Nuxurka
Kulan Maanta Dhexmaray Shirguddoonka Golaha Wakiillada Somaliland
iyo Wefti Dawladda Ingiriiska Ka Socda
Hargeysa (TNN)-Shirguddoonka Golaha Wakiillada Jamhuuriyadda
Somaliland, ayaa shalay ku lan la yeeshay Wefti ka socda
Safaaradda dawladda Ingiriisku ku leedahay magaalada Addis Ababa ee
xarunta dalka Itoobiya, isla markaana waxay ka wadahadleen qodobbo
door ah oo ay ka mid yihiin kaalmooyinka Somaliland Ingiriiska iyo
caalamka kaleba uga baahan tahay, dhi simaha Hay’adaha dawladda,
dhiirrigelinta dimuquraaddiyada, amniga iyo arrimo kale.
Wefigan dawladda Ingiriiska ka socda oo maalmihii u dambeeyey ku
sugnaa Caasimadda Soma liland ee Hargeysa, isla markaana
kulammo la yeeshay Madaxweynaha Somaliland iyo Wasiirka Qorshaynta
iyo xidhiidhka caalamiga ah, ayaa shalay kulan gaar ah oo aan
warbaahinta loo ogolayn la yeeshay saddexda xubnood ee Shirguddoonka
Wakiillada, hase ahaatee, Guddoo miyaha Golaha Wakiillada Md.
Cabdiraxmaan Maxamed Cabdillaahi (Cabdiraxmaan-Cirro), oo wax laga
waydiiyey ayaa faahfaahin ka bixiyey nuxurka kulankooda iyo
waxyaabaha ay kaga wadahadleen.
“Horta Safiirka, Xoghayaha labaad ee Safaaradda Ingiriiska magaalada
Addis Ababa ee dalka Ethiopia iyo Sarkaal ka socday Xafiiska
kaalmooyinka ee Safaaradda Ingiriisku ku leeyahay magaalada Narobi
ee dalka Kenya, ayaannu maanta (shalay)ku qaabbilnay Shir-guddoon
aha an xafiiskayga.” Sidaa ayuu yidhi Guddoomiyaha Wakiilladda
Somaliland, waxaanu isaga oo ha dalkiisa sii wata intaa ku
daray oo uu yidhi;
”Waxannu uga warannay xaaladda guud ee dalku marayo, waxa shacbiga
reer Somaliland ka filayaan Ingiriiska iyo dalalka kale ee
deeq-bixiyeyaasha ah. Waxa kale oo aannu kala hadal nay in
kaalmooyinka Somaliland la siin jiray oo aad u koob-naa, si toos
ahna loo sheegi jirin markii hore iyo sidoo kale dhismaha Hay’adaha
dawliga ah.”
Guddoomiye Cabdiraxmaan-Cirro, waxa uu sheegay in kulankoodu muddo
saacado ah qaatay, isla markaana Weftigu dhinacooda uga warrameen
sida ay uga go’an tahay inay Somaliland dhinacyo badan oo ay ka mid
yihiin horumarka kaabayaasha dhaqaale, dimuquraaddiyadeed,
nabadgalyo, dhismaha hay’adaha iyo guud ahaanba waxyaabaha ay
suuragal tahay inay wax kala qabtaan, taasoo ay xuseen inay ka
midaysan yihiin Midawga Yurub iyo Maraykankuba.
Source: Togaherer
|