Saleebaan Xaglo Toosiye Oo Maanta Si Rasmi Ah Ula Wareegay Xilka
Wasaarada Dib Udejinta Somaliland.
Munaasibadaasi xilka loogu kala wareejinayey wasiirkii hore ee
wasaaradaasi iyo wasiirka cusub... Daawo Sawiradda
Hargeysa (TNN)- Wasiirka Wasaarada Dib U dajinta Somaliland Mudane
Saleebaan Ciise Xaglo Toosiye Oo Uu Dhawaan Madaxwayne siilaanyo
digreeto uu soo saaray ugu magaacabay wasiirka wasaarada dib u
dajinta ayaa saaka si rasmi ah ula wareegay xilka waraasadaasi.
Munaasibadaasi xilka loogu kala wareejinayey wasiirkii hore ee
wasaaradaasi iyo wasiirka cusub ee wasaaradaasi saleebaan xaglo
toosiye oo ka dhacday hoolka shaqaalaha ayaa waxa kasoo qayb galay
Wasiirka wasaarada gaashaandhiga Somaliland axmed x.cali cadami,
wasiirka wasaaraada kaluumaysiga iyo khayraadka bada c/laahi jaamac
cismaan (geeljire), wasiirka wasaarada hawlaha guud guryaynta iyo
gaadiidka Somaliland axmed cabdi xaabsade, gudoomiyaha xisbiga ucid
Eng: Faysal cali waraabe, gudoomiye ku xigeenka ururka xaqsoor cali
maxamed axmed (cali sandule),garaad maxamed gaaraad saleebaan,
cuqaal, waxgarad, dhalinyaro iyo dadwayne kale oo tiro badan.
ugu horaynba waxaa munaasibadaasi hadal kooban kasoo jeediyey
agaasimaha guud ee wasaarada dib u dajinta Somaliland isaga oo
faahfaahin ka bixiyey waxyaabaha ay qabato wasaarada dib u dajintu
iyo waaxaha ay ka koobantahay wasaaradu ayaa si wayn usoo dhaweeyey
wasiirka cusub ee wasaaradaasi saleebaan ciise xaglotoosiye.
Sidoo kale waxaa isaguna madashaasi ka hadlay wasiirka wasaarada
gaashaandhiga Somaliland axmed x.cali cadami oo mahad naq balaadhan
usoo jeeediyey wasiirkii hore ee wasaarada dib udejinta Somaliland
kuna amaanay sida quruxda badanle ee uu xilka u wareejiyey isaga oo
wasiirka cusubna ilaahay uga baryey inuu ku asturo xilkaasi.
Gudoomiyaha xisbiga ucid Eng Faysal Cali waraabe oo isaguna
madaashaasi hadal kooban kasoo jeediyey ayaa sheegay inaanu ku
faraxsanayn in wasiir reer boorama ah lagu badalo wasiir reer
laascaanoooda waxaanu yidhi “Anuu run ahaantii maan filayn in wasiir
reer boorama ah saleebaan dusha laga saaro dee kii reer boorama in
kii reer laas-caanood dusha laga saaro maan filayn waxaan si lahaa
ragii darajada qaatay ayaa qaar laga kicin doonaa markaa waxaan
leeyahay anuu kuma faraxsani laakiin waxa weeyaan insha allahu
tacaalaa waxaan filayaa inuu is badal iman dooono, runtiina dawladu
waxay ku fiicantahay saami qaybsi maadaama wixii imika beelo yihiin
waa in wasaaradaha waaweyn sidii barigii boorama lagu qayb saday
lagu socdaa ilaa inta dadka ay kabaxayso xumadan qabiilku oo xumada
qaranimadu ka tagayso, waxaan filayaa dawladu inay isku noqon doonto,
kolay imika wax isku taataaban kari mayso ayaan filayaa oo
doorashadii ayaa soo socota wasiirka lakiciyaa wuu xanaaqayaa,
laakiin bacda doorashada waxaan jecelnahay in beelaha hareeraha la
hagaajin doono” Ayuu Yidhi Eng faysal Cali Waraabe.
Iyaguna waxaa munaasibadaasi hadalo kasoo jeediyey gudoomiyaha
ururka xaqsoor cali maxamed axmed (cali sandule), Wasiirka wasaarada
kaluumaysiga iyo khayraadka bada c/laahi jaamac cismaan (geeljire),
cali salaam jirde, garaad maxamed garaad saleebaan, wsiirkii hore ee
wasaarada dib u dajinta Somaliland mudane: C/risaaq.
Gebagebadii munaasibadaasi ayaa waxa soo afmeeray wasiirka cusub ee
wasaarada dib u dejinta Somaliland mudane: saleebaan ciise
xaglotoosiye oo mahad naq balaadhan usoo jeediyey wasiirkii hore ee
wasaarada dib u dajinta kuna amaanay sida wanaagsan ee uu xil;ka u
wareejiyey waxaanu yidhi “Marka hore waxaan u mahad celinayaa
wasiiirkii hore ee dib u dajinta ana wasiirka cusub ee warshadaha
waxaan ugu bogaadinayaa sida sharafta leh ee uu xilka iigu
wareejiyey waxaan isagana ugu hambalyaynayaan jagadaa cusub ee loo
magacaabay oon waliba ilaahay uga baryayo maadaama ay tahay wasaarad
cusub in ilaahay u fududeeyo dhakhsana uu insha allah u dhiso intaa
markaan ka gudbo waxaan shaqaalaha dib u dejinta ka codsanayaa inay
iila shaqeeyaan siday wasiir c/risaaq ula shaqayn jireen iyo si
kasii wanaagsanba waxaanan balan qaadayaa hadii alle ka dhigo in aan
dar-dar galiyo wasaarada hawleheega intaa markaan ka gudbo anigu
waxaan ahaa hogaamiyihii ururka SSC walina waan ahay wasiir reer
Somaliland ah baan noqday bulshada reer Somaliland oo dhan baan
wasiir u ahay horumarkooda, nabadooda iyo midnimadoodana waan ka
shaqaynayaa waxaan se u sheegayaa deegaamadii aan ka imid iyo
ehelkaygii inaan u maqnahay inaan dadaal wayn hadii alle ka dhigo u
gali doono sidii loo xoojin laahaa nabada sidii horumarka l;ooga
shaqayn lahaa sidii is badal looga dhalin lahaa deegaamada hadii
alle ka dhigo shalay hogaamiyohoogii baan ahaa maantana wali
hogaamiyohoogii baan ahay tabashooyin badani way jiraan waanay soo
gudbisteen dawladuna way balan qaaday in la hir galinayo waanan ka
shaqaynayaa insha allah in tabashooyinkaa iyo waxyaalahaa ay soo
gudbiyeen in la hir galiyo, xukun qaybsiguna waa mid meesha ku jira
wuuna imanayaa hadii alle ka dhigo wasiiraduna waa isku mid
wasaaraduhuna waa isku mid markaa waan ku qanacsanahay wasaradan iyo
xilkan lay magacaabay waanan ka midho dhalinayaa hadii alle ka dhigo.
Guuleed Muxumed Ibrahim (Guuleed Yare)
Timacade News Desk
Hargeysa Somaliland
|