“Mucaaridku Wuxuu Ka Yimaadaa Wakiilada, Markii 2-dii Xisbi Ay
Qabsadeen Hogaankii Golaha, Waxaanu Sidaas U Samaynay In La Helo
Mucaarid Awood Leh, Shirguddoonkiina Waxa Uu Ku Milmay Xukuumada”
“Shir Danbe Oo Soomaalidaasi Iskugu Timaado Oo Aan Inaga Ina
Khusaynin Inaynu Ka Qaybgalno Waanu Ka Soo Horjeednaa”
Eng. Faysal Cali Waraabe
Hargeysa (TNN) – Guddoomiyaha Xisbiga Mucaaridka ah ee UCID Eng.
Faysal Cali Waraabe ayaa she egay in Shirgudoonka Golaha Wakiiladu
ku milmeen xukuumadda, isla markaana ay burburiyeen nid aamkii
Mucaaridnimo ee Axsaabta, kaas oo tilmaamay in Xildhibaanadii
Baarlamaanka ay Wasiira du Amrayaan, kuwaas oo uu ka dhawaajiyey
inaanay ummadda Matali Karin.
Eng. Faysal Cali Xuseen waxa uu sidaas ku sheegay Waraysi khaas ah
oo uu Xalay Wargeyska Haa tuf ku siiyey khadka tilifoonka isaga oo
ku sugan Magaalada Hargeysa, ayaa sidoo kale uu kaga ha dlay
khilaafka Xildhibaanada Kulmiye iyo dawladda u dhaxeeya, sheegayna
inay Xaq u leeyihiin Mas uuliyiinta xisbigaasi inay dawladda kula
xisaabtamaan Barnaamijka Siyaasadeedka Xisbiga Kulmiye.
Sidoo kale Guddoomiyaha UCID Faysal Cali Waraabe waxa uu xukuumadda
uga digay inay isku day do in Wada-hadalka
Soomaaliya la filayo in lala yeesho inay isku koobto kalideed,
isla markaana til maamay inay ka soo horjeedaan shirkasta oo aan
Somaliland dani ugu jirin oo lala yeesho Soomaali ya. Ugu horayn
isaga oo arimahaas ka hadlaya, waxa uu hadalkiisa ku bilaabay “Marka
ugu horays a aniga oo ku hadlaya afka Somaliland iyo ka xisbiga
UCID-ba waxa aan jeclahay inaan tacsi u diro Alle ha u naxariistee
Sh. Mukhtaar oo ah Guddoomiyihii Baarlamaanka ee Soomaaliya ee
Lixdamaa dkii, ninkaas oo runtii ahaa nin qiimo badan oo gacanwayna
ka gaystay wakhtigii uu noqonayey Maxamed Xaaji Ibraahim Cigaal,
isla markaana Kaamayn badan u galay sidii uu Ina Cigaal u noqon
lahaa Ra’isal Wasaaraha Soomaaliya, markaas Marxuumkaas oo abaal
badan inagu lahaa waxaan tacsi u dirayaa dhamaan ehelkiisii iyo
asxaabtiisii inuu Samir iyo iimaan ka siiyo, isagan Naxariistii Jano
ka waraabiyo ninwayn oo ehlu salaad ah ayuu ahaaye”.
Eng. Faysal Cali Waraabe mar uu ka hadlayey hadalada ka soo yeedhay
Madaxwaynaha Soomaaliy a iyo Ra’isal Wasaarihiisa, waxa uu yidhi
“Waan maqlay in Madaxda dawladda TFG-da isku sheegay saa inay waxay
doonaan iskaga hadleen, laakiin waxa weeyi qof waliba waxa uu jecel
yahay ayuu u hadlaa laakiin xaqiiqada sidaas way ka duwan tahay oo
xaqiiqadu waxa weeyi shacbiga reer Som aliland dawlad-nimadoodii
barigii hore ayey duco ku bixiyeen, waxaanay kula soo noqdeen halgan
dheer oo dhiig badan ku daatay isla markaana maalbadani ku baaba’ay,
markaa ninkastaa ha iska hadlee waxay noqonaysaa uun taas shacbiga
reer Somaliland go’aansaday ee uu hadana Dimuqra adiyada ku daray oo
ay Nabad iyo Wanaag iyo Niyad sami ku dareen, isla markaana
Saamaxaada ku dareen taas ayuun bay noqonaysaaye waxba hadalkooda
yeynaan ka soo qaadin. Inaka waxa ina khuseeya inaynu tixgalino
go’aanadii laga soo saaray shirkii bishii labaad Magaalada London ka
dhacay ee odhanayey waa in la wada hadlaa”.
