Musharaxayagu waa Rayaale iyo ku xigeenkiisa Waraysi xiiso badan oo aanu la yeelanay Cismaan Hindi
Cismaaan Cabdillaahi Cigaa (Cismaan-Hindi)
oo kamid ah Xubnaha gudida fulinta ee xisbiga UDUB, isla markaana ah
wakiilka Xisbiga UDUB u qaabilsan Wakiilka Xisbiga UDUB u qaabilsan
Komishanka Doorashooyinka oo ayaa sheegay in Xisbigiisu ogolayn in
ay doorashadu dib uga dhacdo hal maalin, Waraysi dheer oo uu Qarannews.com la yeelatay , waxa uu u qornaa sedan: S: Qaybtii labaad ee Diiwaangelinta ee Kaydka ahayd (Supplemantary) ayaa maanta ka bilaabantay gobolka Hargeysa, kolkaa waxaan Cismaan Jecelnahay inaanu wax kaa weydiino bal sida ay u bilaantay iyo cabashooyin jira oo dadku ka muujinayaan tabashooyin?. J: Marka ugu horeysa, waxaan
hambalyo iyo bogaadin u dirayaa guud ahaanba dad weynaha Somaliland
gudo iyo dibadba jooga ee ka qayb qaatay diiwaangelintu inay dalka
ka hirhgasho, waad ogtihiin diiwaangelintu qiimaha ay u leedahay
Somaliland waxaanay inoo soo dhawaynaysaa Adduun weynaha inay il
gaara ku eegaan wadankan inuu yahay wadan horumar samaynaya oo wax
badan qabsaday. Sida runta ah wadamo badan oo Afrika ka mid ah iyo
mandaqadan aynu degenay ayaanay ka dhicin tan oo kale, Adduunyadu
maanta waxay diiwaangelintan ku tilmaamaysaa arrin mucjiso ah. Wadan
aynu ognahay miisaaniyadiisu inta ay tahay, adduunyadu cidi aanay ka
aqoon oo aan la aqoonsan, waxana amaantaas oo dhan isla markaasna
keentay in diiwaangelintu sidaa qabsoonto leh Xukuumadda, Xisbiyada
Qaranka iyo shacbigaba. S: waxa jira Cabashooyin badan oo
laga muujinayo diiwaangelintan gobolka Maroodi jeex ka bilaabantay
oo la leeyahay goobaha diiwaangelinta ee kaydka ah waa lagu yareeyay
gobolka Hargeysa, arrimahaa maxaa ma jira?. S: Laakiin Cismaan waxa jirta
iyadoo aynu ognahay in gobolkani yahay gobolka ugu dadka badan 15-ka
cisho ee kaydka ah ay muhiim ahayd maadaama oo dad badani aanay is
diiwaangelin in goobo iyo tiimam badan la siiyo gobolka Hargeysa,
taas ayay imika dad badani ka biyo diidan yihiin oo ay leeyihiin ma
dabooli karto Teamamka la siiyay 15-ka cisho ee dheeraadka ah,
arrintaa maxaad ka leedahay?. J: Sida runta ah diiwaangelintu
way dhacday, arrinta loo baahnaana waxay ahayd in 15-ka cisho ee
danbe gobol walba loo diro, kooxahaasi kuwo qorshaysan bay ahaayeen,
wax kastaana waxa uu salka ku hayaa dhaqaale teamka la kordhiyaana
dhaqaalihiisa ayuu la kordhayaa, waxaynu ogsoonahay in kooxdiiba ka
kooban tahay 10 ruux iyo in ka badan, seddex ka socda, komishanka,
cadaalada iyo ciidanka intaas oo dhami waa dad lacag doonaya oo meel
kasta oo ay tagaan lacag baa ku socota, waxaana intaa weliba dheer
gaadiidka ay kaxaysanayaan, kolkaa Tiim kordhintu maaha wax la iska
kordhinayo ee waa wax salka ku haya dhaqaale. Barnaamij baana jiray
markii diiwaangelinta la samaynayay gobol waliba waxa uu lahaa goobo
cayiman. Kuwan danbe (15-ka cisho) waxay ku salaysnaayeen
degmooyinka uu gobolku ka kooban yahay, kadib waxa dhacday in
dhibaatooyin badani dalka ka dhacaan, sida Saaxil oo kale, oo ahaa
gobolkii ugu horeeyay ee lagu tijaabiyay diiwaangelinta,
dhibaatadeeda ayay lahayd, Awdal baad ogaydeen oo aad ogaydeen
mashaakilkii ka dhacay, waxaad ogaydeen ilaa Soddomeeyo Computer ay
