SANWAA CUMAR YARE SAAXIIB WAA LA FICILTAMAYAA EE LA KALA TAGIMAAYO, QORE SICIID CABDI DHEEN

Abwaan:Siciid Cabdi Dheen

MUDANE SANWAA CUMAR YARE,shalay ayaan marxuum maxamed xaaji ibraahim cigaal kaa waaniyay waxaan walaal ku idhi odayga u ducee faataxadana u mar khayrmooye wax kala na ha ku soo hadal qaadin.

Halkaan kaa filaayay haye waan qaatay waanada iyo wax u sheega ayaad [ KA DAROO DIBI DHAL KEENTAY]. Waxaad hadana isku qaaday marxuun kale oo qabriga ku jira ilaahay naxariistii jano haka waraabiyee marxuum cabdiraxmaan maxamed cali[cabdiraxmaan tuur].
Waxaad tidhi cabdiraxmaan kumuu guulaysan inuu dawlad dhiso Hadaba waxa kaa maqan ama aanad ogayn in cabdiraxmaan alaa yarxmuh uu qabtay wixii uu qaban karaayay ama awoodiisa ahayd dalkoo burbura oo aan xafiis dhisnayn oo dadku lacag haysan cunatana haysan ayuu cabdiraxmaan axmed cali la kulmay ilaahay ha u naxariistee.

wixii uu qaban karaayayna wuu qabtay.
mid kabaha kala baxa , kabihii ayuu u bixiyay
mid gaadhigiisii kala caracara gaadhigii ayuu siiyay
mid lacag ka qaada , wixii jeebka uu ku haystaba wuu siiyay
Waryaa nin geesinimadaa iyo dulqaadkaa leh ee maanta aduunka joogaa waa kee.

alaa yarxamuh cabdiraxman axmed cali wuxuu ahaa geesi la tilmaamo waana ninkii sida sharfta leh uga dagay maamulka ee walaalkii maxamed ibraahim cigaal alaa yarxmuh ku wareejiyay TALADA .

Waxaan hadaba is waydiinayaa , toloow sanwaa cumar yare maxaa ku diray maytida iyo dadka iilka jiifa ee aan ifka waxa ka socda waxba ku lahayn.Qofka nool ayaa diintu  mamnu ucday in la xanto waxaana la yidhi oo rasuulku csw yidhi [ ayuxibu axadakum an yakula laxmah akhii mayitan], waar midkiin ma jecel yahay inuu cuno hilibka walaalkii oo mayda.
Asxaabtii waxay yidhaaheed MAYA yaa rasuululaah[csw]MAXAANU KU FALAYNAA.
Waxa rasuulku yidhi [csw] waa sidaa oo kale xanta aad xamataan qofka aan idin la joogin.

Hadaba sanwaa cumaryaroow kuwii noolaa ayaa xantoodii sidaa la yidhi.
Tolow maxay noqonaysaa ninka xanta dadka aakhira tagay sida adigoo kale maalin kasta nin siyaasiya oo iilka jiifa soo hadal qaadaya.[CADUUR DHAWDHAWDU UMA DHACSANA].

Sanwaa cumar yare sxb waxaad tahay nin dhalinyaro ah oo raba inuu mustaqbal ku yeesho siyaasada iyo saaxada ragu ku LOOLAMO.
Anigu shakhsiyan ma jecli inaan kaa jiidho ama ku hor istaago.
Hadafkaygana maaha inaan dhabarka kaa jabiyo oo aan gacan wayn ku saaro.
kaliya waxaan kaa rabaa inaad noqoto nin afkaartiisa si hufan oo hanaan wacani ku dheehan Tahay aad noqoto
Weedhadana aad dhawrto tii danbi ku galin garta iyo ta khayrku ku jiro.

gabagabdii soo dhawaynta faysal cali waraabe anigu uma arko wax laga xumaado.
sadexda xisbi hogaamiyaasha ka taliya waxaan aamin sanahay in mid kasta shacabka somaliland soo dhawayn karo.

Meeshana ha u qaadan in dadka ay kala leeyihiin sadexda xisbi oo hadii nin taageersan kulmiye uu soo dhaweeyo mudane ka mida udub ama ucid taa macnaheedu maaha qofkaasi danbi ayuu galay ama wax laga xumaado.
Adoo udub taageersan ayaad soo dhawayn kartaa gudoomiyaha ucid ama aad soo dhawayn kartaa gudoomiyaha kulmiye.

Malaa saaxiib waxaad moodaysaa [ marka la ficiltamaayo in lakala tagay].
Saaxiib dalku waa dalkaaagii ,,,,,, sahacbku waa shacabkaagii..
madaxwaynaha somaliland mudane daaahir riyaale waa madaxwaynihii dalka [ dadkoo dhan ayuu u dhaxeeyaa]

SULDAAN maxamed cabdilqaadir waa suldaanka guud ee somaliland
MARWO huda barkhad ala ha daayo oo ha dheeereeye cimrigeedee waa marwada koowaad ee jamhuuriyada somaliland.

WAXAAN KU KHATIMAY waxaan aad u jecelahay in alaa yarxamuh marxuum cabdiraxmaan axmed cali madaxwaynihii hore ee somaliland khayr mooyee wax kale lagu soo hadal qaadin una duceeya oo faataxada u mara[ ilaahow ka yeel kuwa liibanay ee aakhira janada gala] amiin


wabilaahi tawfiiq