Isaga oo hadalkiisa sii wata, isla markaana ka hadlaya Mabaa’diida
ay kala wataan Somaliland iyo Soomaaliya marka ay miiska
wada-hadalka iskugu yimaadaan, waxa uu yidhi “Labada Mabd’a ee ay
kala wataan Somaliland iyo TFG-gu waa run oo inaga waxa inaga go’an
inaynu Madaxbaanideena difaacno oo waxaynu isku dayeynaa inaynu ku
qancino TFG-da iyo dawladaha ka danbeeya ee Soo maaliya-ba sidii ay
inoo aqoonsan lahaayeen oo aynu u noqon lahayn laba dawladood oo
jaar ah, dawladda Soomaaliyana waxay wadataa oo la ogyahay inay ka
hadasho Midnimadii lagu hungoo bay ee dhibaatada ina baday, mida
kale waxa jira marka laba dawladood Caalamku leeyahay ha wada
hadlaan oo arimahooda ha ka wada hadlaan, waxa la yidhaahdaa uun
ummadaha kala adka an waaya sidii Waqooyiga iyo Koonfurta Suudaan oo
kale marka dhiig badani ka daato ayaa si dagaalka iyo dhiiga loo
joojiyo la yidhaahdaa wada hadla, markaa inagu dawladdii Maxamed
Siyaad Barre ayeynu la dagaalay oo nimankan imika jooga Soomaaliya
markaa waxba kamay ahayn mees ha, dawladaas oo isku dayday inay xoog
ku joojiso kacdoonkii ummadda Somaliland, isla markaana cagta
marisay oo dhagta dhiiga u dartay dad badan oo aan waxba galabsan
dagaalkaasina mudo 10 sano ka badan ayuu socday oo Ilaahay ayaa
mahad lehe waynu iska celinay, markaa nimankan TFG-du cidna wakiil
kama aha oo lama soo dooran oo nimankaa uu midna Maraykanka looga
keenay oo uu joogay 8 bilood, Sh. Shariifna 2009-kii ayey 500 qof oo
dibada laga keenay ay ku doorteen Dalka Djibuoti, laakiin go’aanka
Somaliland waxa la wada ogyahay inuu yahay go’aan shacbi oo waxa
badali kara uun go’aan shacbi”.
Eng. Faysal Cali Waraabe mar wax laga waydiiyey Natiijada Somaliland
ka dhaxashay shirkii dabaya aqadii bishii hore ee May ay kaga
qaybgashay Magaalada Istanbul ee dalka Turkiga, waxa uu yidhi “Anigu
waxaan qabaa mar hadaynu shirkii London ka qaybgalnay oo qodobka
Lixaad ka soo baxay in qodobkaas 6-aad sidii uu u hirgali lahaa aynu
ka shaqayno oo aynu wada-hadalkaas la galno TFG-da iyo wixii
badalaba. Wixii mucaawimo dunidu tidhaahdo waan siinayaana ay inaga
oo dawlad ah gaarkeena la inoo siiyo oo intaynu wafti u dirno aynu
nidhaahno waanu kala baxnay nimankaas oo wada-hadalkii aanu ku kala
baxaynay wuu noo socdaaye waxayaga gaar noo siiya lagu yidhaah do
dunida, shir danbe oo Soomaalidaasi iskugu timaado oo aan inaga ina
khusaynin inaynu ka qayb galno anagu xisbi ahaan waanu ka soo
horjeednaa”.
Guddoomiyaha UCID Faysal Cali Xuseen mar la waydiiyey sababta ay
gabeen Mucaaridadii looga ba rtay ee ku dhacay toosintii wax u
sheegii looga bartay axsaabta Mucaaridka, waxa uu yidhi “Dawla d aan
Mucaarid lahayni dawladd noqon mayso, Mucaaridkuna halka uu marka
ugu horaysa ka yima adaa waa Golayaasha oo waa Golaha Wakiilada oo
markii hore ahaa Saddex Xisbi, isla markaana labadii Xisbi ee
Mucaaridka ahaa ay qabsadeen Hogaankii waxaanu u sidaas u samaynayna
waxa uu ahaa in la helo Mucaarid awood leh oo dawladda toosinkara,
laakiin markii uu Shirgudoonkii Baarlamaanku noqday Hogaan ku milmay
dawladii talaabada ugu horaysa ee inala gudboon waa in marka ugu
horaysa la saxaa khaladkaas oo la toosiyaa arimahaas, isla markaana
taladu ay Muxaafinimadan ay wada noqotay ay ka wareegto oo Xisbiyada
UCID iyo UDUB ay sameeyaan Shirgudoon adag oo dawladda la xisaabtama.