si khalad ah uga hawl galeen, khaladkaana Komishanku iyo Hay'adda
Inter Peace qirteen oo maalimihii ugu horeeyay wax diiwaangelin ah
oo Awdal ka dhacday aanay jirin, isla markaana ay waraaquhu ka
go'een. Markii ay isku noqdeen Komishanka, Xisbiyada iyo inta kale
ee ay arrintani khusayso waxa la isla gartay in indho gooni ah lagu
eego arrimahaasi oo la eego meelaha ay dhibaatooyinku ka dhaceen ee
ay ka mid yihiin Saaxil iyo Awdal, Waad ogtihiin oo goboladan bariga
ee Sool iyo Sanaag inay jirtay in degmooyinka badankooda aanay
wacyigelitu gaadhin, kolkaa meelo la kordhiyay haday jiraan oo Awdal,
Sool iyo Sanaag iyo Berbera ahaa ayaa Teamamka loo kordhiyay,
Hargeysa iyo Burco looma kordhin waxaana loogu kordhin waayay markii
hore ayay goobo ku filan ay lahaayeen, dhibaatooyinka sida runta ah
ka dhacay Awdalna kamay dhicin, waad ogtihiin Burco waayo
aragnimadii laga dhaxlay Saaxil, Awdal iyo Hargeysa ayaa laga
faa'iidaystay oo dhib ay reer Togdheer la kulmeen ma ay jirin,
waxanay heleen Fursado waayoaragnimadaas la xidhiidha iyo dadaal
badan oo Teamamka loogu kordhiyay, Togdheer ilaa 40 Team oo dheeraad
ah baa la geeyay, wax waraaq ah oo ka go'ayna ma jirin, markaa
waxyaabo badan markii la isla eegay waxaan filayaa in si qurux badan
oo suuro gal ah loo qorsheeyay 15-kan cisho ee dheeraadka ah. S: Waxa jirtay in gobolka Saaxil
uu hore u dhamaystay 15-kii cisho ee hore dheeraadka ahaa, waa maxay
baahida hadda keentay in mar labaad 15 cisho oo dheeraad ah la
siiyo?. J: Saaxil, waxa weeye baahida
keentay, nidaam baa jiray in gobol walba team loo diro oo dib loogu
noqdo oo qaraxii 29. oct baa ka mid ahaa oo hawlaheenii hakiyay.
Saaxil afar goobood baa la yidhi sida runta ah markaa haka qabsoonto
diiwaangelintu, seddex goobood bay diiwaangelintu ka qabsoontay
diiwaangelintu, 15-koodii hore ee dheeraadka ahaa, goob kaliya
baanay ka qabsoomin, taasi oo ah Bulaxaar, Xaqna sida runta ah way u
lahaayeen inay ka qabsoonto, taasaana keentay in Bulaxaar lagu noqdo
oo diiwaangelintii lagu noqdo. S: Cismaan, waxaan Jecelahay
inaan ku weydiiyo su'aal diiwaangelinta ka baxsan, Aad waxad ugu
dhuun dalooshaa arrimaha doorashooyinka maadaama oo aad tahay
wakiilkii Xisbil xaakimka u joogay komishanka, walaac badan baajira
oo laga muujinayo doorashada soo socota oo la leeyahay waxay sababi
kartaa dib u dhac, maadaama oo komishanku ku mashquulay arrinta
diiwaangelinta oo kaliya oo hawlihi kale ee doorashooyinka maba wato
la leeyahay, arrrintaa maxaa ka jira?. J: Haddaanu nahay Xisbil Xaakimka
oo aanu Xisbiga UDUB nahay ma ogolin, diyaarna uma nihin Maalin iyo
saacadtoona ay doorashadu dib u dhacdo, waxa ay duruufuhu keenaan ee
markaa loo wada joogaa waa halkeeda, laakiin annagu maanta waxaanu
diyaar u nahay in doorashada wakhtigeedii lagu qabto, ku galnana
sida runta ah, waayo waxaanu ognahay inay noogu badinayso sida runta
ah, oo aanu ummada inteedii badnayd ilaa 80% haysano, markaa ma
jirto wax sabab ah oo dib u dhigi karta doorashada. S: Cismaan, waxa jirta mid u
muuqata inay Xisbiga UDUB damacsan yihiin inay dib u dhacdo
doorashadu, Macnihii oo dadka qaar leeyihiin Maadaama aanu wali ilaa
HAdda UDUB shirweynihiisii qabsan waxa dhici karta inay doorashadu
wakhtigeedii dib uga dhacdo, loollan badanina imika Xisbigiina wuu
