dadka meelahaas wax ka yidhaahda habaarkiina isla hela.”

Maxamed Oodowaa Cigaal oo ka mid ahaan jiray xisbigii talada dalka lagaga guulaystay ee UDUB, balse hadda ka mid ah xisbiga taladda haya ee KULMIYE, ayaa maamulka shirkada SOMCABLE ugu baaqay in ay sida ugu dhakhsaha badan hawshooda u bilaabaan “Waxa aan leeyahay shirkadda SOMCABLE, waa in aad sida ugu dhakhsaha badan hawsha u gashaan, waxaanan leeyahay mar w alba waanu idin garab taaganahay.” Ayuu yidhi.


Waxa kale oo isna halkaas ka hadlay Mujaahid Axmed Ibraahim (Indho), waxaanu tilmaamay in shirkadani ay tahay mid dalka xaq weyn ku leh.

Waxa kale oo uu xusay in maamulka sare ee shirkadani ay yihiin kuwo u dhashay dalkan, balse a anay ahayn sida loo sheegayo kuwo ka soo jeeda dalal kale “Waxa aan leeyahay shirkadda Somcable, waxa ay ka mid tahay shirkadaha ugu wadanisan, waxaanan leeyahay dadka leh waa shirkadd meelo kala laga leeyahay xaalku sidaas maaha.
Waxa kale oo aan raalli gelin buuxda siinayaa dalka aynu jaarka nahay ee Djabouti oo ceebo iyo waxyaabo aanay geyin lagula gal-galanayo.” Ayuu yidhi.


Wasiir xigeenkii hore ee warfaafinta xilligii dawladii UDUB Cali Cilmi Geelle oo halkaas ka hadlay ay aa dalka aynu jaarka nahay ee Djabouti xaal ka siiyay hadalo uu sheegay in ay ka soo yeedheen siyaasiyiin reer Somaliland ah, waxaana hadaladiisii ka mid ahaa “Sida uu shirkeenu yahay waxa aan xaal siinaynaa dalka aynu jaarka nahay ee Djabouti iyo waliba shirkada Somcable, waxaanan leeyahay labada midnaba ma geyo xag-xagasho.


Runtii waxa ay tahay in la soo dhaweeyo cidii dalkan iyo dadkanba faa’iido u leh, waxaanan aam insanahay in shirkadda SOMCABLE ay dalka iyo dadkaba faa’iido u leedahay.” Ayuu yidhi.


Suldaan Saleebaan Boqor Xasan oo isna halkaas ka hadlay ayaa si weyn u soo dhaweeyay shirka dda Somcable ,waxaanu dhamaanba shacabka ugu baaqay in meel looga soo wada jeedsato taa geerada shirkadan oo runtii ah buu yidhi mid faa’iido dhaxalgal ah u soo kordhinaysa dalka.


Waxa kale oo iyaguna halkaas ka hadlay xubno isugu jira ragg iyo haween, kuwaas oo si la mid ah masuuliyiintii meesha ka hadashay u soo dhaweeyay shirkada SOMCABLE.


Source: Hadhwanaagnews