Waxaan la yaabay oo aan maalin dhawayd maqlayey nin Wasiir ah oo
Xildhibaan Baarlamaanka ka tirsan ku leh inoo soo sameeya Sharci aad
dawladda ugu xalaalaynaysaan inay kalideed wada-hadalka Soomaaliya
la gasho oo cid kale aanay ka qaybgali Karin, markaa Baarlamaan
Wasiiradii Amrayaan shacbiga kama noqon karo wakiil. Markaa waxaan
rajaynayaa hada inaanu is abaabulno oo UDUB iyadu waa tan Kiiskoodii
dhamaanayo oo waa kuwa ay Ururo cusubi soo baxeen inkasta oo
qaarkood farta lagu fiiqayey, isla markaana waxa nalooga fadhiyaa
inay cadaato cidii xisbigeeda u furatay inay talada dalka ku
guulaysato oo inta ay Mucaaridka tahayna inay saxaan khaladaadka
xukuumada u soo diyaargarawday iyo cidii ujeedo kale u furatay”.
Eng. Faysal Cali Waraabe mar uu ka hadlayey Khilaafyada nugleeyey
xisbul Xaakimka Kulmiye iyo UDUB, waxa
uu yidhi “Khilaafka Kulmiye iyo UDUB ka dhex taagani waa mid iyaga
dhexdooda ah oo ay ka heshiin karaan manuu ahayn khilaaf dibada kaga
yimid oo dad shisheeye ahi wadeen, Khilaafkii anaga barigii na soo
dhexgalay wuu ka duwan yahay oo kaasi waxa uu ahaa mid gacmo
shisheeye ku jireen oo Saaxiibkay iyo qoladii igu kacdayba waa la
igu soo diray oo gacan shisheeye ayaa ku jirtay. Markaa waxa aan
jeclahay oo aan ugu baaqayaa inay khilaafkooda inay iyagu dhexdooda
dhamaystaan oo ay kaayagii ku Cimro-qaataan, waxaananu rabnaa
inaanay Axsaabtu isku jeedsan ee shaqadii loo soo doortay ay
qabsadaan”.
Isaga oo hadalkiisa sii wata, isla markaana ka hadlaya khilaafka soo
kala dhexgalay Xildhibaanada Kulmiye iyo xukuumadda talada haysa,
waxa uu yidhi “Mucaarid iyo Muxaafidba xaqbay u leeyihiin inay
dhexdooda is toosiyaan oo wixii khaldan ee ay arkaan ay isku
sheegaan, dawladuna waa inay ku socotaa Barnaamijka iyo Siyaasada
Xisbigeeda mana fiicna in khalad iyo cunfi laga dhigo waana inay
iyagu dhexdoodana iska toosiyaan oo ay shirarkooda isku toosiyaan,
kolay inaanay Warbaahi nta isku dhaliilin oo ay dhexdooda isa
saxaana way fiican tahay”.
Faysal Cali Waraabe mar wax laga waydiiyey halka ay ku danbeeyeen
wada-hadaladii la sheegay inay u socdeen xisbigiisa iyo
Aqoonyahan Jamaal Cali Xuseen, waxa uu
yidhi “Jamaal Cali Xuseen waa nin aqoon yahan ah oo aanu in badan
saaxiib ahayn, isla markaan marar badan gacan i siiyey oo waa nin
dhalinyar ah oo qiimo leh, anaguna maadaama oo aanu Xayeysiinayno oo
aanu nidhi Mu sharaxnimadayadu way furan tahay oo qofkii aanu u
aragno inuu Xisbigana kor u qaadayo dalkana waxbadan ka qabankaro
waanu gacansiinaynaa, markaa Jamaal iyo qayrkiiba waanu soo dhaway
naynaa oo way naga go’an tahay inaanu xisbiga dhisno oo uu noqdo
xisbiga UCID mid 100 sano iyo ka badanba jira oo la kala dhaxlo,
markaa waanu soo dhawaynaa hadii uu Jamaal Cali Xuseen nagu soo
biiro, hadii uu UDUB sii joogana waanu soo dhawaynaynaa oo laba
xisbi oo Mucaarid ah ayaanu nahay”.
Ugu danbayn isaga oo ka jawaabaya sida uu u arko
dhacdadii lagu weeraray guddoomiyihii Maxka
mada gobolka Maroodi Jeex C/rashiid Duraan, waxa uu yidhi
“Marka ugu horaysa waxaan Ilaahay uga baryayaa inuu Guddoomiyaha
Maxkamada ee la dhaawacay uu dhaawiciisaas uga dhigo nabar gardaro,
isla markaana Kiiskaas dawladu gacanta ayey ku haysaa oo waa inaynu
ka warsugno baa dhistaas, laakiin waxaan leenahay dhacdadaasi may
ahayn wax aynu dhaqan u lahayn oo waxa jira dad badan oo Nabad
galyadeena iyo Horumarkeena necebe aynu Nabadgalyadeena ilaashano oo
yaan inaga la ina dhex dhigin shaki, bulshadana waxaan leeyahay
indhihiina kor u qaada oo aynu wada jir u ilaashano dalkeena”.
Source:Haatuf
|