Orodyahanka Dalka Ingiriiska ee u Dhashay Somailland oo Tartan Orodka 10-ka KM ah Maanta ku Qabayana Gabiley

Orodyahanka caanka ah ee tartanada orodada caalamiga ah u safta dalka Ingiriiska Mr. Maxamad Faarax oo u dhashay dalka Somaliland

, ayaa markii u horreysey soo bandhigey inuu qabanayo tartan orodka 10-ka km ah oo ay ka qeyb qaadan doonaan in kabadan boqol orodyahan oo ka kala socda labada Gobol ee Maroodi jeex iyo Gabiley.

Wareegan oo sida uu sheegay Mr Maxamed Faarax lagu guddoonsiin doono tobanka orodyahan ee ugu horeeya kaalinta koowaad abaal marino isugu jira qalabka ciyaaraha, gaar ahaan orodka iyo qadar lacag ah ayaa lagu wadaa in uu maanta axada sitoosa uga bilaabmo magaalada Gabiley ee Xarunta Gobolka Gabiley.

C/risaaq Xasan Bidaar oo ah Xubnaha qurba jooga reer London ee ciyaaryahanka lasoo abaabuley Tartankan Wareega 10km ah ayaa sheegay in abaal marinta Orodyahanka Maxamed Faarax ee u dhashey dalkan Somaliland uu wareegan ugu talagaley ay tahay mid qiimaheedu adag yahay, taas oo ujeeddadeeduna tahay sidii loogu dhiirrigalin lahaa dhallinyarada orodka xiiseysa oo mustaqbalka laga yaabo hadii ay kaalin wanaagsan ka gaadhaan orodka iney dalkooda Somaliland usoo jiidaan sumcad aad u weyn.

Waa markii labaad ee wareeg Tartanka Orodka 10km ah lagu qabto Gobolka Gabiley,iyadoo Wareegii kan ka horeeyey lagu qabtey wakhti imika mudo kooban laga joogo,hase yeshee wuxu wareegani kaga duwan yahey kaa hore waxa ka mug weyn dhinaca abaal marinada oo kabadan kuwii hore.

Togdheernews