ka dhex jiraa, arrimahaasi maanay muujinayn inaad doonaysan in
doorashadu dib u dhacdo?. J: Horta waa nasiib darro inaad
shirweynaha Xisbiga iyo doorashada qaranka isku xidhaan, waayo
shirweynaha Xisbiga qabashadiisu waa halkiisa, waana laba arrimood
oo kala gooni ah, doorashada Qaranka, seddexda Xisbi, komishanka
xukuumadda ayay u taallaa oo ku heshiiyay, Shirweyne Xisbina wax ku
xidhana maaha, Arrintaa Shirweynuhuna waa mid xisbiga UDUB u taala
waanu Qabsoomayaa insha allah. S: Laakiin Haddii aydaan
diyaarsan cid idiinka Qayb gali lahayd tartanka doorashada, Maxaad
doorashada kaga qayb galaysaan?. J: Sideebaanan Cid nooga
Qaybgasha u diyaarsan, hore waanu u sheegnay imikana waanu
sheegaynaa, Xisbigayagu waa dimuqraadi, Madaxweynuhu hore ayuu u
sheegay, ku xigeenkuna wuu sheegay inay musharaxiin u yihii xisbiga
UDUB. Waxaan idiin sheegayaa sida runta ah oo aan hubaa 90% ub
guddida fulinta, Golaha dhexe ee Xisbiga UDUB iyo shacbiga
Somalilanba ay siinayaan taageeradooda, in Musharaxa Madaxweynaha
iyo Madaxweyne--ku-xigeenku ee Xisbiga UDUB ay noqonayaan Madaxweyne
Daahir Rayaalle KAahin iyo ku xigeenkiisa Md. Axmed Yuusuf Yaasiin. S: Laakiin kalsooni Xisbiga ah
inay ku soobaxaan maanay ahayn?. J: Oo dee kalsooni Xisbiga ah
baan ka hadlayaa!!!!!!!!!!!!!!!!!!!!. kalsooni Xisbiga ah baan ka
hadlayaa, waxa lagu dooranayaa waa shirweyne maaha meelahaasi iyo
bahaabahaa iyo ruwaayado maaha, shirweynihu wuu qabsoomayaa mar ay
noqotaba, laakiin waxaan idiin sheegayaa wakhtigan aad sheegaysaan
ee aad leedihii musharaxiintii baan la soo bandhigin horteed inuu
qabsoomayo. S: Su'aal taas lamid ah aan ku
weydiiyo Waxa jira Rag badan oo Xisbiga UDUB iska soo sharaxay,oo ay
kamid yihiin Cabdillaahi Darawal iyo Axmed Sandoon ay ku dhawaaqeen
inay musharaxiin Xisbiga ka tartamaya ay yihiin, isla markaana ay
ragaasi leeyihiin kalsooni badan baanu gudida fulinta iyo xisbigaba
ka haysanaa, Taasi miyaanay muujinayn in Xisbiga golihiisa dhexe
tafaraaruq ku jiro oo ay kala taageersan yihiin musharaxiintan,
hadba cidda isa soo taagta?., J: Adeer, wax tafaraaruq oo ah
xisbiga ka dhex jiraa ma jiro, dimuqraadiyada ayuun bay muujinaysaa
tani, ninkasta oo Muwaadina oo reer Somaliland ah ama Xisbi ha
ahaado ama suuqa ha joogo, ama saylada adhiga ha u iibinayo inuu han
la yimaado, oo hankiisu doonayo inuu hanto jagada ugu weyn ee
Somaliland, distoorka qarankaana siinaya muwaadin kasta oo reer
Somaliland ah inuu wax doorto lana doorto, waxa weeye Xisbigayagu
nidaam iyo xeer buu leeyahay, kaasuun baana la raacayaa wax kale oo
meesha yaallaa ma jiro. S: ugu danbayn, waxaad tahay
Siyaasi aad ugu firfircoon xisbiga UDUB dhexdiisa, waxaana nagu
maqaalo xilkii Xoghayihii hore ee Xisbiga UDUB oo dhawaan
geeriyooday Allaa yarxamu'e Maxamed Ismaaciil Bullaale aad isu
sharaxayso, taa iyada maxaa ka jira?. J: Salaamu Calaykum, Salaamu
Calaykum, horta waxaan idin arkayaa qolooyinkiina Saxaafadda,
waxaanad tihiin inaad awooda afraad ee dalka, waxaanan idinku
bogaadinayaan sida aad wararkau qaadataan ee aad Somaliland
Adduunweynaha uga dhaadhicisaan, inkastoo ay jiraan warar badan oo
meel aad ka keentaan aysan jirin oo aad qortaan, weliba Qolooyinka
Joornaaladu ay is leeyihiin wax baad ku iibin kartaan,.
|